Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Лаккадиван хӀорд

Лаккадиван хӀорд (хӀинди लक्षद्वीप सागर, канн. ಲಕ್ಷದ್ವೀಪ ಸಮುದ್ರ малаял. ലക്ഷദ്വീപ് കടൽ, сингал. ලක්ෂද්වීප් මුහුද, там. லட்சத்தீவுக் கடல், мальд. ލަކަޑިވް ކަނޑު, инг. Laccadive Sea) — ХӀиндин Ӏапказан йистера хӀорд, лаьтта ХӀиндостан ахгӀайренан къилба-малхбузен декъанна, Шри-Ланка, Лаккадиван, Мальдивин гӀайренашна йукъахь. Уггаре а къилба меттиг — атолл Адду. Майда 786 эзар км², йуккъера кӀоргалла 1929 м, уггаре кӀорга меттиг 4131 м. ХӀордан йукъан малхбузера доза ду Мальдивин дукъ, къилбаседе-малхбален материкан басе. Бердйистехь йаьржина гӀум, кӀорга хи долчохь — киран сацкъар. Дукха ду маржанийн рифаш. ХӀиндин коьрта чӀерийнпромышленностан кӀошт (чӀара, креветкаш, лангусташ).

Коьрта порташ: Туттукуди, Мангалуру (ХӀинди), Коломбо (Шри-Ланка гӀ).

Дозанаш

Дуьненайукъара гидрографин кхолламо чӀагӀдира иштта дозанаш Лаккадиван хӀордан:[1]

Малхбузехь.Садашивгадера ХӀиндин малхбузен берда тӀера баьккхина сиз (14°48′ къ. ш. 74°07′ м. д.HGЯO) атолл Кора Дивх тӀекхаччалц (13°42′ къ. ш. 72°10′ м. д.HGЯO) цул тӀаьхьа охьа нисса Лаккадиван а, Мальдивин а гӀайренашца уггаре къилба меттиге атолл Адду (Мальдивий гӀайренаш) тӀекхаччалц.

Къилбехахь. Цейлонера [Шри-Ланка] Дондра Хед мерера баьккхина сиз атолл Адду тӀекхаччалц.

Малхбалехь. ХӀиндин а, Цейлонан а малхбузен бердйист.

Къилбаседа-малхбузехь Адаман тӀай (ХӀиндин а, Цейлонан а йукъахь).

Гидрологи

Хин температура дерриг шарахь цхьанаэшшара йу ала мегар ду, аьхка 26—28 °C гергахь йу, Ӏаьнан 25 °C гергахь йуьсу. ХӀордан йуккъера а, къилбаседан а декъехь дуралла 34 ‰ йу, къилбехьа 35,5 ‰ йу. Бердаш дукхах дерг гӀум йу, амма кӀоргачу меттигашкахь сацкъар бу. ХӀорда чохь дукха мажарийн рифаш ду, цундела атоллийн тоба йолчу Лаккадиван гӀайренаш тӀехь 105 тайпа ду мажараш.[2][3]

Хьажа кхин а

Билгалдахарш

  1. ↑ Limits of Oceans and Seas, 3rd edition. International Hydrographic Organization (1953). ТӀекхочу дата: 2010 шеран 7 февраль. Кху чуьра архивйина оригиналан 2011 шеран 8 октябрехь
  2. ↑ Coral Reefs of India: Review of Their Extent, Condition, Research and Management Status by Vineeta Hoon. ТӀекхочу дата: 2014 шеран 25 июнь. Кху чуьра архивйина оригиналан 2018 шеран 13 январехь , Food and Agriculture Organisation of the United Nations
  3. ↑ Status of Coral Reefs of India. envfor.nic.in. Кху чуьра архивйина оригиналан 2009 шеран 10 апрелехь

Кхин дӀа темана тӀехь

Категореш