Оччархаджиев, Султан Бексолтин воI
Оччархаджиев Султан Бексолтин воI (1973-чу шеран 17-гIa февраль , Гал-ГӀала, Нохч-ГӀалгӀайн АССР ) — российн уролог, медицинин Ӏилманийн доктор, Российн Президентан институтан совгӀатан дуккхаза а лауреат тойинчу урологин декъехь. Грозненски пачхьалкхан мехкадаьттан технологийн университетан кафедрин профессор[1].
Биографи.
Вина 17-чу февралехь 1973-чу шарахь Невран кIоштан Гала-ГIалахь.
1990-чу шарахь йукъара ишкол чекхйаьккхира. ХӀинжа-ГӀалара медицинин институт чекхйаьккхинчу шен йоккхах йолчу йишин тӀеӀаткъам бина цо сацам бира лор хила, цундела ГӀобаанан пачхьалкхан медицинан университете деша вахара иза.
1996-чу шарахь дикачу баллашца чекхйаьккхира университетан медицинин факультет.
1999-чу шарахь оццу университетехь ординатура чекхйаьккхира цо.
2002-чу шарахь Москохахь Урологин Ӏилманан-талламан институтехь аспирантура чекхйаьккхина, цигахь кандидатан диссертаци чӀагӀдира цо.
2007-чу шарахь чекхйаьккхира урологин эндоскопин а, лапароскопин а курсаш.
2008-чу шарахь чекхйаьккхира Москохан урологин Ӏилманан-талламан институтехь докторантура[2].
2009-чу шарахь цо чӀагӀйира докторан диссертаци «Ахкаргин континентан меттахӀоттор (клиникин а, экспериментан а Ӏилма)»[3].
Тодина урологин декъехь Российн президентан грантан совг\атан 4-зза лауреат вара иза. Корнелан университетан (АЦШ) дуьненайукъара урологин къовсамехь шозза толам баьккхира цо (2000 а, 2005 а шерашкахь). Цо пхоьазза толам баьккхира ЛПД-н пачхьалкхашца цхьаьнаболхбаран Дуьненайукъарчу фондан а, могашаллин министраллан (Мисаран) грантан а. Европин бахархошна йукъахь Европин урологин ассоциацин къовсамехь толам баьккхира цо 2005 шарахь, стажировка чекхйаьккхира Мансуран университетан (Мисар) а, Корнелан университетан а урологин а, нефрологин а йаккъашкахь. Оччархаджиевс кест-кеста лекцеш йоьшу Гергарчу Малхбалехь а, Европехь а, АЦШ-хь а йолчу йаккхийчу медицинин йаккъашкахь[2].
Республикехь тӀемаш дӀабирзинчул тӀаьхьа Соьлжа-ГӀала йухавирзира Оччархаджиев. Кхузахь цунна болх белира №5 йолчу ГӀалин дарбан цӀийнан урологин декъехь, цуьнан къинхьегамца и дакъа дукха хан йалале Российн къилбехь тоьллачех цхьаъ хилира[2].
Билгалдахарш
- ↑ Оччархаджиев Султан Бексолтаевич. Российское общество онкоурологов. ТӀекхочу дата: 2025 шеран 20 август. Архивйина 2021 шеран 28 апрелехь
- ↑ 1 2 3 Гальмурзаев.
- ↑ Оччархаджиев С. Б. Кишечное континентное замещение мочевого пузыря. new-disser.ru (2009). ТӀекхочу дата: 2025 шеран 20 август. Архивйина 2021 шеран 28 апрелехь
Хьажоргаш
- Оччархаджиев Султан Бексолтаевич. Известные учёные: энциклопедия. ТӀекхочу дата: 2021 шеран 27 апрель.
- Молодой ученый из Чеченской Республики стал обладателем Президентского гранта. Чечня сегодня (2010 шеран 1 декабрь). ТӀекхочу дата: 2021 шеран 27 апрель.
- Юсуп Гальмурзаев. Профессия, избранная сердцем. Вести республики (2013 шеран 28 декабрь). ТӀекхочу дата: 2021 шеран 27 апрель.
- Мила Джунидова. Новый успех ученого-уролога. Грозный без формата (2019 шеран 11 январь). ТӀекхочу дата: 2021 шеран 27 апрель.
- Чеченский ученый выиграл Грант Президента РФ. Грозный-информ (2012 шеран 19 июль). ТӀекхочу дата: 2021 шеран 27 апрель.
