Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Смирнов, Анатолий Васильевич (политик)

РУВИКЕХЬ иштта фамили йолуш нахах лаьцна йаззамаш бу, хьж. Смирнов.

Смирнов Анатолий Васильевич (1946 шеран 25 январь, Куйбышевн областан, Сызранан кӀошт, Трубетчино) — Республика Марий Элан Пачхьалкхан Гуламан председатель[1]. Российн Федерацин Хьакъдолу лор. II, III, IV, V, VI кхайкхамийн Республика Марий Элан Пачхьалкхан Гуламийн депутат, XIX кхайкхаман Йошкар-Ола гӀалин Заводан кӀоштан халкъан депутатийн Кхеташонан депутат, XXI кхайкхаман Йошкар-Ола гӀалин халкъан депутатийн Кхеташонан депутат, I, II, III кхайкхаман Йошкар-Олан гӀалин депутат. Медицинин Ӏилманийн кандидат.

Биографи

Смирнов Анатолий вина 1946-чу шеран январь беттан 25-чу дийнахь Куйбышевн областан Сызранан кӀоштан Трубетчино юьртахь.

1971-чу шарахь цо чекхйаьккхина Куйбышевн цӀарах йолу медицинан институт, «Йукъара медицина» говзалла а йолуш. 2006-чу шарахь «Юриспруденци» говзалла а йолуш, чекхйаьккхина Москохара йиллина социалан университет.[2].

1963—1964 шерашкахь — Куйбышевн областан Куйбышевн цӀе йолчу совхозехь белхал..

1964—1965 шерашкахь — Сызранан мехкадаьттан заводехь сигнализацин зӀенаш дӀахӀитторхо.

1971—1973 шерашкахь — Йошкар-Олан гӀалин дарбанан цӀийнахь меттигера лор-терапевт.

1973—1977 шерашкахь — Йошкар-Олан № 4 йолчу клиникин дарбанан декъан куьйгалхо.

1977—1980 шерашкахь — Йошкар-Олан гӀалин дарбанан цӀийнахь коьртачу лоьран гӀовс.

1980—1986 шерашкахь — Йошкар-Олан № 4 йолчу клиникин коьрта лор.

1986—2019 шерашкахь — «ТӀеман ветеранийн республикин клиникин госпиталь» Марий Элан Республикин пачхьалкхан бюджетан учрежденин коьрта лор.

2019-чу шеран октябрь беттан 2-чу дийнахь Марийн парламентан хьалхарчу кхеташонехь иза хаьржира председатель. Биллинчу кхажтасарехь цуьнан кандидатура тӀеэцна 36 депутато[2].

СовгӀаташ а, цӀераш а

  • «Даймехкан хьалха гӀуллакхаш дарна» орденан мидал, II-гӀа тӀегӀа;
  • Россин Федерацин Федералан Гуламан Пачхьалкхан Думин а, Федерацин Кхеташонан а сийлаллин тоьшаллаш;
  • Россин Федерацин Кхеташонан «Парламетаризм кхиорехь гӀуллакхаш дарна» сийлаллин билгало;
  • Россин Федерацин Федеральни Гуламан Федерацин Кхеташонан Председателан баркалла;
  • Марий Элан Республикин Сийлаллин грамота;
  • Мари Элан дикачу гӀуллакхийн орден, 1-ра тӀегӀа;
  • Мари Элан дикачу гӀуллакхийн орден, II тӀегӀа;
  • «Мари Элан хьалха гӀуллакхаш дарна» орденан мидал;
  • Марий Элан Правительствон а, Марий Элан Пачхьалкхан Гуламан а сийлаллин грамоташ;
  • Республика Марий Элан Пачхьалкхан Гуламан билгалонаш - «Марий Элан законаш кхиорехь къаьсттина дакъа лацарна» мидал;
  • некха тӀеуллу Н.И. Пироговн цӀарах седа;
  • тӀеман а, къинхьегаман а, Герзийн ницкъийн а, бакъонашларйаран а ветеранийн меженийн (пенсионерийн) Йерригроссийн йукъараллин кхолламин сийлаллин билгало;
  • дагалецаман юбилейн мидал «йурригроссийн тӀеман а, эскаран гӀуллакхдаран а ветеранийн йукъараллин вовшахтохараллин 50 шо кхачар»;
  • меттигерчу тӀемийн а, тӀеман конфликтийн а ветеранийн «ТӀеман вежаралла» Йерригроссийн йукъараллин боламан «ТӀеман доьналлин» мидал;
  • «ССРС-н ТӀеман Ницкъийн 70 шо кхачаран» мидал;
  • юбилейн мидал «1000 шо кхачар сийлахь Равно-Апостол князь Владимир садаӀар»;
  • ССРС-н могашалла Ӏалашъяран отличник;
  • Россин Федерацин хьакъволу лор;
  • Мари Элан Республикан хьакъволу лор;
  • Республика Марий Элан пачхьалкхан совгӀатан лауреат.

Билгалдахарш

  1. ↑ Структура. Совет Федерации Федерального Собрания Российской Федерации. ТӀекхочу дата: 2022 шеран 12 май.
  2. ↑ 1 2 Спикером Госсобрания Марий Эл стал заслуженный врач РФ Анатолий Смирнов. Рамблер/новости. ТӀекхочу дата: 2022 шеран 12 май.

Кхин дӀа темана тӀехь

Категореш