Мамилов, Руслан Израилович
Русла́н Израи́лович Мами́лов (1928 шеран 7 ноябрь, БуритӀе, Къилбаседа-Кавказан мохк — 1993 шеран 25 февраль, Соьлжа-ГӀала) — советан суртдиллархо а, скульптор а. НГӀАССР суртдиллархойн союзан урхаллин председатель (1971 шарахь дуьйна).
Биографи
Мамилов вина 1928 шеран 7 ноябрехь. ГӀалгӀа. 1952 шарахь цо болх бира Киргизийн ССР Халкъан художник О. М. Мануйлова пхьалгӀанчохь. 1954 шерахь цо болх бира Фрунзен исбаьхьа-производстван пхьалгӀанчохь. 1956 шарахь иза деша вахара Алма-Атара исбаьхьалин училищан скульптуран декъа. ШозлугӀча шарахь иза Тбилисин исбаьхьа училище вахара. 1958 шарахь цо и училище тӀехдика чекхйаккихар.
И чекхйакхча цо болх бира исбаьхьа эчиг лало цехехь Гуьржичоьнан Исбаьхьа фондехь. 1960 шарахь цо болхбира Алма-Атахь Казахий ССРн Исбаьхьа фондехь. 1962 шарахь Мамиловс болхбира Казахийн ССР некъан билгалойн заводан пхьалгӀанчохь. 1966 шарахь иза вара скульптор РСФСР Исбаьхьа фондан Нохч-ГӀалгӀайн декъан пхьалгӀанчохь. 1967 шарахь Мамиловс дакъалецира Краснодарехь хилла кегирхойн гайтарехь «Советский юг».
1968 шарахь цо чекхйаьккхира цӀеяйархойн хӀоллам. Цу шарахь иза дӀаийцира СССР художникийн союзе. 1970 шарахь цунна йелира «За доблестный труд» мидал. 1971 шарахь иза хержира Нохч-ГӀалгӀай АССРн художникийн союзан председатель. Цу шарахь цунна йелира «За трудовую доблесть» мидал. 1972 шарахь иза вара РСФСР художникийн III гуламан векал. 1973 шарахь иза хержира IV СССР художникийн гуламан векал. Цу шарахь иза хержира СССР художникийн союзан Йуккъера ревизин комиссин декъашхо. 1990 шарахь цунна йелира «Нохч-ГӀалгӀай АССР Сийлахь художник» цӀе[1].
Мамилов Руслан Израилович кхелхина 1993-чу шеран чиллин беттан 25-чу дийнахь Соьлж-ГӀалахь. Иза дӀавоьллина ГӀалгӀайчоьнан Джейрахски коштарчу Эзми-йуьртахь, Мамиловн тейпан дай кешнашкахь.
Доьзал
- Да — Мамилов Израил Эстемирович;
- Нана — Гудушаури Нина (Нино);
- Зуда — Оздоева Фируза Гиреевна (1929—2010), профессор, филологин Ӏилманийн доктор;
- Ваша — Мамилов Сулейман Израилович (1930—2001), предприниматель;
- Бераш: йоӀарий Этери (Германехь йеха), Зарема (Казахстанехь йеха), Тамара (Азербайджанехь йеха).
СовгӀаташ а, цӀераш а
- Мидал «Къинхьегаман майраллина. В. И. Ленин вина 100 шо кхачар билгалдоккхуш» 1970);
- Медаль «Къинхьегаме доьналлина» (1971);
- Нохч-ГӀалгӀайн АССР-н хьакъволу суртдиллархо (1990).
Галерей
Иэс
ГӀалгӀайчоьнан ЖӀайрахь эвлахь Мамилов Русланан цӀе тиллина урам бу. Цигахь 2005 шарахь дуьйна болх беш ю Мамилов Русланан ЦӀа-музей, цигахь дӀахьош хуьлу цуьнан дахарна а, кхоллараллина а лерина гайтамаш.
Билгалдахарш
- ↑ Мамилов Руслан Израилович. Министерство культуры Республики Ингушетия. ТӀекхочу дата: 2024 шеран 24 июль.
Кхин дӀа темана тӀехь
 |
|
|---|
