Асанов, Висита
Виси́та Аса́нов (1976 шеран 8 февраль, Нохч-ГӀалгӀайн Автономин Советийн Социалистийн Республика), тӀаьхьа эцна Бекташ Демирель (турк. Bektaş Demirel) цӀе а, фамили а — туркойчоьнан нохчех схьаваьлла волу дзюдоист, чемпион а, совгӀатхо а Европин чемпионатийн, дуьненан чемпионатан совгӀатхо, шина Олимпиадин декъахо.
Олимпиадаш
Шозза дакъалаьцна Олимпийн ловзаршкахь: 1996 шарахь Атлантехь а, 2004 шарахь Афинехь а, аьттонза летта.
Олимпиадехь Атлантехь хьалхарчу латарехь ийшира Республика Корейн векална Ли Сунг-хунна, тӀаккха йукъара велира.
Олимпиадехь Афинехь хьалхарчу раундехь Демирель туьйлира французал Бенбудауд Ларбил, шолгӀачу раундехь ийшира болгархочун Георгиев Георгийн. Синтемен латаран серехь Демирель ийшира Гуьржийчоьнан векална Маргошвили Давидна, тӀаккха йукъаравелира совгӀатан къовсамера.
Иштта хууш ду Асанов Висита Союзан сийлахьчу тренерийн Ибрагимов Султанан а, Лоьмин а дешархо хилар, цара шаьш лаккхара спортан жамӀаш дина, чемпионаш а кечбина[1].
Спортан жамӀаш
| Шо | Йахьалло | ГӀала | Меттиг |
|---|---|---|---|
| 1993 | Жимахошна йукъахь Российн хьалхейаккхар | 1 | |
| 1994 | Жимахошна йукъара дуьненан чемпионат | Лиссабон | 1 |
| 1994 | Дуьненан чемпионат | КъахӀир | 3 |
| 1994 | Жимахошна йукъара турнир | Москох | 3 |
| 1994 | Жимахошна йукъара Европин чемпионат | Лиссабон | 1 |
| 1995 | Европин чемпионат | Бирмингем | 3 |
| 1995 | Дуьненан чемпионат | Тиба | 3 |
| 1995 | Дуьненан Кубкан этап | Мюнхен | 2 |
| 1995 | Дуьненан Кубкан этап | Прага | 3 |
| 1996 | Европин чемпионат | Гаага | 7 |
| 1996 | Жимахошна йукъара дуьненан чемпионат | Порту | 3 |
| 1996 | Дуьненан Кедан мур | Будапешт | 3 |
| 1996 | Дуьненан Кедан мур | Москох | 3 |
| 1999 | Дуьненайукъара турнир | Набуль | 3 |
| 2000 | Дуьненан Кедан мур | Москох | 7 |
| 2000 | Дуьненан Кедан мур | Софи | 5 |
| 2001 | Дуьненайукъара турнир | Истмала | 2 |
| 2002 | Дуьненан Кедан мур | Варшава | 3 |
| 2002 | Дуьненан Кедан мур | Софи | 3 |
| 2004 | Европин чемпионат | Бухарест | 1 |
| 2004 | Дуьненан Кедан мур | Тиблиси | 2 |
| 2004 | Дуьненан Кедан мур | Минск | 7 |
| 2005 | Латтайуккъера хӀордан ловзарш | Альмери | 3 |
| 2005 | Дуьненайукъара турнир | Набуль | 1 |
Доьзал
2018 шарахь Асанов Виситин ши кӀант— Демирель Мухьаммад-Ӏали а, Демирель Умалт а аьттонца летира Европин Кедехь дзюдох 18 шо кхачанза жимахошна йукъахь. Мухьаммад-Ӏали барам 50 кг кхаччалц болчу йозаллехь чемпион хилира, ткъа Умалт туьйлира барам 66 кг кхаччалц йозаллехь[2].
Билгалдахарш
- ↑ Республиканский турнир по дзюдо выявил сильнейших (ru-RU), ЧГТРК ГРОЗНЫЙ. Дата обращения: 19 февралехь 2026.
- ↑ «Тасуев и Демирель схватились на Еврокубке»|WSPORT-SHATOY. ТӀекхочу дата: 2018 шеран 29 август. Архивйина 2019 шеран 28 январехь
Хьажоргаш
- Мовлади Абдулаев. Висита Асанов (Бекташ Демирель). Энциклопедия чеченского спорта (2005 шеран 16 октябрь). ТӀекхочу дата: 2016 шеран 2 март.
Кхин дӀа темана тӀехь
 |
|---|
