Невоструев, Владимир Петрович
Невостру́ев Влади́мир Петро́вич (1959 шеран 4 ноябрь, Удмуртийн Автономин Советийн Социалистийн Республика) — российн политикин гӀуллакххо. Удмуртин Республикин Пачхьалкхан Кхеташонан председатель 2020 шеран 16 апрелехь дуьйна а, 2013—2017 шерашкахь а. 4, 5, 6 кхайкхамийн Удмуртин Пачхьалкхан Кхеташонан депутат. «Цхьааллин Росси» Йерригроссийн политикин партин декъахо. «Цхьааллин Росси» партин удмуртин регионан декъан секретарь (2016—2020). РФ йуьртан бахаман хьакъ долу белхало.
Биографи
Хьалхара биографи
Вина 1959 шеран 4 ноябрехь Удмуртийн Автономин Советийн Социалистийн Республикин Юкаменски кӀоштара Гулекшур йуьртахь. Да, Пётр Арсентьевич, цхьана колхозехь бригадир болх беш вара. Нана, Анна Романовна, йара хьелийозархо. Владимир воцург кхин а диъ бер дара церан. Уьш берриш а, дешаран шерашкахь дуьйна, каникулашкахь цхьана колхозехь ханна болх беш хилла.[1].
Школехь доьшуш волчу хенахь Владимир спортах ловзуш вара, шен дай баьхначу йуьрта асфальт биллархьама колхозан председатель хила лууш вара. Аттестат схьа а эцна, иза деша хӀоьттира Дзержинский Феликсан цӀарах йолчу Глазовски Совхозан техникуме. Схьаэцна "техник-механик" говзалла.[1].
1978 шарахь кхайкхира Советийн Эскаре. Эскарехь гӀуллакх дира хӀаваъ лардаран эскаршкахь Серов гӀалахь Свердловскан областехь[1]. Мукъаваьккхина 1980 шарахь[2].
ЦӀа а вирзина, шен дай баьхначу «Трактор» колхозе механизаторан балха а хӀоьттина, Ижевскан йуьртабахаман институтан заочни декъе деша хӀоьттина, «Йуьртабахаман механизаци» говзалла а йолуш.[3]. Дукха хан ца йелира цунах колхозан коьрта инженер хилира[1].
Политикин жигаралла
1998 шарахь иза хӀоттийра Удмуртин Республикин Юкаменски кӀоштан куьйгалхо [2][3].
Шина шарахь районан куьйгалхочун даржехь кхиамца болх бинчул тӀаьхьа Удмуртин республикин йуьртабахаман а, кхачанан а министран дарже хӀоттийра иза[3]. 2002 шарахь иза хӀоттийра Удмуртин Правительстве председателан гӀовс, йуьртабахаман министран дарж шен карахь латтош. 2007 шарахь дуьйна Удмуртин Республикин Пачхьалкхан Кхеташонан агропромышленни комплексан а, латтанийн йукъаметтигийн а, Ӏаламан ресурсаш лелоран а, Ӏалам Ӏалашдаран а комиссин председатель.
2008 шарахь иза хаьржина Удмуртин Республикин Пачхьалкхан кхеташонан 4-гӀа кхайкхаман депутат[2], председателан гӀовс хӀоттийна - агропромышленни комплексан а, латтанийн йукъаметтигийн а, Ӏаламан ресурсашна урхалла даран а, Ӏалам Ӏалашдаран а гуттаренна а йолчу комиссин председатель. 2012-чу шарахь йуха а керлачу ханна хаьржира иза, оццу профилехь председателан гӀовс висира.[3].
Доьзал
Невоструев Владимир зуда йалийн ву. Зудчунца Надеждица кхиийна ши бер: кӀант Павел а, йоӀ Елена а[1].
СовгӀаташ а, сийлахь цӀераш а
- Сийлахь гражданин ДоттагӀаллин орден.
- «Федерацин Кхеташонан 20 шо» мидал
- «Удмуртин Республикин Пачхьалкхан Кхеташонан 20 шо кхаьчна» дагалецаман мидал
- Сийлаллин грамота Россин Федерацин Федералан Гуламан Федерацин Кхеташо.
- Удмуртин Республикин Сийлаллин грамота
- Россин Федерацин йуьртабахаман министраллин Сийлаллин грамота
- "Российн агропромышленни комплекс кхиорехь дакъалацарна" дашо а, детин а мидалш.
- Россин Федерацин юьртабахаман хьакъволу белхахо.
- Удмуртин Республикин сийлахь гражданин[2]
- Юкаменски кӀоштан сийлахь гражданин[4]
Билгалдахарш
- ↑ 1 2 3 4 5 Галина Павлова. Кто не работает, тот не ест, Московский Комсомолец в Ижевске (07.11.2014). Дата обращения: 8 августехь 2024.
- ↑ 1 2 3 4 Невоструев Владимир Петрович. Государственный Совет УР. ТӀекхочу дата: 2024 шеран 9 август. Архивйина 2019 шеран 1 мартехь
- ↑ 1 2 3 4 Невоструев Владимир Петрович. Единая Россия. ТӀекхочу дата: 2017 шеран 17 февраль. Кху чуьра архивйина оригиналан 2017 шеран 20 февралехь
- ↑ Цитатийн гӀалат:
<ref>тег нийса йац; кху:0тIетовжаран йоза йаздина дац
Кхин дӀа темана тӀехь
Российн Федерацин субъектийн карара парламентийн кортош | ||
|---|---|---|
| Республикаш |  | |
| Мехкаш | ||
| Областаш |
| |
| Автономин область | ||
| Автономин гуонаш | ||
| Федералан маьӀна долу гӀаланаш | ||
