Йерригукраинин бахархой багарбар (2001 шо)
Йерригукраинин бахархой багарбар (2001 шо) хилла хьалхара а, цкъачунна цхьаъ бен йоцу а (2023 шеран хьелашкахь) бахархой багарбар маьрша Украинин, иза хилла 2001 шеран 5 – 14 декабрехь[2].
Истори
ССРС тӀаьххьара бахархой багарбар дӀадаьхьна 1989 шарахь Украинин ССРхь вехара 51,707 млн стаг. ВКъКх норманашца, шина багарбарна йукъахь 10 шо хила деза. Иштта, Украино бахархой багарбан безара 1999 шарахь ЛДП кхечу пачхьалкхашца, амма шен хеннахь бахархой багарбаран мероприяти дӀайаьхьира Белоруссис, Азербайджано, Кхазакхстано, ГӀиргӀазойчоьно. Бахархой багарбарх сацам бинера Украинин министрийн кабинето 1995 шеран 20 июлехь № 536 сацам 1999 шарахь Йерригукраинин бахархой багарбаран мероприяти дӀайахьарх[3], амма финансировани ца тоарна иза дӀатеттира 1998 шеран 28 сентябрехь шина шарна, бух сацам №1536 "2001 шарахь Йерригукраинин бахархой багарбаран мероприяти дӀайахьарх"[4].
Йукъара жамӀаш
2001 шеран Йерригукраинин бахархой багарбаран жамӀашца[5], Украинин бахархой бара 48,457 млн стаг. Бахархой лаьрра 2001 шеран 5 декабран 0:00 киевн хенан хьолехь.
ГӀалин бахархой — 32,574 млн (67,2 %), йуьртан — 15,883 млн (32,8 %). Ах сов йуьртан бахархой беха дикка йаккхийчу йарташкахь (1000 – 5000 вахархо).
Пачхьалкхан мотт — украинийн. Иза лору ненан мотт 67,5 % Украинин бахархоша, иза 2,8 % дукха ду, 1989 шарахьчул. 29,6 % бахархоша ненан мотт бу аьлла оьрсийн.
Божарийн бахархой 2001 шарахь бара 22,441 млн (46,3 %), зударийн — 26,016 млн (53,7 %). Марех, зуда йалийна бара 23,7 млн стаг а, зуда а.
Болх бан хьуьнара долчу хенал кегийра нах бара 18,1 %, болх бан хьуьнара дерш — 58,0 %, царел баккхийнарш — 23,9 %
Лакхара а, дуьззина йуккъера а дешар дешна нах 28,9 млн стаг.
Украинин уггаре даккхий къаьмнаш: украинаш (77,8 %), оьрсий (17,3 %), белорусаш (0,6 %), молдаванаш (0,5 %), гӀирмин гӀезалой (0,5 %) кхин берш.
Меттан хӀоттам
2001 шеран бахархой багарбаран хаамашца, 67,5 % Украинин берриг бахархойх ненан мотт украинийн мотт бу элира (1979 — 88,5 %).
Гражданалла
Украинин гуттаренна бахархой багарбечу хенахь хилира 47,95 млн Украинин гражданаш, 168 эзар гражданаш кхечу пачхьалкхийн (царна йукъахь 151 эзар ЛДП мехкийн гражданаш), 83 эзар стаг гражданалла йоцу а, 40 эзар стега гражданалла бахархой багарбаран материалашкахь гайтина йацара. Кхечу пачхьалкхийн гражданийн дакъа максималан дара Севастополь гӀалахь (3,4 %), АР ГӀирма (0,8 %), Одессин (0,7 %) а, Луганскан а областашкахь (0,3 %). Цу тӀе АР ГӀирмехь а, Одессин областехь а уггаре дукха бара гражданалла йоцу бахархой (0,5 % шинхьа а)[6].
Багарбаран кехатийн кепаш
Хьажа иштта
- Йерригукраинин бахарахой багарбар (2020)
- Украинин статистикин белхалойн де — даздо 5 декабрехь, 2001 шарахь бахархой багарбина де.
- ГӀирмин федералан гуонехь бахархой багарбар (2014)
Билгалдахарш
- ↑ С.А. Тархов. [Итоги переписи населения Украины 2001 года С 5 по 14 декабря на Украине пройдет первая всеукраинская перепись населения]. Демоскоп Weekly (11 октября 2004). ТӀекхочу дата: 2020 шеран 4 декабрь.
- ↑ Виктор Демиденко. С 5 по 14 декабря на Украине пройдет первая всеукраинская перепись населения. РИА Новости (5 декабря 2001). ТӀекхочу дата: 2020 шеран 23 октябрь. Архивйина 2020 шеран 26 октябрехь
- ↑ Постановление Кабинета Министров Украины от 20 июля 1995 года №536 "О проведении в 1999 году Всеукраинской переписи населения" (укр.). zakon.rada.gov.ua. База данных "Законодательство Украины" (20 июля 1995). ТӀекхочу дата: 2020 шеран 21 ноябрь. Архивйина 2022 шеран 2 январехь
- ↑ Постановление Кабинета Министров Украины от 28 сентября 1998г. №1536 "О проведении в 2001 году Всеукраинской переписи населения". 2001.ukrcensus.gov.ua. Государственный комитет статистики Украины (28 сентября 1998). ТӀекхочу дата: 2020 шеран 21 ноябрь. Архивйина 2021 шеран 20 апрелехь
- ↑ Результаты Всеукраинской переписи населения 2001 года Архиван копи 2012 шеран 9 октябрехь дуьйна Интернетан архив#Проекташ на 2001.ukrcensus.gov.ua
- ↑ Михаил Тульский. Итоги переписи 2001 года на Украине // Население и общество : еженедельный бюллетень. — Демоскоп Weekly, 2003. — 1 июнехь (№ 113—114). — 1726-2887. Архивйина 2014 шеран 31 январехь.
Хьажоргаш
- Всеукраинская перепись населення 2001. Государственный комитет статистики Украины. ТӀекхочу дата: 2020 шеран 21 август.
