Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Давдаева, Леда Абдуллан йоӀ

Давдаева Леда Абдуллан йоӀ (оьрс. Давдаева, Леда Абдуллаевна; 1989 шеран 13 май) — Российн актриса а, Нохчийн Республикин сийлахь артист а[1].

Биография

1989-чу шеран хӀутоссург беттан 13-чу дийнахь йина. Нохчийн пачхьалкхан университетан актёрийн факультете деша йахана. Хьалхарчу курсехь Нохчийн драмин Нурадилов Ханпашин цӀарах театре ладогӀаршка кхайкхина, цул тӀаьхьа балха эцна. Давдаева Ледин дуьххьарлера театран ролаш йара «Жима ЦӀен Шапочка» а, «Дашо кӀорни» а туьйранийн постановкашкахь, тӀаьххьарчу тӀехь иза кӀорни йара. Актриса «Бож-Ӏела» спектаклехь Седа ловзийна, кхин а лоруш йолчу постановкашкахь шолгӀачу ролашкахь гучуйелира[1].

2009-чу шарахь иза дӀайахара Серло кегийрхойн театре, цигахь болх бира 2014-чу шаре кхаччалц[1].

Нохчийн пачхьалкхан университетехь доьшуш йолуш, Давдаева Леда деша йазйира «Нохчийчоьнан денйалар» къоман корреспондентийн ишколе. Шина хьукуматехь дешар а, театрехь болх бар а цхьаьнатоха аьтто ца баьлла, цундела дешар дита дийзира цуьнан. Нохчийн пачхьалкхан университетан кхоалгӀачу курсехь Давдаева Леда деша йахара Соьлжа-ГӀалин пачхьалкхан информацин технологийн колледже, экономикан а, бухгалтеран а говзалла карайерзош. 2011-чу шарахь шина а хьукуматехь цхьана хенахь чекхъйаьккхира Давдаева Ледас[1].

2015-чу шарахь дуьйна Нохчийн драмин Нурадилов Ханпашин цӀарах театр болх беш йу[2].

Давдаева Леда визажист болх беш йара. Актёран болх бина ца Ӏаш, Нохчийн драмин Нурадилов Ханпашин цӀарах театрехь дуккха а спектаклашна оьрсийн матте синхронни гочдаран синхронни а йо цо, дукхах йерш нохчийн оригиналан маттахь гойтуш йу.

Давдаева Леда визажист болх беш йара. Актёран болх бина ца Ӏаш, Нохчийн драмин Нурадилов Ханпашин цӀарах театрехь дуккха а спектаклашна озан а, оьрсийн матте синхронни гочдаран а болх бо цо, дукхах йерш нохчийн оригиналан маттахь йу[1].

Россин Федерацин театрийн белхахойн союзан нохчийн декъан декъашхо йу[3].

Театран ролаш

ХӀинцалера спектаклаш:

  • «Шен цӀа — цӀен цӀа» (оьрс. — «Свой дом — красный дом, или Дорога домой!») — Жанета;
  • «Буьйсанан къаьхьа къурс» — Мария;
  • «Буьйсанехь адамаш» (оьрс. — «Люди в ночи») — Айшат;
  • «ГӀайгӀанан а, иэсийн а мох» — Човка;
  • «Марчо эца вахнарг» (оьрс. — «Ушедший за саваном») — Бикату;
  • «Майра кӀант Берса а, хаза йоӀ Жовхар а» (оьрс. — «Сказка об отважном Берсе и прекрасной Жовхар») — гӀам;
  • «Аладдинан бозбанчаллин лампа» — Лейла;
  • "Аладдинан керла приключенеш " — Жасмин;
  • «Мехкарийн гӀаттам» шиъ роль — Лутфи а, Сатти а;
  • «Золушка» — Марианна;
  • «Зуда йалор» — Матрёна;
  • "Дахаран урчакх " — Айшат;
  • «Хамелеон» — йоӀ сийначу басахь;
  • «Бальзаминовс зуда йалор» — цыганка;
  • Спектаклашкахь хелхаран номерш «Ханума» а, «Хамелеон» а, «Италин кӀудал» а, «Лаьмнел лекха» а, «Денисолт» а[1].

Архиван спектаклаш:

  • «ЦӀен Шапочка» — цӀазамбика;
  • «Дашо кӀорни» — кӀорни а, цхьогал а;
  • «Хинайистехь. Захало» — Полла а, Липа а[1].

Толамаш а, совгӀаташ а

  • 2018-чу шарахь ДегӀастанан Республикин культурин министран Баркаллин кехат;[4];
  • Сийлахь цӀе «Нохчийн Республикан сийлахь артист» 2019-чу шарахь[5];
  • Сийлаллин билгало Нохчийн Республикин культуран министерствос «Культура кхиорна» 2025-чу шарахь[6].

Билгалдахарш

  1. ↑ 1 2 3 4 5 6 7 Леда Давдаева. Актриса. teatrnuradilova.ru. ТӀекхочу дата: 2025 шеран 9 ноябрь.
  2. ↑ Леда Давдаева. Кино-Театр.Ру. ТӀекхочу дата: 2025 шеран 9 ноябрь.
  3. ↑ Члены СТД РФ по ЧР — Чеченское отделение Союза театральных деятелей Российской Федерации. stdchr.ru. ТӀекхочу дата: 2025 шеран 9 ноябрь.
  4. ↑ Ночной переполох. Вести Чеченской Республики (2018 шеран 5 март). ТӀекхочу дата: 2025 шеран 9 ноябрь.
  5. ↑ Четырем работникам культуры Чечни присвоено звание «Заслуженный артист ЧР». «Чеченская Республика Сегодня» (2019 шеран 27 март). ТӀекхочу дата: 2025 шеран 9 ноябрь.
  6. ↑ Хава Ахмадова награждена Благодарностью министра культуры РФ за значительный вклад в развитие культуры. 2025 Сетевое издание Новостной портал ассоциации национальных театров (2025 шеран 28 апрель). ТӀекхочу дата: 2025 шеран 9 ноябрь.

Хьажоргаш

Категореш