Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Токкаев, Сулейман Сайд-Эминович


Токкаев, Сулейман Сайд-Эминович (1954 шеран 14 сентябрь, Каскелен , Алматан область) — советийн а, российн а илланча, хьехархо, актёр, Российн Федерацин сийлахь артист[1].

Биографи

Вина 1954 шеран 14 сентябрехь Кхазакхийн ССР-н Каскеленехь[2]. 60-гӀа шераш йуккъе дахча, иза дуьххьара гучувелира ГӀойтински йуьртан культуран цӀийнан сцени тӀехь[3]. Илланча гӀаравелира 1968-чу шарахь композиторан Шахбулатов Аднанан «Гуьйре» цӀе йолу лирически илли дӀайаздича[3].

1977-чу шарахь цо чекхъйаьккхина Соьлж-ГӀаларчу музыкин училище. 1977-чу шарахь иза деша хӀоьттира Ростоверчу пачхьалкхан музыкин-хьехархойн институтан «цхьаммо олу илли» факультетан. 1982 шарахь цо чекхъйаьккхира институт, «концертан исполнитель-хьехархочун» квалификаци а йолуш[4].

Озаца тайпа: драмин тенор[4]. 1982-чу шарахь Нохчийн пачхьалкхан филармоне соло-вокалистан болх бан волавелира иза. 1982 шарахь Токкаев хӀоттийра «Илли» божарийн вокалан ансамблан куьйгалхо[4]. Токкаев Сулейман ансамблан куьйгалхо вара 1987 шо кхаччалц, цуьнан куьйгаллица «Илли» кхоллараллин кхиамаш баьхна. Токкаевс кхоьллина керла концертан программа. Ансамбло концерташ гайтира Соьлж-ГӀалахь а, республикин йарташкахь а, ткъа иштта Кремлан съездан дворецехь а, кхин а дуккха а концертийн залашкахь Москвахь а, СССР-н гӀаланашкахь а. Йеккъа цхьана шарахь, цо куьйгалла а деш, «Илли» тобано ткъе итт концерт йелира Москох, «Лужники» стадионехь. Нохч-ГӀалгӀайн АССР-н массо а седарчий тобанца цхьаьна цу хенахь концертийн майданашкахь гайтира[5]. 1987 шарахь дуьйна Токкаев Сулейман болх беш ву радион а, телевиденин а ансамблан солист[5].

1988-чу шарахь Токкаевна «Нохчийн-ГӀалгӀайн АССР-н хьакъволу артист» цӀе йелира[4].

1989-чу шарахь иза болх бан волавелира Нохчийн драмин Нурадилов Ханпашин цӀарах театре вокалист санна. 1997-чу шарахь А. Шахбулатовн цӀарахчу Нохчийн пачхьалкхан филармони дехьавелира соло-вокалист санна. 1999-чу шарахь пенсе вахара иза[1]. Илланча гастролашкахь хилла Урдунехь а, Туркойчохь а, Кхазакхстане а, кхечу пачхьалкхашкахь а[3].

2003-чу шарахь Нохчийн Республикин Россин Федерацин Президентан волчохь йолчу гуттарлера векалалла социально-экономикин а, культурин а политикан отделан говзанча балха ийцира иза. 2023-чу шарахь Нохчийн драмин Нурадилов Ханпашин цӀарах театре хӀоьттира вокалист санна[1].

Театран ролаш

ХӀинцалера спектаклаш

«Ковчег лаха»[6] (режиссёр Ахмадова Хьава)

Доьзал

Зуд йалийна ву, кхо бер ду[1].

Хьажа кхин а

Билгалдахарш

  1. ↑ 1 2 3 4 Сулейман Токкаев. Чеченский государственный драматический театр им. Х.Нурадилова (2021-2024). ТӀекхочу дата: 2024 шеран 3 апрель.
  2. ↑ Сулейман Токкаев. checheninfo.ru (2012 шеран 8 апрель). ТӀекхочу дата: 2024 шеран 3 апрель.
  3. ↑ 1 2 3 В Москве отметят юбилей известного чеченского певца Сулеймана Токкаева. «Грозный-информ», Информационное агентство Чеченской Республики (2009 шеран 28 декабрь). ТӀекхочу дата: 2024 шеран 3 апрель.
  4. ↑ 1 2 3 4 В Москве состоялся юбилейный вечер Сулеймана Токкаева. «Грозный-информ», Информационное агентство Чеченской Республики (2010 шеран 26 январь). ТӀекхочу дата: 2024 шеран 3 апрель.
  5. ↑ 1 2 Аминат Датаева. Звонкий, многоголосый долгожитель «Илли». Сетевое издание «Вести Чеченской Республики» (2015 шеран 27 февраль). ТӀекхочу дата: 2024 шеран 3 апрель.
  6. ↑ Премьера спектакля «Найти ковчег». checheninfo.ru (2023 шеран 9 ноябрь). ТӀекхочу дата: 2024 шеран 3 апрель.

Категореш