Шамаев Ахьмад-Хьаьжа

Шамаев Ахьмад-Хьаьжа (оьрс. Шамаев, Ахмад-Хаджи; 1949, Ленгер, Туркестанан область) — 2000-чу шеран хьаьттан беттан 22-чу дийнахь дуьйна 2005-чу шеран хӀутосург беттан 26-гӀа де тӀекхаччалц Нохчийн Республикин муфти а, Нохчийн Республикин бусалба динан урхаллин председатель а.

Дуьненчу ваьлла 1949-чу шарахь Чимкента уллехь йолчу Ленгер йуьртахь (Казахски ССР-н Къилба-Казахстанан обл.).

Нохч-ГӀалгӀайн АССР меттахӀоттийначул тӀаьхьа, шен 9 шо долчу хенахь, шен доьзалца Шуьйтан кӀоштарчу Вашандара йуьрта цӀа вирзина.

Лакхара ши дешар долуш ву, физика а, хими а, физкультура а хьоьхуш, дуккха а хенахь школехь болх бина. Дзюдохула а, самбохула а спортан говзанча.

1970-чу шерийн йуьххьехь шен лаамца Ӏеламстаг (бусалба Ӏилманча) хила ойла кхоллайелла цуьнан. 1992-чу шарахь дуьххьара ХьаьжцӀа вахана.

2000-чу шеран хьаьттан баттан 22 дийнахь, оццу шеран асаран беттан йуьххьехь Кадыров Ахьмад-Хьаьжа Нохчийн Республикин администрацин куьйгалхо хӀоттор бахьана долуш, Гуьмсе гӀалахь дӀабаьхьначу Нохчийчоьнан имамийн гуламехь Шамаев Ахьмад-Хьаьжа республикин муфти хаьржина. Цул хьалха, масех шарахь Нохчийчоьнан Шуьйтан кӀоштан бусалба динан урхаллехь куьйгалла деш хилла, вахабисташна дуьхьало йеш ша гайтина а, Кадыровн накъост а вара иза^[1]. Дагестанан халкъе бехк цабиллар дехна 1999-чу шарахь тӀемалой цига бахарна^[2].

2005-чу шеран хӀутосург беттан 26-чу дийнахь балхах мукъа вала лаар хаийтина цо, хӀутосург беттан 31-чу дийнахь Ӏеламнехан кхеташоно цуьнан лаам тӀе а лаьцна.

2005-чу шеран товбецан баттахь, дагахь а доцуш, Кадыровн некъана дуьхьал а волуш, Масхадовца барт баран хьокхехь къамелаш дан волавелла^[2].