Гигель, Татьяна Анатольевна

Гигель Татьяна йина 1960 шеран 27 февралехь Ламанан-Алтайн автономин областан Майман (1980 шарахь дуьйна — Чойн кӀошт) кӀоштара Уймень эвлахь. Белхан гӀуллакх долийра Уйменан Металл лалоран-кечдаран заводан экономистан дешархочун тӀера. 1980 шарахь дуьйна болх бира Каракокшинан хьунпунктан нормировщикан даржехь. 1982 – 1987 шерашкахь дийшира Красноярскехь Сибрехан технологин институтехь, инженер-экономистан говзаллин^[1].

1983 – 2000 шерашкахь белхан норманаш хӀитторан инженер, болх бира, планан-экономикин декъан хьаькам, Каракокшинан долара гӀоьнан бахаман коьрта бухгалтер, Чойн хьуьнан бахаман коьрта бухгалтер. 2000 шеран сентябрера 2006 шо кхаччалц Гигель Татьяна Чойн хьуьнан бахаман коьртехь йара^[1].

2001 шарахь Гигель хаьржира Республика Алтайн Пачхьалкхан Гуламан — Эл Кхурултайн кхоалгӀа кхайкхаман депутат. 2006 , 2010, 2014 шерашкахь йухахаьржина республикин парламенте. Пачхьалкхан гуламехь Председателан гӀовсан даржехь йара. Бюджетан а, налогийн политикин а комитетан декъахо хилла^[1].

2014 шеран 30 сентябрехь Гигель Татьяна Республика Алтайн Пачхьалкхан Гуламера Федерацин Кхеташоне векал йахийтира. Российн парламентан лакхара палатехь Аграрийн-сурсатийн политикин а, Ӏаламах пайдаэцаран а комитетан йукъайоьду^[1].

2019 шеран 8 сентябрехь хаьржира Республика Алтайн ворхӀалгӀа кхайкхаман Пачхьалкхан гуламе, ткъа 2019 шеран 1 октябрехь Федерацин Кхеташонан декъахочун йуьззина бакъонаш йелла Республика Алтайн пачхьалкхан Ӏедалан закононашкхолларан меженан тӀера^[2]