Вести республики
Вести республики — Нохчийн Республикехь арадолу йукъараллийн а, политикин а газет.
Истори
2001 шеран июль баттахь дуьйна арадолуш долу газет кхоьллина Нохчийчоьнан къоман политикин а, арахьарчу зӀенийн а, зорбанан а, информацин а министерство. Иза дуьххьара газет дара республикехь онлайн-верси кховдош.
Оьрсийн маттахь Ӏедалан зорбанан гӀирс бу иза. Иза Нохчийн Республикехь цхьаъ бен доцу газет ду, шена чохь меттигера низамашдахаран а, кхидолу нормативни а акташ арахецаро царна юридически ницкъ луш долу[1].
Дуккха а республикин а, къоман а медиа-конкурсашкахь толамаш баьхна газето. Масех шо ду зорбанан гӀирс «Россин дашочу зорбанан фондан» декъашхо йолу.
Газетан коьртачу редакторш республикера гӀарабевлла журналисташ Воднева Татьяна, Сагаипов Ӏарби, Юнусов Хьамзат, Мусаев Ражап хилла. 2013 шеран августехь коьрта редактор хӀоттийра Нохчийчоьнан къоман политикин а, арахьарчу зӀенийн а, зорбанан а, информацин а министерствон зорбанан а, информацин а декъан директоран гӀовс хилла Исмаилов Абун Ильяс. 2000-чу шарахь дуьйна журналистикехь болх беш ву иза, лакхара ши дешар а долуш. 2007-чу шарахь дикачу балхаца чекхйаьккхина Ростовн пачхьалкхан университетан журналистикин факультет. «Нохчийн Республикин хьакъволу журналист» цӀе а йу цуьнан.
Билгалдахарш
- ↑ "Вести Республики" Последние номера газеты | Информационное агентство "Грозный-Информ"(бил-боцу.). www.grozny-inform.ru. ТӀекхочу дата: 2025 шеран 13 ноябрь.