Ямадаев, Руслан Бекмирзин воI
Ямадаев Руслан (Халид) Бекмирзин воI (1961 шеран 10 декабрь, Гуьмсе, Нохч-ГӀалгӀайн АССР — 2008 шеран 24 сентябрь, Москох) — российн политикин гIуллакххо. 1990-гӀа шераш дуьйлалуш Нохчийчохь бандийн тобанан декъашхо вара иза, цул тӀаьхьа федералан эскаршца цхьаьна жигара къийсам латтийра ваххьабизмна дуьхьал.
БоьалгIа кхайкхаман Пачхьалкхан Думин депутат (2003—2007), «Цхьааллин Росси» фракцин декъахо, Дуьненайукъара гIуллакхийн а, мандатан белхан а, депутатийн этикин белхан а комиссин Пачхьалкхан Думин декъахо.
Чекхйаьккхина Российн Федерацин Президент волчура Пачхьалкхан гӀуллакхан Российн академи; Урхаллин а, бизнесан а институт.
Биографи
Вина 1961 шеран 10 декабрехь Гуьмсе гӀалахь Нохчийн Республикехь. Нохчи, тайпана Бено. Лаккхара дешар. ГӀишлошйархочун болх бина. Жимах болу вежарий — Ямадаев Сулим а, Ямадаев Джабраил а Россин Федерацин Турпалхой бу.
Дуьххьалера оьрсйн-нохчйн тIом
1990-гӀа шераш дуьйлалуш цо гӀо лецира Нохчийчоьнан хьалхарчу президентана Дудаев ЖовхIарна Нохчийн Республика йозуш ца хиларехьа къийсам латторехь. Хьалхара нохчийн тӀамехь нохчийн ницкъийн баьчча вара иза. Цо дакъалецира федералан эскаршна дуьхьал дӀахьочу тӀеман операцешкахь.
Виер. Версеш а, таллам а
2008-чу шарахь сентярь беттан 24-чу дийнахь вийра Ямадаев. Иза хилла гергарчу хьесапехь Москохан хенахь 17:15 хан йолуш, Москохахь Смоленскан бердйистехь долчу No 10 йолу цӀийнан кӀоштахь, Ӏедалан гӀишлойн комплексан масех бӀе метр генахь — КӀайн ЦӀенна гергахь. Ямадаевн «Мерседес» светофорехь сецча, BMW 525[1] чура киллер араваьлла, Ямадаевн машенан тIевогIушшехь, диллина корехула герз диттира автоматан тапчан глушитель йолу Стечкинан чура[2]. Йерриг арахецна 20 гергга даьндарг йу, йеррг аьлча санна тапча йассийра[3]. Цуьнца машен чохь хилла Нохчйчоьнан тIеман комендант хилла, мукъа ваьлла инарла-полковник Кизюн Сергей, цунна хала чов йира.
Оццу дийнахь Ю. Латынинас шен ойланаш йовзийтира стаг веран хила тарлучу бахьанах лаьцна: Ямадаев вер хила тарло йа ЯмадаевгӀарна а, Нохчийчоьнан президентана Кадыров Рамзанна а йукъахь хиллачу девнна, йа «ЯмадаевгӀеран мостагӀех цхьаммо гӀортор йан къахьегна хиларн; ЯмадаевгӀеран доьзална а, Кадыровна а йукъахь «абсолютно маслаӀат доцу мостагӀалла» дара. 2006-чу шарахь ноябрь беттан 18-чу дийнахь Москохахь, ишттачу хьелашкахь, ФСБ-н «Ламаро» олучу лерринчу тобанан командир хилла а, Нохчийчоьнан куьйгалхочун Кадыров Ахьмад кхерамазаллин куьйгалхо хилла волу Мовлади Байсаров. Кадыров Рамзанна дуьхьал а ваьлла, республикин Премьер-министран даржехь хилла, вийна волу.
СовгIаташ а, цIераш а
- Российн Федерацин Президентан Омарца 2004 шеран 2 августан № 1004, дахарна кхерам болчу хьелашкахь даржан декхар кхочушдарехь гайтина доьналла а, турпалалла а бахьана долуш, Ямадаев Русланна Бекмирзин воIан Российн Федерацин Турпалхо цӀе йелира шатайпа къастам барца - Дашо Седа мидалца[4]
- «Нохчийн Республикин гIуллакхаш дарна» мидал (2006 шеран 15 декабрехь)[5]
Хьажа кхин а
Билгалдахарш
- ↑ Убит Руслан Ямадаев // Взгляд, 24 сентября 2008
- ↑ Раскрыта банда торговцев оружием во главе с подмосковным милиционером // Lenta.ru
- ↑ Охота на Героев // Время новостей 25 сентября 2008 г.
- ↑ Указ Президента Российской Федерации от 02.08.2004 № 1004 «О присвоении звания Героя Российской Федерации Ямадаеву Р. Б.» ТӀекхочу дата: 2008 шеран 24 сентябрь. Кху чуьра архивйина оригиналан 2008 шеран 28 сентябрехь
- ↑ Указ от 15.12.2006 г № 382
Хьажоргаш
Ямадаев, Руслан Бекмирзин воI. Cайт «Пачхьалкхан турпалхой».
Кхин дӀа темана тӀехь
 |
|---|
