Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Масарова, Зухра Хасмухамбетан йоӀ

Масарова, Зухра Хасмухамбетан йоӀ (оьрс. Масарова, Зухра Хасмухамбетовна; 1987 шеран 24 февраль, Эха-Борзе, Нохч-ГӀалгӀайн Автономин Советийн Социалистийн Республика) — Российн актриса а, театровед а, Нохчийн Республикан сийлахь артист а[1].

Биографи

Йина 1987 шеран чиллин баттахь 24-чу дийнахь. Лакхара ишкол чекхъйаьккхинчул тӀаьхьа, экономикан лакхара дешар дешна цо Нальчикерчу кхузаманан гуманитаран академин филиалехь[2].

Масарова Зухрин театран некъ студентан шерашкахь дӀаболабелла. 2009-чу шарахь Нохчийн пачхьалкхан университетан актёрийн декъе деша йазъйеллачул тӀаьхьа, дешна ца Ӏаш, студентийн театрехь спектаклаш а гайтира цо. Цуьнан похӀма тидамехь хилла актёро Джамаев Амрана, цо кхайкхира иза Х. Нурадиловн цӀарах йолу театр, цигахь болх бира Зухра 2010 шарера 2013 шаре кхаччалц, 2013 шарахь кхиамца чекхъйаьккхира университетан дешар, иза дикачу балхаца чекхъйаьккхира[3][4].

2013—2014 шерашкахь цо болх бира Серло кегийрхойн театрехь актриса санна[2].

2015-чу шарахь дуьйна Хь. Нурадиловн ц Ӏарах Нохчийн пачхьалкхан драматически театран артистка йу[2].

2017-чу шарахь Нохчийчоьнан куьйгалхочун грантца иза деша йахара ГИТИС-ан театрологин декъе, Заславский Григорий волчохь доьшуш, иза чекхъйаьккхира 2022-чу шарахь, 2021-чу шарахь дуьйна театрехь литературин куьйгалхочун болх беш йу[2][3].

Россин Федерацин театран белхахойн союзан(оьр.)нохч. нохчийн декъан декъашхо йу[5].

Театран ролаш

ХӀинцалера спектаклаш:

  • «Марнаний, йалх нуссий» — Сатти а, Нигара а;
  • «Лийрбоцурш» — студентка;
  • «Расплата» — Лайла, Зара;
  • «Дахаран урчакх» — коьрта турпалхочун йиша;;
  • «Ворда хаьрцича — некъ карийна» — Цаго;
  • «Женитьба Бальзаминова» — Раиса;
  • «Бож -Али» — Асет;
  • «Зудайалор» — Фёкла Ивановна;
  • «Буратинаца хилларг» — Мальвина;
  • «Аршин Мал-Алан» — Телли;
  • «Нохчийн махкахь, нохчийн маттахь» — студентка Зура;
  • «Пётр Захаров — нохчо Дада-йуртара» — йиша;
  • «Дела воцург накъост воцуш» — йохийнарг;
  • «Совдат и Дауд» — йуртархо;
  • «Ша тӀехь йина гӀала» — Мубарик;
  • «Майра кӀант Берс а, хаза йоӀ ЖовхӀар а» — ЖовхӀар;
  • «Хийн истехь захало» — Зезаг;
  • «Бешто» — Бусанан йиша;
  • «Аленький цветочек» — цхьакхйолу йоӀ;
  • «Хамелеон» — хозяйка дома;
  • «Шен цӀа — цӀен цӀа» — Жанет;
  • «Бигалдлин леламаш» — цхьогал;
  • «Отелло» — зуда-сигнальщица;
  • «Дерриге а дуьненна туьйранийн синкъерам» — Полла;
  • «Ковчег лаха» — Жайна;
  • «ЦӀий Ӏенош той» — йоӀ тайнашцане[2].

Толамаш а, совгӀаташ а

  • «Сийлахь къинхьегамна» сийлаллин значок 2017 шарахь[6];
  • Нохчийн Республикин куьйгалхочун Сийлаллин грамота[3];
  • Сийлахь цӀе «Нохчийн Республикан сийлахь артист» 2025 шарахь[7].

Билгалдахарш

  1. ↑ Зухра Масарова. Кино-Театр.Ру. ТӀекхочу дата: 2025 шеран 24 октябрь.
  2. ↑ 1 2 3 4 5 Зухра Масарова. Актриса — Чеченский государственный академический театр им.Х Нурадилова. teatrnuradilova.ru. ТӀекхочу дата: 2025 шеран 24 октябрь.
  3. ↑ 1 2 3 Зухра Масарова: Я горжусь, что служу в уникальном театре, который сохранил свои исконные традиции. Вести Чеченской Республики (2022 шеран 1 июнь). ТӀекхочу дата: 2025 шеран 24 октябрь.
  4. ↑ Тоита Абдрахманова. Зухра Масарова: моя профессия позволяет мне воплощать на сцене разные образы, проживать судьбы удивительных персонажей. Вести Чеченской Республики (2024 шеран 17 январь). ТӀекхочу дата: 2025 шеран 24 октябрь.
  5. ↑ Члены СТД РФ по ЧР — Чеченское отделение Союза театральных деятелей Российской Федерации. stdchr.ru. ТӀекхочу дата: 2025 шеран 24 октябрь.
  6. ↑ Ольга Кабо удостоена звания «Народный артист ЧР». «Чеченская Республика Сегодня» (2021 шеран 17 сентябрь). ТӀекхочу дата: 2025 шеран 24 октябрь.
  7. ↑ В Чеченском государственном академическом театре триумфально открыт 95-й юбилейный театральный сезон! — Чеченский государственный академический театр им.Х Нурадилова. teatrnuradilova.ru. ТӀекхочу дата: 2025 шеран 24 октябрь.

Категореш