Советан эскархойн вежараллин каш (Соьлжа-ГӀала, Кировн парк)

Къилбаседа Кавказехь оборонан тӀемаш боьлхучу хенахь советан эскарийн оборона чӀагӀъярхьама Соьлжа-ГӀала дехьаяьккхира 308-гӀа НКВД-н стрелкийн полк. 1942 шеран августехь иза дӀакхийтира НКВД-н(оьр.)нохч. Грозненски дивизин юкъа. Полкан штаб яра гӀалин юккъехь С. М. Кировн цӀарахчу паркехь. 1942 шеран гурахь полко лаьмнашкахь операцеш йира немцойн диверсанташца а, церан накъосташца а къийсам латтош. Советан тӀелетар доладеллачул тӀаьхьа полк дехьаяьккхира Моздокан кӀошта, цигахь цо дакъалецира тӀелетаран операцешкахь. 1942 шеран 3 октябрехь лаьмнашкахь операци дӀахьош байира: политинструктор Пименов Николай Васильевич (вина 1906 шарахь, Рязанан область); 2-гӀа ротан цӀен эскархо Гангадзе Николай Иосифович (вина 1915 ш. Гуьржийчоьнан ССР); Политрийн гӀоьнча, пулеметчик Кузнецов Николай Яковлевич (1918 шо, Смоленскан кӀошт); 2-гӀа ротан заместитель политрук Николай Васильевич Аверин (1919 шо, Тула). Белларш дӀабоьхкина Кировн паркехь (хӀинца Нохчийчоьнан куьйгалхочун резиденци ю)^[2].

Дукха хан яьллера коша тӀехь лаьтташ йозанаш а, я цӀераш а йоцуш, дахчанах йина жима обелиск. 308-чу полкан ветеранаша къахьегарца, Сийлахь-Боккхачу Даймехкан тӀамехь толам баьккхина 35 шо кхачарна лерина каш юха а кечдина. Каш тӀулг бина гранитах а, мраморах а нийса агӀонан кепехь, 5,1 × 2,6 метр барамехь, лакхара йист мелла а хьалхарчу агӀор дӀа а ерзийна. Лакхарчу йистехь цӀестан тӀехула дӀатоьхначу элпашца йоза дина:

Хьалхара нохчийн тӀом боьдучу хенахь дохийна каш.