Асильдаров, Шемал Саидбегович
Асильда́ров Шемал Саидбе́гович (1983 шеран 18 май[1], ХӀинжа-ГӀала) — россин футболист, тӀелатархо. Российн спортан говзанча, «Анжин» вице-президент.
Карьера
ДегӀастан футболан кхиорхо. Хьалхара тренер — Семён Валявский[2]. Шен профессионалан ловзаран карьера цо йолийра 2000 шарахь ХӀинжа-ГӀалара «Динамон» йукъахь — Профессионалан футболан лигин къилбаседа зонехь йолчу клубехь. Командехь даьккхинчу пхеа шарахь иза левзина 165 матч, 93 гол а тоьхна. 2003 шарахь иза командица хьалавелира мехкан хьалхара дивизионе, кхин а шеран тоьлла бомбардир хилира, къовсамхойн кевнаш чу 31 буьрка а тоьхна.
2005 шарахь «Динамо» дӀатесира, Москохан областан «Химкица» барт а бина, цигахь иза дерриг шарахь исс матч бен ца левзира, 4 гол а тоьхна. ШолгӀачу шарахь, командин коьрта тренер Павел Яковенко кхайкхича, иза дӀакхийтира Краснодарера «Кубанах», цигахь цо 6 баттахь 20 матчехь 18 гол тоьхна, хьалхарчу дивизионехь гол тохаран рейтингехь хьалха вара.
Кубанехь Асилдаровн кхиамца гайтинчу ловзарша тидам тӀебахийтира Российн футболан лидерийн, 2006 шеран августехь цуо контракт йира Москохан «Локомотивца». Оьрсийчоьнан премьер-лигехь Асильдаровн дебют хилира 2006 шеран 6 августехь, 14-чу матчехь Перман «Амкар» тобанца. Хьалхара тайм чекхъйаьлча йукъаваьккхира Шемал, Евсеев Вадиман метта. Мехкан элитан дивизионехь хьалхара гол Шемалас туьйхира кхин а ши тур йаьлча самарин «Крылья Советовн», цуьнан команда туьйлира 2:1 чоьтаца. Иштта долушшехь Шемал дӀа ца тасавелира коьрта командехь цӀерпоштнекъахойн, шо чекхдаьлча йухавирзира «Кубань» йукъа.
2007 шеран аьхка Асильдаров бегондин бакъонашца дехьаваьлла «Терк». 2008 шарахь Асильдаровс ХӀинжа-ГӀалин «Анжин» могӀнаш дуьзина.
Ах шо даьлча дехьаваьлла владивостокан «Луч» команде, цигахь дебют йира 2008 шеран 9 августехь 17-гӀачу туран матчехь ярославлан «Шинникца», Шемалас 65-гӀа минотехь Андре Алвес хийцира[3]. Шо чекхдолуш Генара Малхбузера командехь кхин а бархӀ матч левзина, иштта буьрканца билгалваьлла шен хилла клубан дуьхьала — москохан «Локомотиван»[4]. Амма оцу хӀумано кӀелхьара ца йаьккхира тоба хьалхара дивизионе охьайаларх, ткъа Асилдаровн контракт карла ца йаьккхира. 2009 шарахь иза ловзуш вара йезархойн футболан лигехь къилба зонехь "Махачкала" клубехь[5].
2009 шеран 5 августехь йоцачу ханна барт бира лакхара лигин аутсайдерех цхьаьнца — нальчикан «Спартакца»[6]. Асильдаровн шен керлачу клубехь дебют хилира москохан цхьаьнаклубхошна дуьхьала. Шемал йерриг а матчехь левзира, ур-атталла гол а туьйхира, цунах гӀо ца хиллехь а, эххар а 2-4 эшначу шен тобанна[7]. Шо чекхдалале 13 матчехь Шемалас кхин а 7 гол туьйхира, цуьнца цхьаьна гӀо дира Нальчикан клубан Премьер-Лигехь йиса. 2009 шо чекхдаьлча цунах маьрша агент хилира[2].
2009 шеран декабрехь хаийтира, Шемал йухавеина Соьлжа-ГӀалара «Терк» йукъа, кхаа шарна контракт йина аьлла[8], амма и хаам бакъ ца бира, йуха харц бира хьалха нальчикан «Спартако»[9], ткъа тӀаьхьа, командин коьрта тренеро Красножана Юрийс, цуо дийцарехь Асильдаровс цхьацце контракт ца йаздина, ткъа нальчикан клубан лаьа цуьнца йукъаметтиг лело. ХӀетте а, 2010-чу шеран январь бутт болалуш официалан дӀакхайкхийра, ловзархочо Соьлжа-ГӀалин клубца шина шарна контракт йина аьлла. Теркан официалан сайта тӀехь хӀора матч чекхйаьлча рогӀерчу кхажтасарца, 2010-чу шарахь Оьрсийчоьнан футболан чемпионатехь клубан тоьллачу ловзархойн тептарехь шолгӀа меттиг дӀалаьцна Асилдаровс, Ризван Уциевл тӀаьхьа а волуш[10]. Шина шарахь эха шарахь Соьлжа-ГӀалин клубехь левзина 65 матчехь, 17-за къовсамхочун кевнаш чутоьхна, 2011/12 шо чекхдаьлча клубан куьйгалло сацам бира Шемалца контракт ца йаздира[11].
2012 шеран аьхка Асильдаровс йоцачу ханна барт бира Нижни Новгородан «Волгица»[12]. 2013 шеран Ӏай конракт йахйира кхин а эха шарна[13], амма оцу шеран апрелехь барт бохийра[14].
2014 шеран февралехь йухавеира «Луч-Энерге». Командийца цхьаьна ФКъЛ кедан толамхо хилира, ловзархойн тобанца тоьлла бомбардир хилира, кхо буьрка а тоьхна, кхин а къобал вира турниран тоьлла ловзархо санна[15]. 2014 шеран июлехь Шемала керла контракт йира «Анжица» шина шарна[16]. Асильдаров «Анжи» йухаверзар хилира 6 июлехь ФКъЛ хьалхара туран матчехь «Сахалинна» дуьхьала, цигахь Шемал автор хилира толаман голан[17]. Амма шен хала амална, цуьнца контракт йаздан ца лаарна 2015 шеран аьхка висира клуб йоцуш. Кхин дӀа тренировкаш йира ша. 2016 шеран февраль чекхболуш, медталламах чекхволуш Аштаркхнен «Волгаран» могӀнаш дуьзира[18]. 2016 шеран 13 июнехь дехьаваьлла кхазакхстанан Костанайра «Тобол» клубе, 2016 шо чекхдаллалц контракт йаздина[19]. 2017 шеран февралехь йуха а вахана ХӀинжа-ГӀалин «Анжи», контракт командица йаздира 1 шарна[20]. 2017 шеран аьхка хилира маьрша агент. 2020 шеран январь беттан йуьххьехь хиира, Асильдаров хӀоттийра «Анжин» вице-президент[21].
Кхиамаш
Командин «Динамо» (ХӀинжа-ГӀала)
- 2003 шеран шолгӀа дивизионан «Къилба» зонин толамхо.
«Локомотив» (Москох)
- Россий чемпионатан борзанан совгӀатхо: 2006.
«Терк»
- Хьалхара дивизионан толамхо: 2007.
«Луч-Энергия»
- ФКъЛ кедан толамхо: 2014.
Долара
- ШолгӀа дивизионан тоьлла бомбардир:2003.
- ФКъЛ Кедан тоьлла ловзархо: 2014.
- ФКъЛ кедан тоьлла бомбардир: 2014.
Шен дахар
Ловзаран статистика
| Команда | Шо | Чемпионат | Кад | Йерриг | ||||
|---|---|---|---|---|---|---|---|---|
| ТӀегӀа | Ловзарш | Голаш | Ловзарш | Голаш | Ловзарш | Голаш | ||
 Динамо (ХӀинжа-ГӀала)
|
2000 | III | 34 | 11 | 1 | 0 | 35 | 11 |
| 2001 | III | 33 | 16 | 2 | 2 | 35 | 18 | |
| 2002 | III | 35 | 21 | 3 | 0 | 38 | 21 | |
| 2003 | III | 35 | 31 | 4 | 2 | 39 | 33 | |
| 2004 | II | 28 | 14 | 1 | 0 | 29 | 14 | |
| Йерриг | 165 | 93 | 11 | 4 | 176 | 97 | ||
| Химки
|
2005 | II | 9 | 4 | 0 | 0 | 9 | 4 |
| Кубань (Краснодар)
|
2006 | II | 20 | 18 | 0 | 0 | 20 | 18 |
| Локомотив (Москох)
|
2006 | I | 4 | 1 | 1 | 0 | 5 | 1 |
| Кубань (Краснодар)
|
2007 | I | 13 | 0 | 1 | 0 | 14 | 0 |
| Терк (Соьлжа-ГӀала)
|
2007 | II | 12 | 4 | 0 | 0 | 12 | 4 |
| Анжи (ХӀинжа-ГӀала)
|
2008 | II | 21 | 6 | 1 | 2 | 22 | 8 |
| Луч-Энергия (Владивосток)
|
2008 | I | 9 | 1 | 1 | 0 | 10 | 1 |
| ХӀинжа-ГӀала
|
2009 | IV | ? | ? | 0 | 0 | ? | ?[24] |
| Спартак-Нальчик
|
2009 | I | 14 | 8 | 0 | 0 | 14 | 8 |
| Терк (Соьлжа-ГӀала)
|
2010 | I | 29 | 9 | 0 | 0 | 29 | 9 |
| 2011/12 | I | 36 | 8 | 2 | 1 | 38 | 9 | |
| Йерриг | 65 | 17 | 2 | 1 | 67 | 18 | ||
| Волга (Нижни Новгород)
|
2012/13 | I | 13 | 3 | 1 | 0 | 14 | 3 |
| Луч-Энергия (Владивосток)
|
2013/14 | II | 11 | 5 | 2 | 0 | 13 | 5 |
| Анжи (ХӀинжа-ГӀала)
|
2014/15 | II | 29 | 5 | 2 | 2 | 31 | 7 |
| Волгарь (Аштаркхне)
|
2015/16 | II | 13+2[25] | 5 | 0 | 0 | 15 | 5 |
 Тобол (Костанай)
|
2016 | I | 18 | 2 | 0 | 0 | 18 | 2 |
| Анжи (ХӀинжа-ГӀала)
|
2016/17 | I | 6 | 0 | 1 | 0 | 7 | 0 |
| Анжи (ХӀинжа-ГӀала)
|
2020/21 | III | 8 | 0 | 0 | 0 | 8 | 0 |
| Йерриг карьерехь | 430 | 172 | 23 | 9 | 455 | 181 | ||
(2020 шеран 21 ноябран хьолехь коррекци йина)
Хьосташ:
- Статистика схьаэцна РФПЛ официалан сайт тӀера
- Статистика схьаэцна Sportbox.ru спортан медиа-порталан тӀера
Билгалдахарш
- ↑ 1 2 Shamil Asildarov // Transfermarkt(бил-боцу.) — 2000.
- ↑ 1 2 3 Ислам Абакаров и Мурад Канаев. Шамиль Асильдаров: «Могу оказаться и в „Тереке“, и в „Анжи“» // Дагестанский стадион : Газета. — ХӀинжа-ГӀала, 2009. — Вып. 31 декабря, № 50 (155). — С. 4. Архивйина 2014 шеран 2 февралехь.
- ↑ Чемпионат России по футболу. Протокол матча «Шинник» (Ярославль) — «Луч-Энергия» (Владивосток) 1:2. news.sportbox.ru. ТӀекхочу дата: 2026 шеран 7 январь.
- ↑ Чемпионат России по футболу. Протокол матча «Луч-Энергия» (Владивосток) — «Локомотив» (Москох) 2:3. news.sportbox.ru. ТӀекхочу дата: 2026 шеран 7 январь.
- ↑ Чемпионат России по футболу среди КФК. Заявка ФК «Махачкала». Официальный сайт федерации футбола южного и Северо-Кавказского округов. ТӀекхочу дата: 2026 шеран 7 январь.
- ↑ Форварды Сирадзе и Асильдаров пополнили состав нальчикского «Спартака». «РИА Новости» (2009 шеран 5 август). ТӀекхочу дата: 2026 шеран 7 январь. Архивйина 2013 шеран 11 майхь
- ↑ Чемпионат России по футболу. Протокол матча «Спартак» (Нальчик) — «Спартак» (Москох) 2:4. www.championat.com (2009 шеран 8 август). ТӀекхочу дата: 2026 шеран 7 январь.
- ↑ Асильдаров перешёл в «Терек». «Спорт-Экспресс» (2009 шеран 21 декабрь). ТӀекхочу дата: 2026 шеран 7 январь.
- ↑ В Нальчике опровергли информацию о переходе Асильдарова. Чемпионат.com (2009 шеран 21 декабрь). ТӀекхочу дата: 2026 шеран 7 январь.
- ↑ Ризван Уциев — лучший игрок «Терка» в сезоне 2010 года! Информационное агентство «Грозный-Информ» (2010 шеран 9 декабрь). ТӀекхочу дата: 2026 шеран 7 январь. Архивйина 2013 шеран 11 майхь
- ↑ «Терек» не будет продлевать контракт с Шамилем Асильдаровым. www.grozny-inform.ru (2012 шеран 14 июнь). ТӀекхочу дата: 2026 шеран 7 январь.
- ↑ ФК «Волга» заключил контракт с нападающим Асильдаровым. www.sovsport.ru. ТӀекхочу дата: 2026 шеран 7 январь.
- ↑ Асильдаров продлил контракт с «Волгой» до конца года. Sports.ru (2013 шеран 14 январь). ТӀекхочу дата: 2026 шеран 7 январь. Архивйина 2013 шеран 11 майхь
- ↑ «Волга» отзаявила нападающего Асильдарова. Sports.ru (2013 шеран 30 апрель). ТӀекхочу дата: 2026 шеран 7 январь. Архивйина 2013 шеран 11 майхь
- ↑ Обладателем Кубка ФНЛ стал «Луч-Энергия». www.sports.ru (2014 шеран 22 февраль). ТӀекхочу дата: 2026 шеран 7 январь.
- ↑ Асильдаров, Аравин и Мутари стали игроками «Анжи». www.sports.ru (2014 шеран 2 июль). ТӀекхочу дата: 2026 шеран 7 январь.
- ↑ «Анжи» начал сезон с победы над «Сахалином». news.sportbox.ru (2014 шеран 3 июль). ТӀекхочу дата: 2026 шеран 7 январь.
- ↑ Юрий Газзаев: Асильдаров поможет нам, а мы — ему. ТӀекхочу дата: 2026 шеран 7 январь.
- ↑ Бывший форвард "Локомотива" и "Анжи" перешел в "Тобол". www.sport-express.ru. ТӀекхочу дата: 2026 шеран 7 январь.
- ↑ Асильдаров вернулся в «Анжи», подписав контракт сроком на год. championat.com (2017 шеран 2 февраль). ТӀекхочу дата: 2026 шеран 7 январь. Архивйина 2021 шеран 2 ноябрехь
- ↑ Асильдаров Шамиль Саидбегович. ТӀекхочу дата: 2026 шеран 7 январь.
- ↑ Шамиль. Официальный сайт ФК «Химки» (со ссылкой на журнал «Ислам») (2005 шеран 30 август). ТӀекхочу дата: 2026 шеран 7 январь. Кху чуьра архивйина оригиналан 2013 шеран 6 июнехь
- ↑ 1 2 Шамиль Асильдаров: «Нравилось играть у Павла Яковенко». Официальный сайт ФК «Анжи» (2008 шеран 21 апрель). ТӀекхочу дата: 2026 шеран 7 январь. Архивйина 2020 шеран 8 августехь
- ↑ Официальные протоколы этого турнира обнаружить не удалось.
- ↑ переходные матчи за право играть в Премьер лиге
