Бара

Оьрсийн археолога Миллер Всеволода дикка тидам тӀебахийтира лаьмнийн архитектурин хӀолламашна. 1886 шеран июнехь цо толлура Нохчийчоьнан а, ГӀалгӀайчоьнан а дуккха а кӀошташ, оцу экспедицин жамӀ хилира йуккъера бӀешерийн гӀишлош йовзуьйтуш долу маьӀне жайна. Цуьнан ларашца гучуйовлу дуккха а статьяш а, кегийра очеркаш а, шайна йукъахь ширачу заманан меттигерчу хӀолламех лаьцна хаамаш болуш (археологийн П. С. Уварова, В. И. Долбежевн, Н. К. Зейдлиц, Г. А. Вертеповн, кхечеран а белхаш)^[1].

Иза лаьтта къаьстина шина гӀортолах — Лакхара а, Лахара а Бара. Царна йукъахь йара тӀеман бӀов (хӀинца йохийна) а, итт гергга адам деха гӀишло а. Иза йу Нохчийн Республикин ГаланчӀожан кӀоштахь. Барой лаьтта шакъаьстинчу рагӀехь, ТӀерлойн ӀиндагӀехула йуккъера некъана генахь, кхача хала йолчу меттехь, цигара дика гуш юйуцунна гонаха йолу йерриг меттиг. ТӀеман бӀов, гӀишлошйаран стиль йуккъера бӀешерийн нохчийн ларйаран архитектурина хатӀехь йу, кӀезиг Ӏамийна йу, лахарчу гӀатташ тӀера пенаш 1,2 — 1,3 метр дуткъа ду. Никара олучу эвлана гергахь йу иза. ГӀалин комплексан йукъайогӀура 11 бӀов (1 тӀеман, 10 Ӏер-дахаран)^[2].