Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Байсарова, Марет Денин йоӀ

Марет Денин йоӀ Байсарова (оьрс. Марет Дениевна Байсарова; 1996 шеран 9 июль, Шинасуьйра-юкъ, Нохчийн Республика) — россин пачхьалкхан а, культурин а гӀуллакххо, хелхархо а, «Вайнах» Пачхьалкхан академически халкъан хелхаран ансамблин директор[1] а, Нохчийн Республикин культурин министр (2024-чу шеран хӀутосург беттан тӀера хьаьттан батте кхаччалц) а, Российн Федерацин сийлахь артистка (2024) а, Кадыровн орденан кавалер (2024) а.

Биографи

1996-чу шеран мангалан беттан 9-чу дийнахь Нохчийн Республикин Соьлжа-ГӀалин кӀоштарчу Пригородное йуртахь йина[2]. Байсарова Марет 8 шо кхаьчча халхарш лело йолайелира[3].

Байсарова Марета йуьхьанцарчу классашкахь дешна йуртара ишколехь, ткъа йоьалгӀа класс чекхйаьккхинчул тӀаьхьа дехьайаьккхина Соьлжа-ГӀалахь Назарбаев Н. А. цӀарах йолчу Лицей № 1[3].

2007-чу шарахь — Пачхьалкхан берийн эшаран а, хелхаран а ансамбль «Даймохк» балете артистки дарже эцна. 2007 — 2008-чу шерашкахь — балете артистка[2].

2008 — 2011-чу шерашкахь — «Нохчо» пачхьалкхан фольклорни эшаран а, хелхаран а ансамблин II категори йолу балете артистка[2].

Нохчийн пачхьалкхан университет чекхйаьккхина — пачхьалкхан а, муниципальни а урхалла[2][4].

2020-чу шарахь В. А. Татаев цӀарах йолчу Нохчийн Республикин культурин а, искусствин а пачхьалкхан колледжехь дешна: говзал — самукъадаьккхинчу кхоллараллин тобанан куьйгалхо, хьехархо, говзал — «Халкъан исбаьхьалла»[5].

2021-чу шеран эсаран баттахь Нохчийн Республикин культурин министран заместитель хӀоттийна[2].

2023-чу шеран эсаран бутт тӀекхаччалц Нохчийн Республикин культурин министр заместитель йара[6].

2023-чу шеран эсаран беттан 8-чу дийнахь дуьйна — «Вайнах» халкъан хелхаран ансамблин директор[2].

2024-чу шеран хӀутосург беттан 13-чу дийнахь тӀера хьаьттан батте кхаччалц — Нохчийн Республикин культурин министр[7][8]. 2024-чу шеран хьаьттан беттан 6-чу дийнахь Нохчийн Республикин культурин министр Иса Ибрагимов хилира[9].

СовгӀаташ

  • Нохчийн Республикин сийлахь артист (2014);
  • Нохчийн Республикин халкъан артист (2016);
  • «Къахьегамна башхаллина» сийлаллин билгало (2016);
  • «Культура кхиорна» сийлаллин билгало (2022);
  • Нохчийн Республикин культурин сийлахь белхало (2023)[10];
  • Россин Федерацин сийлахь артистка(оьр.)нохч. (2024)[11];
  • Орден Кадырова (2024)[2][12].

Доьзал

Цуьнан кхо йиша а, ваша а ву[3].

Билгалдахарш

  1. ↑ Руководство. ans-vaynah.ru. ТӀекхочу дата: 2026 шеран 26 август.
  2. ↑ 1 2 3 4 5 6 7 Министр культуры Чеченской Республики. groz-dshi7.ru (2024 шеран 13 май). ТӀекхочу дата: 2026 шеран 26 август.
  3. ↑ 1 2 3 Марет Байсарова: Хранительница традиций и новатор чеченского танца. nasha-shkola.info (2026 шеран 5 май). ТӀекхочу дата: 2026 шеран 26 август.
  4. ↑ Директор ансамбля «Вайнах» Марет Байсарова: «Я готова отдать все свои ресурсы и силы нашей культуре и танцам». www.chechnyatoday.com (2023 шеран 11 сентябрь). ТӀекхочу дата: 2026 шеран 26 август.
  5. ↑ Руководство. web.archive.org. ТӀекхочу дата: 2026 шеран 26 август.
  6. ↑ Указ Главы Чеченской Республики от 03.10.2023 N 161 О Байсаровой М.Д. base.garant.ru. ТӀекхочу дата: 2026 шеран 26 август.
  7. ↑ Айшат Кадырова представила нового министра культуры Чечни(оьр.), AiF (13 майхь 2024). Дата обращения: 26 августехь 2026.
  8. ↑ М. Байсарова назначена на пост министра культуры ЧР. chechnya.gov.ru (2024 шеран 13 май). ТӀекхочу дата: 2026 шеран 26 август.
  9. ↑ Новым министром культуры ЧР стал Иса Ибрагимов. chechnya.gov.ru (2024 шеран 6 август). ТӀекхочу дата: 2026 шеран 26 август.
  10. ↑ Указ «О награждении наградами Чеченской Республики». www.chechnya.gov.ru. ТӀекхочу дата: 2026 шеран 26 август.
  11. ↑ Путин присвоил директору ансамбля «Вайнах» звание заслуженного артиста РФ - ИА REGNUM(оьр.), Путин присвоил директору ансамбля «Вайнах» звание заслуженного артиста РФ (8 августехь 2024). Дата обращения: 26 августехь 2026.
  12. ↑ Айшат Кадырова вручила высшую награду Чечни Марет Байсаровой(оьр.) (30 апрелехь 2024). Дата обращения: 26 августехь 2026.

Категореш

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».