Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Атаев, Мовсар Кохкун воӀ

Атаев, Мовсар Кохкуевич (оьрс. Атаев, Мовсар Кохкуевич;1962 шеран 1 февраль, Керла-Йурт, ДегӀастанан АССР) — Российн театран а, кинон а, актёр а, режиссёр а, Нохчийн Республикан халкъан артист а, Нохчийн Республикан сийлахь артист а[1].

Биографи

Вина ДегӀастанан Хаси-Эвлан кӀоштехь Новосельски йуьртахь. Жима волуш дуьйна цо жигара дакъалоцура школера исбаьхьаллин кхолламашкахь. Йуккъера школа чекхъйаьккхинчул тӀаьхьа комсомольски организацин секретарь а, йуьртасоветан исполкоман секретарь а, суртдиллархо-кечдархо а, киранча а, консервийн заводехь кийча продукцин дӀаэцархо а болх бира цо[1].

1988-чу шарахь Воронежски пачхьалкхан исбаьхьаллин институтан театран отделан актёрийн факультете деша хӀоьттира Атаев Мовсар. 1992 шарахь, институт чекхъйаьккхинчул тӀаьхьа, артист стажировке хьажийра М. Горькийн цӀарахчу ХӀинжа-ГӀаларчу пачхьалкхан оьрсийн драмин театре[1].

Стажировка йоьдучу хенахь Нохчийн драмин Нурадилов Ханпашин цӀарах театре ХӀинжа-ГӀалара гастролашца йеънера, Атаевс сацам бира цу театре болх бийр бу аьлла. 1992 шарахь Атаев Мовсар дехьавелира Нохчийн театре актёран болх бан[2].

Театрехь Атаевн дуьххьарлера роль йара «ОxӀ, хӀара нуц» спектаклехь зуда лоьхучех цхьаннан роль. Цхьана репетици йоьдучу хенахь режиссёро Гузуев Хусейнаас актёран похӀма билгалдаьккхира, партин белхалочун рогӀера роль кховдийра цуьнга, тӀаккха кхин а. Цу кепара, шен дебютни спектаклехь актеро кхиамца ловзийра цхьана хенахь кхо роль[1].

Тахана актёр хьалха волуш ву Нохчийн драмин Нурадилов Ханпашин цӀарах театре, дуккха а спектаклашкахь дакъалоцуш ву[3].

2025-чу шеран лахьанан баттахь хаам бира, Атаев Мовсар хӀора шарахь дӀахьочу «Синмехаллаш» республикин телевизионни фестиваль-къовсаман тергамхойн декъашхо ву аьлла[4].

Театрехь ролаш

ХӀинцалера спектаклаш:

  • «Шен цӀа — цӀен цӀа»[5] — Парижехь китайхойн ресторанан долахо);
  • «Марнаний, йалх нуссий» — Уринбай, профессор;
  • «Лаьмнел лекха»[6] — МаӀаш;
  • «Ворда харцийча — некъ карийна» — Карпе;
  • «Ханума» — Тимотэ;
  • «Нохчийн махкахь, нохчийн маттахь» — Викентий Викторович;
  • «Нохчийн махкахь, нохчийн маттахь» 2 дакъа — Хасаев;
  • «Бож-Ӏела» — Жамалайла, Абубешир;
  • «Аршин Мал-Алан»[7] — Султанбек;
  • «Зуда йалор» — Жевакин;
  • «Пётр Захаров — Дада йуьртара нохчо»[8] — Волков Л. А. (исбаьхьалча);
  • «Сан некъ»;
  • «Марчо эца вахнарг» — поэт;
  • «Лермонтов-Кавказ» — масканаш а, ловзаш берш а;
  • «Къематан де хьоттича» — Михей.

Архиван спектаклаш:

  • «Хийн йистехь захало» — Яхьсан;
  • «Дашо кӀорни» — борз;
  • «Совдат а, Дауд а» — Жабал;
  • «Лийрбоцурш» — Баркинхоев;
  • «Майра Кикила» — паччахь;
  • «Дела воцург накъост воцуш» — Зулумов, Исхаков;
  • «Юбилей» — Чебуков;
  • «Бремен гӀалин музыканташ» — коьрта хехо;
  • «ОxӀ, хӀара нуц» — Рахман, МаьнӀцалг;
  • «Чудакиш» — Мадда;
  • «Кховдор» — Чебуков;
  • «Асхаб Бендер» — Асхаб;
  • «Жима эла» — король;
  • «Скапен, безам ларбе!» — Органта;
  • «Нигат» — Тур-Сайфулла.

Фильмографи

  • «Дицдан омра дина»[9] (режиссёр Эркенов Хусейн) — йуьртан Советан председатель.

Совгаташ

Билгалдахарш

  1. ↑ 1 2 3 4 Атаев Мовсар. Чеченский государственный драматический театр им. Х.Нурадилова. ТӀекхочу дата: 2026 шеран 18 апрель.
  2. ↑ kino-teatr.ru. Мовсар Атаев(бил-боцу.). kino-teatr.ru (2023 шеран 23 март). ТӀекхочу дата: 2024 шеран 30 март.
  3. ↑ checheninfo.ru. Бенефис к юбилею Народного артиста ЧР Мовсара Атаева. checheninfo.ru (2023 шеран 15 январь). ТӀекхочу дата: 2024 шеран 29 март.
  4. ↑ Синмехалаш. национальнаяполитика.рф. ТӀекхочу дата: 2026 шеран 19 февраль.
  5. ↑ Спектакль Хавы Ахмадовой «Дорога домой» вошел в программу фестиваля «Федерация». Чеченская Государственная Телерадиокомпания «Грозный» (4 сентября 2019). ТӀекхочу дата: 2024 шеран 29 март.
  6. ↑ Премьера спектакля «Выше гор» Чеченского театра имени Нурадилова состоялась в РАМТе, TACC (2017, 23 май). Дата обращения: 29 мартехь 2024.
  7. ↑ Роза Цакаева. Гюльчохра, Султанбек и другие… Сетевое издание «Вести Чеченской Республики». Сетевое издание «Вести Чеченской Республики» (2012 шеран 24 декабрь). ТӀекхочу дата: 2024 шеран 29 март.
  8. ↑ Ирсана Татаева. В Чеченском Государственном драматическом театре им. Ханпаши Нурадилова состоялась премьера спектакля «Петр Захарова — чеченец из Дади-Брта». Сетевое издание «Вести Чеченской Республики». Сетевое издание «Вести Чеченской Республики» (2022 шеран 9 ноябрь). ТӀекхочу дата: 2024 шеран 29 март.
  9. ↑ Создатели/Приказано забыть. Кинопоиск. ТӀекхочу дата: 2024 шеран 6 апрель.
  10. ↑ Указ от 18.02.2008 г № 39 О награждении наградами Чеченской Республики. chechnya-gov.ru. ТӀекхочу дата: 2026 шеран 18 апрель.
  11. ↑ Указ Главы Чеченской Республики от 23.12.2011 N 272 О награждении наградами Чеченской Республики. base.garant.ru. ТӀекхочу дата: 2026 шеран 18 апрель.

Категореш