Мишаев, Рудольф Ахьмадан воӀ

Вина 1974 шеран хьаьттан беттан 17-чу дийнахь Кхазакхстанан Республикин Мангышлакан кӀоштан (хӀинца Мангистаун область) Шевченко (хӀинца Акхтау) гӀалахь^[1].

2003 шеран хьаьттан беттан дуьйна Соьлжа-ГӀаларчу къоначу техникийн гӀалин станцехь тӀетохаран дешаран хьехархочун болх бира 2009 шо кхаччалц^[1].

Мишаевн актёран хьуьнарш тидаме эцна Ахмадова Хьавас, хӀетахь «Серло» Кегийрхойн театран директор а, хӀинца Х. Нурадиловн цӀарах йолчу драмин театран, Россин Федерацин оьздангаллин сийлахь белхало а. Мишаев Рудольф вара хӀетахь «Серло» театран постановкин декъехь куьйгалла деш. Ахмадовас цунна кховдийра «Ша тӀехь йина гӀала» спектаклехь заьӀапхочун роль, актёро иза дика ловзийра.

2005-чу шарахь дикачу кхиамаш гайтарца чекхйаьккхина Соьлжа-ГӀалара лаккхара дешаран пачхьалкхан бюджетни дешаран В. А. Татаевн цӀарах йолу Нохчийн пачхьалкхан культуран а, искусствон а колледж. Кегийрхойн «Серло» театрехь дӀайолайелира цуьнан актёран некъ. Оцу тобанехь болх бар мехала мур хилла дӀахӀоьттира Мишаев Рудольф актёр санна кхиарехь^[1][2].

2013-чу шеран асаран баттахь дуьйна Мишаев Рудольф М. Ю. Лермонтовн цӀарахчу пачхьалкхан оьрсийн драматически театрехь актёр ву. Шен актёран болх цо цхьаьнатуху постановочни декъан куьйгалхочун дарже^[1].

2015-чу шарахь Мишаев Рудольф чекхъйаьккхина Соьлжа-ГӀалара Нохчийн пачхьалкхан университет актёран говзалла йолуш^[1].

Актёро ролаш ловзийна спектаклашкахь: «Аккомпаниатор» а, «Возвращение Борз-Али» а, «Единственный наследник» а, «Денисолт» а, «Время героев» а, «Ночной переполох» а, «Ушедший за саваном» а, «Ӏаьржа кӀант» а^[1].

Актёро иштта кечйо декорацеш(оьр.)нохч. , уьш лехамашкахь йу театрехь хилла ца Ӏаш, дуккха а маьӀнечу хиламашкахь а^[1]. Мишаев Рудольф жигара дакъалецира Сочехь дӀайаьхьначу Йерригроссин халкъан говзаллин фестивалехь а, Кавказан къаьмнийн оьздангаллин а, спортан а фестивалехь а, Дербент кхоьллина 200 шо кхачар даздарехь а^[1].

Актёр вевзаш ву «Юмористически трион» декъашхо санна, цигахь тобанехь бу комедин говзанчаш а, похӀма долу шоуменаш а: Джабраилов Асхьаб а, Исмаилов Вахид а. Актёраш, гӀарайаьлла забаре трио, вовшахкхетта 2009-чу шарахь «Серло» кегийрхойн театрехь. Инсценировкашкахь дакъалоцуш, актёраша шайн забаре трио вовшахтоьхна 2012 шарахь, цу барамехь дуьххьара дакъалацаро баккхий кхиамаш баьхна, цул тӀаьхьа тобанна хаддаза кхаьчна концертан программашкахь, маьӀнечу барамашкахь, тайп-тайпанчу телевизионан программашкахь а, радиопередачашкахь а дакъалаца кховдамаш. Шахбулатовн цӀарахчу Нохчийн Пачхьалкхан филармонин театран-концертан залехь дӀайаьхьира «Юмористически трион» дуьххьарлера шен концерт. Тахана тоба инзаре кхиаме йу, артисташ бевзаш а, хьовсархошна безаш а бу. «Юмористически трио» жигара гастролашкахь йу шен-концертан программашца, цхьаьнатоьхначу концерташкахь дӀахьо шайн забарш^[3][4].

• «Чернокожий» — милцо;
• «Возвращение Борз-Али» — Борз-Али;
• «Ревизор» — пошталелорг;
• «Денисолт» — НаьӀа;
• «Время героев» — инарла Боулинг;
• «Новогодние сновидения» — Хелхарсолт^[1].

• Россин Федерацин Президентан В. В. Путинан Баркаллин кехат — «Нохчийн Республикин Конституци тӀеэцаран хьокъехь референдум кечйеш а, дӀайахьарехь а жигара дакъалацарна»;
• Россин Федерацин оьздангаллин министран В. Р. Мединскин диплом — «Халкъан оьздангаллин 1-чу Йерригроссин фестивалехь а, гайтамехь а дакъалацарна»;
• Нохчийн Республикин Парламентан Председателан Д. Б. Абдурахмановн Сийлахь грамота — «Театран искусство кхиорехь боккха дакъа лацарна а, оьздангаллин декъехь йеххачу хенахь кхоллараллин жигаралла хиларна а»;
• Нохчийн Республикин оьздангаллин министерствон Х-Б. Б. Дааевн сийлаллин совгӀат — «Оьздангалла кхиорна»^[1];
• Нохчийн Республикин сийлахь артист (2018)^[5].