Муслиева, Тамара Магомедовна
Мусли́ева Тама́ра Мохьмадан йоӀ (оьрс. Муслиева Тамара Магомедовна; 1937 шеран 17 январь, Шела, Нохчийн Республика — 2015 шеран 16 май) — йуьртан бахаман хьалхархо, Шелан кӀоштан буракашлелоран «Джалка» совхозан звенон куьйгалхо, Социалистически Къинхьегаман Турпалхо (1965-гӀа шо), ССРС-н Лакхарчу Советан депутат, КПСС-н XXӀӀӀ-чу гуламан делегат.
Биографи
Дуьненчу йаьлла 1937-чу шеран кхолламан беттан 17-чу дийнахь Шела йуьртахь (хӀинца — Шела гӀала, Нохчийн Республика). Цуьнан пхи йиша а, ши ваша а хилла. Доьзалехь йоккхахйерг хилла.
Махках бохучу шерашкахь доьзалца Алма-Атински областе хьажийна. Да фронтехь тӀом беш вара, нана энаша лаьцначу бабе хьожуш йара. Тамара колхозехь буракаш лелош болх беш йара. БархӀ шарахь дешначул тӀаьхьа ишкол Ӏадйита дийзира цуьнан.
1961-чу шарахь доьзал шайн йуьрта цӀабирзина. Муслиева Шелан кӀоштан «Джалка» совхозехь цкъа хьалха звенон куьйгалхо а, тӀаккха буракаш лелоран бригадин бригадир а хӀоьттина. Цуьнан бригада республикехь тоьллачарех цхьаъ хилла дӀахӀоьттина[1].
Бригадин аренаш тӀедаьллачу хих ларйеш, шен дегӀаца татол чухула догӀу хи сацорца йалта кӀелхьардаьккхина. Шен дегӀаца татол дӀакъовларца хи сацийра Муслиевас. Ши сахьт даьллачул тӀаьхьа тӀехйолучу машенан водительна гира иза, хи чуьра иза схьала а йаьккхина, татол дӀакъоьвлира цо[1].
Тойеллачул тӀаьхьа мелла а атта болчу балха зӀакардаьхнийн фабрике дехьайаьккхира иза, амма кеста шен бригаде йухайеара. ШолгIа нохчийн тIом болабаллалц болх бина цо цигахь. ССРС-н Лакхарчу Советан депутат а, КПСС-н XXӀӀӀ-чу гуламан делегат а хилла[2].
ССРС-н 7-чу гуламан (1966—1970) Лакхарчу Советан депутат хаьржина, КПСС-н XXӀӀӀ-чу гуламан делегат хилла (1966)[3].
Иэс
Мамилов Р. И. "Свекловод Муслиева" портрет[4]
СовгӀаташ а, цӀераш а
- Социалистически Къинхьегаман Турпалхо (31.12.1965);
- «Марс а, варзап а» («Серп и Молот») дашо мидал (1965-чу шеран гӀуран беттан 31-гӀа де);
- Ленинан орден (1965);
- 80 сов грамоташ а, кхидолу совгӀаташ а[5].
Билгалдахарш
- ↑ 1 2 Тамара Муслиева — Герой Социалистического Труда из Шали. ТӀекхочу дата: 2026 шеран 6 август. Архивйина 2014 шеран 21 майхь
- ↑ Ко дню Чеченской женщины. web.archive.org. ТӀекхочу дата: 2026 шеран 6 август.
- ↑ Муслиева Тамара Магомадовна. warheroes.ru. ТӀекхочу дата: 2026 шеран 6 август.
- ↑ Слово о скульпторе. К 95-летию со дня рождения первого ингушского скульптора Руслана Израиловича Мамилова. museumizori.ru. ТӀекхочу дата: 2026 шеран 31 август.
- ↑ Тамара Муслиева — Герой Социалистического Труда из Шали. ТӀекхочу дата: 2026 шеран 6 август. Архивйина 2014 шеран 21 майхь
Хьажоргаш
- Герой Социалистического Труда Муслиева Тамара Магомадовна. ТӀекхочу дата: 2026 шеран 6 август.