Жамалдаев, ШахӀид Вахин воӀ

Вина 1954 шеран мангалан беттан 8-чу дийнахь Кхазакхийн ССР, Къилбаседа-Кхазакхстанан областан, Жумабаев Магжанан кӀоштан, Октябрьски йуртахь. 1971 шеран хьаьттан беттара 1972 шеран гӀуран батте кхаччалц болх бира «Горячеисточнский» племенной совхозехь^[2].1978 шарахь чекхйаьккхина Ломан пачхьалкхан латталелоран университет «агроном» говзаллица^[3].

1978 шеран бекарг беттан оханан батте кхаччалц вара Нохч-ГӀалгӀайн республикин агрохимин лабораторин агрохимик, ткъа 1978—1979 шерашкахь гӀуллакхехь вара Советийн эскаран могӀаршкахь. 1979 шеран гӀуран беттахь йухавеира Нохч-ГӀалгӀайн республикин агрохимин лабораторе лакхара агроном-агрохимикан дарже. 1985 шеран эсаран беттара 1991 шеран чиллин батте кхаччалц Жамалдаев ШахӀид вара мукъа ваьккхина парткоман секретарь «Горячеисточненски» совхоза. 1991—2000 шерашкахь вара «ЧӀаьнтийуртан» колхозан председатель.

2000—2009 шерашкахь Нохчийн Республикин Соьлжа-ГӀалин кӀоштан администрацин куьйгалла дира.

2002-чу шарахь Нохчийчоьнан администрацин куьйгалхочохь йолчу маслаӀатан кхеташонан президиуман председателан даржехь а, республикин кӀоштийн куьйгалхойн кхеташонна куьйгалла деш а вара иза^[1].

2002-чу шарахь чиллин баттахь Жамалдаев вен гӀоьртира. Жамалдаев, шеца гӀаролхойн ши машен а йолуш, кӀоштан дарбан цӀийнера Девкар-Эвла воьдуш, эккхийтина йоккха ницкъ болу фугас(оьр.)нохч. . Уьш кӀелхьара баьхна эккхийтар секундан декъана тӀаьхьатеттина хиларо. Машенашна доккха зе хилла. Ша Жамалдаев цхьа а зе ца хилла^[4].

Решением диссертационного совета Саратовского государственного социально-экономического университета от 23 мая 2006 года № 28 присуждена ученая степень кандидата политических наук.

Саратовн пачхьалкхан социально-экономически университетан диссертацин кхеташонан 2006 шеран хӀутоссург беттан 23-чу дийнахь № 28 йолчу сацамца йелла политологин Ӏилманийн кандидатан академически дарж^[2].

2010 шеран кхолламан беттахь хаьржина Соьлжа-ГӀалин муниципалан кӀоштан корта^[5].

2013 шеран хӀутоссург беттахь хӀоттийна Нохчийн Республикин коьртан гӀоьнча.

2013—2015 шерашкахь — Нохчийн Республикин къоман политикин, арахьара уьйранийн а, зорбанан а, хааман министр хилла^[1].

2016 шеран товбецан беттан 18-чу дийнахь хаьржина доьалгӀачу кхайкхаман Нохчийн Республикин Парламентан депутат. 2016 шеран эсаран беттан 4-чу дийнахь Нохчийн Республикин Парламентан Председателан гӀовс хаьржина.

2024 шеран хӀутоссург беттан 15-чу дийнахь хаьржина Нохчийн Республикин парламентан председатель^[6].

«Цхьааллин Росси» фракцин декъашхо а, Нохчийн регионан декъан регионан политикан кхеташонан президиуман декъашхо ву^[1][2].

• Билгало «Милицин отличник» (2001) Россин чоьхьарчу гӀуллакхийн министраллера Россин Федерацин Талламан комитетехь йолчу ницкъийн цхьаьнакхетначу тобанан буьйранчин омрица^[7];
• Нохчийн Республикин йуртабахаман хьакъволу белхахо (2002);
• «Йерригроссин бахархойн дӀайаздар дӀадахьарехь гайтинчу диканашна» мидал (2003);
• ДоттагӀаллин Орден (оханан бутт 25-га де, 2004 шо) Россин Федерацин Президентан № 538 йолчу указаца^[8] ;
• Юбилейни мидал «Сийлахь-боккхачу Даймехкан тӀамехь толам баьккхина 60 шо 1941—1945 шерашкахь» (2005);
• Кадыровн орден 2005-чу шеран хьаьттан беттан Нохчийчоьнан Президентан омрица цунна совгӀат дира^[3];
• Мидал «Кавказехь дӀайаьхьначу контртерроран операцехь дакъалаьцнар» (2006, 2007);
• Орден «Нохчийн Республикехь парламентаризм кхиорна» (2008);
• Нохчийн Республикин сийлахь гражданин (2008);
• Россин хӀусамийн а, коммуналан а хьакъволу белхахо (2008);
• Сийлаллин мидал II даржан (2009);
• Орден «Кхузаманан гуманитаран университетан сийлахь профессор»;
• Мидал «Россин профсоюзаш кхоьллина 100 шо кхаьчна»;
• Саратовн областан губернаторан сийлаллин билгало «Доьналла а, турпалалла а гайтарна»;
• Къинхьегаман ветеран;
• Кхерамзаллин а, тӀеман а, низам лардархойн а проблемийн академин академик^[3].

Зуда йалийна ву. Диъ бер ду^[3].