Хьаьж
Хьаьжин цIа вахаран хьукм
Массо а бусалба уммата барт хилла бу шен ницкъ кхочуш волчунна шен дахарехь цкъа хьаьжин цIа вахар парз ду аьлла. Иштта церан массеран а барт хилла Хьадж дар Исламан пхеа баххех цхьа бух хиларна тIехь. Лекха хинволчу АллахIа аьлла:
АллахIана (хьакъ) ду нахана тIехь - цара хьадж дар, шайх новкъа ваха ницкъ кхаьчначо[1], ткъа нагахь цхьамма иза керста дахь – (цунна хаийла) АллахI Iаламера хIума оьшуш ца хилар (Сурат "Áл-Iимран" 97 аят)
Хьадж даран арканаш
Хьадж даран арканаш диъ ду:
- Ихьрам (Ниййат дар, хьадж дехкар).
- Iарафатехь хан йаккхар.
- Ифадат тIаваф дар.
- Сафа-ломана а, Марват-ломана а юкъахь дIасавахар.
ХIара арканаш массо кхочуш хиларца бен хьадж кхочуш хуьлуш дац.
