Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Омаев, Дагун Ибрагиман воӀ

Омаев, Дагун Ибрагиман воӀ (оьрс. Омаев, Дагун Ибрагимович; 1943 шеран 5 май, Сиржа-Эвла, Нохч-ГӀалгӀайн Автономин Советийн Социалистийн Республика — 2019 шеран 30 апрель, Соьлжа-ГӀала) — советан а, россин а, театран, а кинон артист, Советски Союзан Турпалан Ханпаша Нурадиловн цӀарах йолу Нохчийн пачхьалкхан драматически театран актёр, Къилбаседера ХӀирийчоь а, Абхазин а, ГӀебертойн а, Балкхаройчоьнан а Республикин Сийлахь артист а, Нохч-ГӀалгӀайн АССР-н а, Российн Федерацин а (2002 шо) халкъан артист.

Биографи

Дагун Омаев вина Нохч-ГӀалгӀайн АССРн Шелан кӀоштан Сиржа-Эвлахь 1943 шеран 5 майхь. Кхазакхстанера цӀадирзича цо дийшира Несаран юртабахаман техникумехь. 1961 шо дуьйна 1963 шо кхаччалц цо дийшира Нурадиловн цӀарах йола театрех йолу школа-студехь. Цо чекхйаьккхира Российн театран исбаьхьаллин университет — ГИТИС.

Болх

Б. Равенских а, М. Анчаровн а «Драматически эшар» цӀе йолу спектаклехь Павел Корчагин роль левзина аьлла цунна йелира Ленинан комсомолан совгӀат. «Лийр боцуш берш» спектаклехь Ханпаша Нурадиловн роль бахьнехь цунна шозза йелира ЧИАССРн а, РСФСРн а культурин министерствашан дипломаш.

Дагун Омаев дакъа лецна М. Солцаевн «Асланбек Шерипов» спектаклехь коьрта ролехь, «Оптимистически трагеди» цӀе йолу Вишневскийн спектаклехь (Алексей), «Даймохк» цӀе йолу Руслан Хакишевн спектаклехь, «Дуьне духуш хенахь» Р. Хакишевн а, О. Иоселиани а спектаклехь (Анзор), «Маршо йа Ӏожалла» М. Солцаевн спектаклехь (Байсангур), «Тайми Бейбулат» М. Мусаевн спектаклехь (Бейбулат), «Нигат» Л. Яхьяевн спектаклехь (Бексолт Исмаилов), и. к. д.

Классикан спектаклешкахь цо дакъа лецна «Кориолан» Уильям Шекспиран спектаклехь (Тулл Авфидий), «Ричард III» У. Шекспиран спектаклехь (Глостер), «ЦӀийх дуьзна ловзар» Гарсиа Лоркин спектаклехь (Леонардо), «Зуда йалор» Н. Гоголин спектаклехь (Жевакин), «Бехк боцуш бехкинарш» А. Островскийн спектаклехь (Незнамов), «Ромео а, Джульетта а» В. Шекспиран спектаклехь (Лоренцо), кхин а.

Йерригроссийн театран фестивалашкахь дакъа лацарна а, «Лениниана» спектаклехь Забелинан роль ловзарна а, Шаулан роль «Лом а, чагӀалкх а» спектаклехь (Шандор Петёфи, Мажаройчоь) а, Живко роль «Говзанчаш» спектаклехь (Р. Стоянов, Болгари) а, Шахбулатан роль исбаьхьаллин фильмехь «ЦӀераш бӀоьвнаш тӀехь» (Къилбаседера Осетин телевиденин фильмашан студи) цунна делира ССРС-н а, РСФСРн а, ЧИАССРн а, культурин министерстваш а, Российн Федерацин театран белхалойн бертан сийлахь дипломаш.

1968 шарахь шен хьалхара кинохь роль левзира цо «ЦӀераш бӀоьвнаш тӀехь» фильмехь. Цул тӀаьхьа цо кхиъ 40 сов роль левзира кинохь, царех 35 — коьртаниш.

Фильмографи

  • «Костры на башнях», 1969 шо;
  • «Жизнь, ставшая легендой» (ТВ), 1969 шо;
  • «В черных песках», 1972 шо;
  • «О тех, кого помню и люблю», 1973 шо;
  • «Главный день», 1974 шо;
  • «Горская новелла», 1979 шо;
  • «Два долгих гудка в тумане», 1980 шо;
  • «Буйный Терек», 1981 шо;
  • «Каждый третий», 1981 шо;
  • «Требуются мужчины», 1983 шо;
  • «Пробуждение», 1983 шо;
  • «Приходи свободным», 1984 шо;
  • «Последняя инспекция» (ТВ), 1985 шо;
  • «Тайное путешествие эмира», 1986 шо;
  • «Золотая голова мстителя», 1988 шо;
  • «Чудовище или кто-то другой», 1988 шо;
  • «Расстанемся, пока хорошие», 1991 шо;
  • «Горец», 1992 шо;
  • «Легенда горы Тбау», 1994 шо;
  • «Пленный», 2008 шо.

СовгӀаташ

  • Ленинан комсомолан совгӀат;
  • РСФСР-н Сийлахь артист (1984 шеран эсаран бутт 18-гӀа де) — советийн театран искусствон декъехь дина гӀуллакхаш бахьана долуш[1];
  • Нохч-ГӀалгӀайн АССР-н халкъан артист;
  • Российн Федерацин Халкъан артист (2002 шо);
  • Билгало «Оьздангаллехь бина кхиамашан» (2002 шо);
  • ГӀебертойн а, Балкхаройчоьнан а Республикин Сийлахь артист;
  • «Российн гӀулкхан са ца кхоадеш къинхьегаман» Сийлахь-воккха Пётран мидал (2004 шо);
  • Нохчийн Республикин Сийлахь гражданин (2007 шо);
  • «Дикачу гӀуллакхийн орден» (2007 шо, ГӀалгӀайчоь);
  • Къилбаседера ХӀирийчоьнан сийлахь артист;
  • Абхазин халкъан артист;
  • Нохчийн Республикан сийлахь вахархо;
  • Кадыровн орден (2009 шеран лахьанан беттан 21-гӀа дийнахь) — Нохчийн Республикин оьздангалла а, искусство а кхиорехь доккха дакъа лацарна а, дуккха а шерашкахь мах хадор а, шуьйра гӀаравалар а кхаьчначу кхоллараллин гӀуллакхна;
  • «Нохчийн Республикина хьалха дина гӀуллакхашна» мидал (2012 шеран асаран беттан 28-чу дийнахь) — къоман театран искусство кхиорехь а, тойарехь а, йеххачу хенахь кхоллараллин жигаралла лелорна а;
  • Мидал «Нохчийн Республикин хьалхарчу Президентан Ахмат-Хьаджи Кадыровн дагалецамашна» (2017-чу шеран лахьанан беттан 1-чу дийнахь) — дуккха а шерашкахь догцӀена къахьегарна а, лаккхара говзалла гайтарна а, театран искусствон декъехь баккхий кхиамаш бахарна а, Нохчийчохь шуьйра мах хадор а, гӀарайалар а кхаьчначу кхоллараллин жигараллана[2];
  • ДоттагӀаллин орден (2019 шеран оханан беттан 29-чу дийнахь) – Россин культура а, искусство а кхиорехь боккха дакъа лацарна а, дуккха а шерашкахь беркате къахьегарна а[3].

Иэс

2020-чу шеран бекарг беттан 25-чу дийнахь Соьлж-ГӀалахь схьайиллина Омаев Дагунан цӀарах йолу оьздангаллин цӀа[4].

2021-чу шеран хӀутосург баттахь Даздаран цӀийнан латта тӀехь йолчу бешахь «Иэсан беш» кхолларан гурашкахь актёран иэсан бӀарлагӀа диллина[5].

Билгалдахарш

  1. ↑ Указ Президиума Верховного Совета РСФСР от 18 октября 1984 года «О присвоении почётного звания „Заслуженный артист РСФСР“ Омаеву Д. И.» ТӀекхочу дата: 2019 шеран 9 май.
  2. ↑ Постановление. www.chechnya.gov.ru. ТӀекхочу дата: 2026 шеран 13 май.
  3. ↑ Указ Президента Российской Федерации от 29 апреля 2019 года № 199 «О награждении государственными наградами Российской Федерации». ТӀекхочу дата: 2019 шеран 6 май.
  4. ↑ В Грозном открыли двенадцатиэтажный дворец торжеств. ТАСС (2020 шеран 25 март). ТӀекхочу дата: 2020 шеран 26 март.
  5. ↑ В Грозном посадили дерево в память о Дагуне Омаеве. ГТРК «Вайнах». ТӀекхочу дата: 2026 шеран 27 май.

Хьажоргаш

  • Дагун Омаев. www.kinopoisk.ru. ТӀекхочу дата: 2026 шеран 13 май.

Категореш