Ямадаев Джабраил Бекмирзин воI
Джабраи́л Бекмирза́евич Ямада́ев (16 июнехь 1970[1], Гуьмсе, Нохч-ГӀалгӀайн Автономин Советийн Социалистийн Республика, РСФСР, ССРС — 5 мартехь 2003, Ведана, Чеченская Республика, Российская Федерация) — Нохчийн Республикин тӀеман комендатурехь леррина Ӏалашонан ротан командир, лейтенант, Российн Федерацин Турпалхо (2003).
Биографи
Нохчи. Беной тайпанна. 1986-чу шарахь чекхйаььккхина Гуьмса-гӀалара № 4 йолу ишкол. 1988-чу шарахь Советан эскаре кхайкхира иза. Алтайн махкахь ракетийн ницкъашкахь гӀуллакх дина, 1990-чу шарахь демобилизаци йина.
Вежарий — Ямадаев Руслан — велла 2008-чу шарахь, Ямадаев Сулим — велла 2009-чу шеран март беттан 28-чу дийнахь, ший а Российн Федерацин Турпалхой.
ТӀеман карьера
1996-чу шарахь деша хӀоьттира бизнесан урхаллин а, бакъонан а институтан юридически факультете. 1998-чу шарахь ша винчу Гуьмсахь вахабиташца хиллачу тӀемашкахь дакъалецира цо. Шен вежаршца цхьаьна цо ларйира Белка хин тӀехула тӀай долчу кӀоштахь уггаре а кхерамечех цхьаъ йолу меттиг а, 1-чу гӀалин дарбан цӀийнан меттиг а. 1999-чу шарахь оьрсийн инарлашца цуьнан дагавалар бахьана долуш аьтто белира Гуьмса хӀаллакьхиларх кӀелхьараяккха а, цигара тӀемалой арабаха а. Цул тӀаьхьа а цу кепара акцеш хилира Курчалойхь а, Ножай-Юьртахь а. Масех баттахь кхо бӀе гергга герз а, дуккха а патармаш а дӀаделира Жабраила.
Батальон «Восток»
2002-чу шеран март баттахь Нохчийчоьнан тӀеман комендатуран леррина рота кхоьллира Ямадаевн агӀор болучарна юкъара, тӀаьхьо «Восток» батальон аьлла хийцира иза. Цу йукъахь бара Къоман гвардин шолгӀачу батальонера федералан эскаршна агӀор дӀабаханчу тӀемалойх. 2002-чу шеран март беттан 10-чу дийнахь Ямадаев Джабраила Россин Федерацин ТӀеман Ницкъийн могӀаршкахь эскарехь гӀуллакх дан контракт а яздина, оцу ротан командир хӀоттийра.
Цхьана шарахь бен спецназан рото дӀаяьхьна 18 леррина операци лаьмнашкахь а, 23 аренашкахь а, ткъа иштта 114 разведкин а, лехаман а операци. Леррина эскарша йохийна лаьмнашкахь 16 база, Арапханов «Баронан» тобанера 23 тӀемало, полевой командира «Кана» Бедиевн тобанера 18 тӀемало. Верриг а дӀаваьккхина 137 тӀемало, шайна юкъахь 11 «эмир» а, 3 полевой командир а волуш.
Кхалхар
Ямадаев Джабраил кхелхина республикин къилбаседехьа йолчу Ведана юьртахь 2003-чу шеран март баттахь. ТӀемалоша иза эккхийтина.
СовгӀаташ
Россин Федерацин Президентан 2003 шеран 22 мартехь арадаьллачу № 348 Указаца, Россин Федерацин Къилбаседа Кавказан кӀоштахь тӀеман декхар кхочушдарехь гайтинчу доьналлина а, турпалаллана а лейтенант Ямадаев Джабраилна веллачул тӀаьхьа Российн Федерацин Турпалхо цӀе йелла[2].
Иэс
2003-2009-чу шерашкахь Ямадаев Джабраилан цӀе тиллира Гудермес гӀаларчу Ватутина урамна.
Билгалдахарш
- ↑ http://www.chechnyafree.ru/article.php?IBLOCK_ID=341&SECTION_ID=568&ELEMENT_ID=59460 Архиван копи 2008 шеран 25 июнехь дуьйна Интернетан архив#Проекташ. Однако по другим источникам 16 октября, см. напр. http://www.warheroes.ru/hero/hero.asp?Hero_id=5949
- ↑ Указ Президента Российской Федерации от 22.03.2003 № 348 «О присвоении звания Героя Российской Федерации Ямадаеву Д. Б.» Архивйина 2009-04-08 — Wayback Machine
Хьажоргаш
Ямадаев Джабраил Бекмирзин воI. Cайт «Пачхьалкхан турпалхой».
- Биография на сайте chechnyafree.ru
- Биография на сайте ktotam.ru(ТӀе цакхочу хьажорг)