Нохчийн Республикин совгӀаташ
Нохчийн Республикин совгӀаташ (оьрс. Награды Чеченской Республики) — Нохчийн Республикин Мехк-Ден 2020-чу шеран гӀуран беттан 20-чу дийнахьлерчу № 246 йолчу «Нохчийн Республикин совгӀатан система карлайаккхаран хьокъехь» долчу Указа тӀехь билгалдина Россин Федерацин субъектан совгӀаташ[1].
Хьалхуо и гӀуллакх къастош дара Нохчийн Республикин Президентан 2004-чу шеран лахьанан беттан 29-чу дийнахьлерчу № 341 «Нохчийн Республикин совгӀатийн хьокъехь йолу Къепе чӀагӀйаран» Указца[2].
Указца а, кхечу Сацамашца а догӀуш республикин совгӀаташ лоруш ду:
- Кадыровн Орден;
- «Нохчийн Республикин Турпалхо» цӀе;
- «Нохчийн Республикин хьалхарчу Президентан Кадыров Ахьмад-Хьаьжин иэсан» мидал;
- «Ненан Сий» мидал;
- «Нохчийн Республикин дуьхьа хьуьнарш гайтарна» мидал;
- «Нохчийн Республика ларйархочунна» мидал;
- «Нохчийн Республика кхоьллина 100 шо» мидал;
- «Къинхьегамехь билгалваларна» сийлахь билгало;
- «Нохчийн Республикин меттигашкахь шаьш урхалла даран органашкахь дика гӀуллакхдарна» сийлахь билгало;
- «Спортехь кхиамаш бахарна» сийлахь билгало;
- «Нохчийн Республикин сийлахь гражданин» цӀе;
- Нохчийн Республикин сийлахь цӀераш (корматаллица);
- Нохчийн Республикин Мехк-Ден сийлахь грамота;
- Нохчийн Республикин баркаллин кехат;
- Нохчийн Республикин Правительствон сийлахь грамота;
- Нохчийн Республикин Правительствон баркаллин кехат.
Нохчийн Республикина хьалха хьуьнарш гайтинчу Нохчийн Республикин пачхьалкхан а, муниципальни а гӀуллакххошна а, кхоллараллийн а, Ӏилманийн а гӀуллакххошна а, хьукматийн а, организацийн а, предприятийн а белхахошна а, ткъа иштта, Россин Федерацин а, кхечу мехкийн а гражданашна а лерина ду и совгӀаташ.
Нохчийн Республикин пачхьалкхан совгӀаташ
Лакхара совгӀат
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
19 август |
Кадыровн Орден — Нохчийн Республикин пачхьалкхан совгӀат терроризман тӀелатар динчу хенахь кхелхинчу Нохчийн Республикин президентан Кадыров Ахьмадан иэсана йукъайаьккхина. Кадыровн орденца совгӀат до пачхьалкхан а, йукъараллин а гӀуллакххошна а, гражданашна а, организацешна а пачхьалкхалла кхиорца а, къинхьегамехь кхиамаш бахарца а, машар чӀагӀбарца а, халкъашна йукъара доттагӀаллин уьйраш чӀагӀйарца а, Нохчийн Республика кхиорца а доьзна долу хьуьнарш гайтарна. Кадыровн орден йолу нах Нохчийн Республикин Мехк-Дас а, Нохчийн Республикин Правительствос а пачхьалкхан дезчу деношна а, Нохчийн Республикина мехала болчу хиламашна а леринчу цхьаьнакхетаршка кхойкху. |
Нохчийн Республикин Президентан 2004-чу шеран хьаьттан беттан 19-чу дийнахьлерчу № 208 «Кадыровн орденан хьокъехь» Указ[3] |
Лакхара цӀе
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 .png) |
31 октябрь |
Нохчийн Республикин а, цуьнан халкъан а дуьхьа турпалаллин гӀуллакхдарца доьзна хьуьнарш гайтарна лакхара цӀе. «Нохчийн Республикин Турпалхо» цӀе Нохчийн Республикин Мехк-Дас луш йу. «Нохчийн Республикин Турпалхо» цӀеран къепеца совгӀат диначунна луш йу:
Нохчийн Республикин Турпалхоша Нохчийн Республикин законодательствоца хӀиттийна гӀолечу хьелех пайда оьцу. «Нохчийн Республикин Турпалхо» мидал некхан аьрро агӀор лелош а, Россин Федерацин Турпалхочун «Дашо Седа» мидалал лаха а, кхечу совгӀатал лекха уллуш а йу. |
Нохчийн Республикин Мехк-Ден 2022-чу шеран гӀуран беттан 31-чу дийнахьлерчу № 214 йолчу ««Нохчийн Республикин Турпалхо» цIе а, къаьсттина йолу билгало — «Нохчийн Республикин Турпалхо» мидал а совгӀат тӀечӀагӀдаран къепенан хьокъехь» долу Указ[4] .png) |
Мидалш а, сийлахь билгалонаш а
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
«Нохчийн Республикин хьалхарчу Президентан Кадыров Ахьмад-Хьаьжин иэсан» мидал |
28 март |
«Нохчийн Республикин хьалхарчу Президентан Кадыров Ахьмад-Хьаьжин иэсан» мидалца совгӀат до пачхьалкхан а, политикин а, йукъараллин а, Ӏилманан а, кхоллараллин а, кхидолу а мехала гӀуллакхдарна а, экономикин а, могашалла Ӏалашйаран а, дешаран а, культурин а, спортан а, кхидолчу къинхьегаман а дакъошкахь кхиамаш бахарна а. «Нохчийн Республикин хьалхарчу Президентан Кадыров Ахьмад-Хьаьжин иэсан» мидалца совгӀат диначарна иза лелон бакъо луш долу тоьшалла а ло. |
Нохчийн Республикин Мехк-Ден 2020-чу шеран гӀуран беттан 30-чу дийнахьлерчу № 246 йолчу (2022-чу шеран товбецан беттан 5-чу дийнахь бинчу хийцамашца) «Нохчийн Республикин совгӀатан система карлайаккхаран хьокъехь» долу Указ[5] |
 |
«Ненан Сий» мидал |
29 ноябрь |
«Ненан Сий» мидал луш йу до 5, йан кхин сов бер динчу а, кхиийначу а нанна. Мидал луш йу тӀаьххьарчу беран цхьа шо кхаьчча а, дисина бераш дийна а делахь. Мидалца совгӀат деш терго йеш йу берашна:
|
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[6] .png) |
  |
«Нохчийн Республикин дуьхьа хьуьнарш гайтарна» мидал |
29 ноябрь |
«Нохчийн Республикин дуьхьа хьуьнарш гайтарна» мидалца совгӀат луш ду гражданашна:
Цхьана шеран йохаллехь 10 гергга стагана луш йу и мидал. Къаьсттина долу гӀуллакхаш тидаме а оьцуш, совгӀатхойн терахь лакхадала а тарло. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[7] .jpg) |
 |
«Нохчийн Республика ларйархочунна» мидал |
29 ноябрь |
«Нохчийн Республика ларйархочунна» мидалца совгӀат луш ду Нохчийн Республикехь дахарна кхераме долчу хьелашкахь гражданийн конституцин бакъонаш ларйарехь а, гражданинан а, белхан а, бӀаьхочун а декхар кхочушдарехь майралла а, доьналла а гайтинчу гражданашна. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[8] |
.png) |
«Къинхьегамехь билгалваларна» сийлахь билгало |
29 ноябрь |
«Къинхьегамехь билгалваларна» сийлахь билгало — «Къинхьегамехь билгалваларна» сийлахь билгалонца совгӀат луш ду къинхьегаман гӀуллакхехь а, дуккха а шерашкахь, ала хӀума доцуш, даггара къахьегарехь а кхиамаш баьхначу гражданашна. «Къинхьегамехь билгалваларна» сийлахьчу билгалонца совгӀаташ диначарна некха тӀе уллу билгало а, тоьшалла а луш ду. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[9] |
Сийлахь цӀераш
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
«Нохчийн Республикин сийлахь гражданин» цӀе |
29 ноябрь |
«Нохчийн Республикин сийлахь гражданин» цӀе Нохчийн Республикин совгӀат а ду, иза йала тарлуш а йу:
Цхьана шеран йохаллехь шина гражданинна луш йу и цӀе. «Нохчийн Республикин сийлахь гражданин» цӀе йеллачарна грамота а, некха тӀе уллу билгало а, «Нохчийн Республикин сийлахь гражданин» тоьшалла а луш ду. ЦӀераш йеллачийн фамилеш, цӀераш, ден цӀераш хронологин къепеца Нохчийн Республикин сийлахьчу гражданийн книги йукъа йохуьйтуш йу. Нохчийн Республикин сийлахьчу гражданийн книга Нохчийн Республикин Мехк-Ден а, Правительствон а администрацехь латтош йу. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[10] |
 |
Нохчийн Республикин сийлахь цӀераш |
29 ноябрь |
Корматаллица йолу Нохчийн Республикин сийлахь цӀераш луш йу Нохчийн Республикин социальни-экономикин а, культурин а кхиарна йукъа йоккха хазна йилларна а, Нохчийн Республика кхиарна аьтто барехь корматаллин лакхара говзалла а, даггара къинхьегам а гайтарна. ЦӀераш луш йу шайн корматаллин гӀуллакхна йукъа йоккха хазна йиллинчу хьехархошна а, художникашна а, йаздархошна а, архитекторшна а, лоьрашна а, ветеринарин лоьрашна а, искусствон а, Ӏилманан а гӀуллакххошна а, кхоллархошна, рационализаторшна а, йуьртан бахаман механизатошна а, хӀусамийн-коммунальни бахаман а, могашалла Ӏалашйаран а, культурин а, промышленностан а, зӀенан а, йуьртан бахаман а, социальни декъан а, махлероран а, транспортан а, физически культурин а белхахошна а, гӀишлошйархошна а, экологашна а, экономисташна а, энергетикашна а, юристашна а, агрономашна а, зоотехникашна а, хьун лелорхошна а, мелиораторшна а, машенйархошна а, метеорологашна а, чӀерийн бахаман белхахошна а, латтанаш толлучарна а, мехкадаьттан а, газан а промышленностан белхахошна а, журналисташна а. Сийлахьчу цӀерашца совгӀаташ диначарна некха тӀе уллу билгало а, тоьшалла а луш ду. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[11] |
Грамоташ а, баркаллин кехаташ а
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
Нохчийн Республикин Мехк-Ден сийлахь грамота |
29 ноябрь |
Нохчийн Республикин Мехк-Ден (хьалха Президентан) сийлахь грамота луш йу производствон а, социальни-культурин а, пачхьалкхан а, йукъараллин а гӀуллакхийн дакъошкахь кхиамаш баьхначу гражданашна а, къинхьегаман коллективошна а, ткъа иштта, Нохчийн Республикин Мехк-Дена а, халкъана а хьалха кхидолу а хьуьнарш гайтарна. Сийлахь грамота Нохчийн Республикин Мехк-Ден Указца луш йу. Сийлахьчу грамотица шолгӀа а совгӀат далар къаьстинчу бахьанашца дӀахьош ду. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[12] |
 |
Нохчийн Республикин Мехк-Ден баркаллин кехат |
30 декабрь |
Нохчийн Республикин Мехк-Ден баркаллин кехат луш ду могашалла Ӏалашйар а, гуонахьара Ӏалам лардар а, экологин кхерамзалла латтор а, экономика а, производство а, Ӏилма а, техника а, адамийн бакъонаш ларйар а, гӀоьналла а, кхидолу Нохчийн Республикина а, цуьнан пахархошна а пайде долу гӀуллакхаш а кхиорна йукъа йоккха хазна йилларна а, дуккха а шерашкахь даггара къахьегарна. |
Нохчийн Республикин Мехк-Ден 2020-чу шеран гӀуран беттан 30-чу дийнахьлерчу № 246 йолчу (2022-чу шеран товбецан беттан 5-чу дийнахь бинчу хийцамашца) «Нохчийн Республикин совгӀатан система карлайаккхаран хьокъехь» долу Указ[13] |
 |
Нохчийн Республикин Правительствон сийлаллин грамота |
29 ноябрь |
Нохчийн Республикин Правительствон сийлаллин грамота луш йу Нохчийн Республикин пачхьалкхан Ӏедалан органашкахь а, меттигашкахь шаьш урхалла даран органашкахь а дуккха а шерашкахь къахьегарна а, экономикехь а, бахаман гӀуллакхехь а, Ӏилманехь а, культурехь а, искусствехь а, дешарехь а, могашалла Ӏалашйарехь а, республикина пайде долчу кхидолчу дакъошкахь а баккхий кхиамаш бахарна а. Нохчийн Республикин Правительствон сийлахь грамота Нохчийн Республикин Правительствон сацамца луш йу. |
Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ[14] |
СовгӀаташ
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
Нохчийн Республикин хьалхарчу Президентан Кадыров Ахьмад-Хьаьжин цӀарах долу культурин а, искусствон а декъехь ахчанан совгӀат |
17 март |
Нохчийн Республикин хьалхарчу Президентан Кадыров Ахьмад-Хьаьжин цӀарах долу культурин а, искусствон а декъехь ахчанан совгӀат Нохчийн Республикин культурин а, искусствон а гӀуллакхойн хьуьнарш лакхарчу тӀегӀанехь къобалдар ду. Ахчанан совгӀат луш ду похӀма долуш а, керла а, шатайпа а хиларца билгалйолуш йолу искусствон произведенеш кхолларна а, Нохчийн Республикин культурина мехала йолу а, Нохчийн Республикехь йукъаралло къобалйеш йолу а культурин декъан проекташ кхочушйарна:
Ахчанан барам Нохчийн Республикин Мехк-Ден Указца билгалбоккхуш бу. |
Нохчийн Республикин Мехк-Ден 2014-чу шеран бекарг беттан 17-чу дийнахьлерчу № 34 йолчу «Нохчийн Республикин хьалхарчу Президентан Кадыров Ахьмад-Хьаьжин цӀарах долу культурин а, искусствон а декъехь ахчанан совгӀат тӀечӀагӀдаран къепенан хьокъехь» долу Указ[15] .png) |
Юбилейн мидалш
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
«Кадыров Ахьмад-Хьаьжин 60 шо» мидал |
2 октябрь |
«Нохчийн Республикин хьалхарчу Президентан Кадыров Ахьмад-Хьаьжин 60 шо» юбилейн мидалца совгӀат луш ду пачхьалкхан а, политикин а, йукъараллин а, Ӏилманан а, кхоллараллин а, кхидолу а гӀуллакх динчу а, экономикин а, могашалла Ӏалашйаран а, дешаран а, культурин а, спортан а, къинхьегаман кхидолчу дакъошкахь а хьуьнарш гайтинчу а, кхиамаш баьхначу а гражданашна. Юбилен мидалца совгӀат динаьчарна иза лелон бакъо луш долу тоьшалла а ло. Юбилейн мидалца совгӀат дар цкъа бен дӀахьош дац. Юбилейн мидалца совгӀат даларан хьокъехь хьалхататтар Нохчийн Республикин Мехк-Дас деш ду. Юбилейн мидал Нохчийн Республикин Мехк-Ден Указца луш йу. |
Нохчийн Республикин Мехк-Ден 2014-чу шеран бекарг беттан 17-чу дийнахьлерчу № 34 йолчу «Нохчийн Республикин хьалхарчу Президентан Кадыров Ахьмад-Хьаьжин цӀарах долу культурин а, искусствон а декъехь ахчанан совгӀат тӀечӀагӀдаран къепенан хьокъехь» долу Указ[16] .png) |
 |
«Нохчийн Республика кхоьллина 100 шо» мидал |
25 май |
«Нохчийн Республика кхоьллина 100 шо» мидал Нохчийн Республика кхоьллина 100 шо кхачарна лерина йукъайаьккхина йу. Мидал луш йу Нохчийн Республика кхоллайаларна а, кхиорна а йукъа йоккха хазна йиллинчу а, экономикехь а, производствехь а, Ӏиламанехь а, техникехь а, гӀишлошйарехь а, культурехь а, искусствехь а, дешарехь а, могашалла Ӏалашйарехь а, спортехь а, закон а, къепе а ларйарехь а, культурин-синан тӀаьхьало Ӏалашйарехь а, Нохчийн Республикина мехала долчу кхечу дакъошкахь а кхиамаш баьхначу а гражданашна. |
Нохчийн Республикин Мехк-Ден 2022-чу шеран хӀутосург беттан 25-чу дийнахьлерчу № 88 долу Указ...[17] .png) |
Нохчийн Республикин Парламентан совгӀаташ
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 |
«Даймехкан Турпалхо» орден |
1 март |
«Даймехкан Турпалхо» орден пачхьалкхалла кхолларан а, бакъонаш ларйаран а, пачхьалкхан кхерамзаллин а, тӀеман а, кхидолчу корматаллин а, йукъараллин а дакъошкахь а кхиамаш баьхначу гражданашна луш долчу Нохчийн Республикин Парламентан лакхарчу совгӀатан кеп йу. Иштта, орденца совгӀат до Нохчийн Республикехь дахарна кхераме долчу хьелашкахь конституцин дӀахӀоттам Ӏалашбеш а, бакъонаш ларйеш а, гражданинан а, белхан а декхар кхочушдеш а майралла а, доьналла а гайтинчу гражданашна. СовгӀат диначарна орденца цхьаьна тоьшалла а ло. |
Нохчийн Республикин Парламентан «Даймехкан Турпалхо» орденан хьокъехь къепе[18] .jpg) |
.png) |
«Даймехкан Сий» орден |
1 март |
«Даймехкан Сий» орден пачхьалкхалла кхолларан а, бакъонаш ларйаран а, пачхьалкхан кхерамзаллин а, тӀеман а, кхидолчу корматаллин а, йукъараллин а дакъошкахь а кхиамаш баьхначу гражданашна луш долчу Нохчийн Республикин Парламентан лакхарчу совгӀатан кеп йу. Иштта, орденца совгӀат до Нохчийн Республикехь дахарна кхераме долчу хьелашкахь конституцин дӀахӀоттам Ӏалашбеш а, бакъонаш ларйеш а, гражданинан а, белхан а декхар кхочушдеш а майралла а, доьналла а гайтинчу гражданашна. СовгӀат диначарна орденца цхьаьна тоьшалла а ло. |
Нохчийн Республикин Парламентан «Даймехкан Сий» орден тӀечӀагӀдаран хьокъехь № 343-4с[19] ,_(%D1%83%D0%B4%D0%BE%D1%81%D1%82%D0%BE%D0%B2%D0%B5%D1%80%D0%B5%D0%BD%D0%B8%D0%B5).jpg) |
 |
«Нохчийн Республикехь парламентаризм кхиорна» орден |
5 ноябрь |
«Нохчийн Республикехь парламентаризм кхиорна» орден Нохчийн Республикин демократин принципаш чӀагӀйарна а, парламентаризм кхиорна а йукъа йоккха хазна йиллинчу гражданашна а, депутаташна а, политикин а, йукъараллин а гӀуллакхошна а луш долчу Нохчийн Республикин Парламентан лакхарчу совгӀатан кеп йу. Орденца совгӀат до Нохчийн Республикехь парламентаризм кхиорна а, парламенташна йукъара зӀенаш чӀагӀнарна а йукъа йоккха хазна йиллинчу Россин Федерацин гражданашна а, иштта кхечу мехкийн гражданашна а. Орденца совгӀат дар даздаран хьолехь дӀахьош ду Парламентан Председатела йан цуьнан тӀедилларца Парламентан Председателан хьалхарчу заместитела. СовгӀат диначарна орденца цхьаьна тоьшалла а ло. |
Нохчийн Республикин Парламентан «Нохчийн Республикехь парламентаризм кхиорна» орденан къепе[20] |
.jpg)  |
Нохчийн Республикин Парламентан сийлахь грамота |
29 ноябрь |
Нохчийн Республикин Парламентан сийлахь грамота Нохчийн Республикина хьалха хьуьнарш гайтинчу гражданашна а, къинхьегаман коллективошна а, организацешна а луш долчу Нохчийн Республикин Парламентан лакхарчу совгӀатан кеп йу. Сийлахьчу грамотица совгӀат дала тарло Нохчийн Республикехь парламентаризм кхиорна а, парламенташна йукъара зӀенаш чӀагӀнарна а, Россин дозанал арахьа болчу Россин Федерацин гражданийн бакъонаш а, маршо а ларйарна а йукъа йоккха хазна йиллинчу Нохчийн Республикехь а, Россин Федерацин кхечу субъекташкахь а гӀуллакхдеш болчу гражданашна а, иштта, кхечу мехкийн гражданашна а. |
Нохчийн Республикин Парламентан сийлахь грамотан хьокъехь къепе[21] |
Нохчийн Республикин ведомствийн совгӀаташ
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
.png) |
«Граждански майраллина» орден |
март |
«Граждански майраллина» орден Нохчийн Республикехь адамийн бакъонашкахула волчу векалан совгӀат ду. Орденца совгӀат луш ду Нохчийн Республикехь адаман а, гражданинан а бакъонаш а, маршо а ларйарехь а, граждански йукъаралла кхиорехь а, машар дӀахӀотторехь а, цхьабартбарехь а къаьсттина долу хьуьнарш а, граждански майралла а гайтинчу Россин Федерацин а, кхечу мехкийн а гражданашна. Орденца совгӀат дар дӀахьош ду Нохчийн Республикехь адамийн бакъонашкахула волчу векалан сацамца. Билггал волчу цхьана стагана орденца совгӀат цкъа бен деш дац. |
Нохчийн Республикехь адамийн бакъонашкахула волчу векалан совгӀаташ тӀечӀагӀдаран къепенан хьокъехь[22] |
 .png){kind=small} |
Орден «Нохчийн мотт Ӏалашбарна а, кхиорна а» |
июнь |
«Нохчийн мотт Ӏалашбарна а, кхиорна а» мидал Нохчийн Республикин дешаран а, Ӏилманан а министерствон ведомствон совгӀат ду. Орденца совгӀат до нохчийн мотт а, литература а Ӏаморехь а, кхиорехь а къаьсттина хьуьнарш гайтинчу меттан говзанчашна а, хьехархошна а, йукъараллин а, политикин а декъашхошна а. Орден йоцург а, йукъайаьккхина «Нохчийн мотт Ӏалашбарна а, кхиорна а» мидал а йу. Цуьнца совгӀат до 20 йан сов шерашкахь берашна нохчийн мотт хьехначу хьехархошна. Къинхьегамехь цара баьхна мехала кхиамаш билгалбоху цо. |
Нохчийн Республикин дешаран а, Ӏилманан а министерствон 2021-чу шеран асаран беттан Приказ[23]. |
 |
«Адаман бакъонаш ларйарна» мидал |
27 август |
«Адаман бакъонаш ларйарна» мидал Нохчийн Республикехь адамийн бакъонашкахула волчу векалан совгӀат ду. Мидалца совгӀат Россин Федерацин гражданашна а, кхечу мехкийн гражданашна а, Россин Федерацин а, Нохчийн Республикин а юридически организацешна а, ткъа иштта, Нохчийн Республикехь адамийн бакъонашкахула волчу векалан аппаратан белхахошна а:
Мидалца совгӀат дар дӀахьош ду Нохчийн Республикехь адамийн бакъонашкахула волчу векалан сацамца. |
Нохчийн Республикехь адамийн бакъонашкахула волчу векалан 2007-чу шеран хьаьттан беттан 27-чу дийнахьлерчу «Адаман бакъонаш ларйарна» мидалан хьокъехь къепе[24] |
 |
«Нохчийн Республикехь гӀишлошйаран-меттахӀитторан белхаш барна» мидал |
* |
«Нохчийн Республикехь гӀишлошйаран-меттахӀитторан белхаш барна» мидал Нохчийн Республикин «Нохчийн Республикехь гӀишлошйаран-меттахӀитторан белхашкахула йолчу дирекци» казенни предприятин ведомствон совгӀат ду. |
«Нохчийн Республикехь гӀишлошйаран-меттахӀитторан белхашкахула йолчу дирекци» казенни предприятин гендиректоран Приказ .png) |
 |
Нохчийн Республикин культурин министерствон «Баккхий кхиамаш бахарна» мидал |
17 май |
«Баккхий кхиамаш бахарна» мидал Нохчийн Республикин культурин министерствон ведомствон совгӀат ду. Мидалшца совгӀаташ луш ду дукхакъаьмнийн Нохчийн Республикин культура Ӏалашйарна а, кхиорна а лерина тӀаьхьало йолу Ӏалашонаш кхочушйарехь хьуьнарш гайтинчу Нохчийн Республикин бахархошна а, Россин Федерацин а, кхечу мехкийн а гражданашна а. «Баккхий кхиамаш бахарна» мидалшца совгӀаташ луш ду культурин декъехь 10 йа сов шерашкахь болх бинчу а, искусствон билггал долчу дакъошкахь а, социальни-культурин гӀуллакхашкахь а (хореографи, музыка, гайтаман искусство, бераш а, кхиазхой а кечбар, библиотечни гӀуллакх…), республикин а, муниципальни а культурин а, искусствон а хьукматийн а, предприятийн а бахаман-техникин бух кхиийначу а нахана. |
Нохчийн Республикин культурин министерствон 2010 шеран хIутосург беттан 17 дийнахьлерчу № 58-л/с "Нохчийн Республикин культурин министерствон ведомствон совгIатийн къепеш тIечIагIйаран хьокъехь" Приказ |
 .png){kind=small} |
«Димаев Ӏумар» мидал |
2008 шо |
«Димаев Ӏумар» мидал Нохчийн Республикин культурин министерствон ведомствон юбилейн совгӀат ду. Мидал йукъайаккхар лерина ду нохчийн илланча, композитор, Нохч-ГӀалгӀайн АССР-н халкъан артист Димин кӀант Димаев Ӏумар дуьненчу ваьлла 100 шо кхачарна. |
Нохчийн Республикин культурин министерствон 2008 шеран Приказ .png) |
 .png){kind=small} |
«Нохчийн Республикехь добровольчество кхиорна» некха тӀе уллу билгало |
30 май |
«Нохчийн Республикехь добровольчество кхиорна» некха тӀе уллу билгало Нохчийн Республикин кегийрхойн гӀуллакхашкахула йолчу министерствон ведомствон совгӀат ду. Некха тӀе уллучу билгалонца совгӀат до Нохчийн Республикехь добровольчествон гӀуллакхехь зеделларг долчу а, Нохчийн Республикехь бехаш болчу а, добровольчествон гӀуллакх вовшахтохаран декъана йукъа инновацеш йалийначу а, йукъараллина пайде долчу гӀуллакхехь тоьлла гайтамаш гайтинчу а Россин Федерацин гражданашна. Некха тӀе уллучу билгалонца совгӀат деш тидаме оьцуш ду совгӀатна хьалхатеттинчун мах хадош долу цхьамогӀа гӀуллакхаш. Некха тӀе уллучу билгалонца совгӀат шолгӀа деш дац. |
СовгӀаташ даларна хьокъехь[25] .png) |
 |
«ГӀуллакхехь билгалваларна» мидал |
октябрь |
«ГӀуллакхехь билгалваларна» мидалца совгӀат луш ду йукъараллин къепе ларйарехь а, зуламца къийсам латторехь а, Ӏаламан бохамашкахь а, цӀерш йийлинчохь а, бохамашкахь а, кхидолчу чолхечу хьелашкахь а адамаш кӀелхьардаьхначу майралла а, доьналла а гайтинчу а, ткъа иштта дахарна кхераме долчу хьелашкахь гражданин а, белхан а декхар кхочушдеш майра а, хадаме а сацам бинчу а чоьхьарчу гӀуллакхийн органийн белхахошна а, Россин Федерацин къоман гвардин эскарийн бӀаьхошна а. |
Нохчийн Республикехула чоьхьарчу гӀуллакхашкахула волчу министран омра[26] .png) |
.png) |
Нохчийн Республикехула йолчу МВД-н «ГӀуллакхехь билгалваларна» некха тӀе уллу билгало |
октябрь |
Нохчийн Республикехула йолчу МВД-н «ГӀуллакхехь билгалваларна» некха тӀе уллу билгалонца совгӀат луш ду белхан декхарш масалца кхочушдинчу а, тӀехдика лелар долчу а, законаш лардинчу а, зуламхойх гражданийн законаца болу лаамаш а, бакъонаш а ларйинчу а чоьхьарчу гӀуллакхийн органийн белхахошна. |
Нохчийн Республикехула чоьхьарчу гӀуллакхашкахула волчу министран омра[27] |
 |
Россин ФСБ-н Нохчийн Республикехула йолчу урхаллин «Хьуьнарш гайтарна» некха тӀе уллу билгало |
*** |
Россин федеральни кхерамзаллин службин Нохчийн Республикехула йолчу урхаллин «Хьуьнарш гайтарна» некха тӀе уллучу билгалонца совгӀат луш ду терроризмаца а, экстремизмаца а къийсам латторехь хьуьнарш гайтинчу а, белхан декхарш масалца кхочушдинчу а пачхьалкхан кхерамзаллин службин органашна. |
Россин ФСБ-н Нохчийн Республикехула йолчу урхаллин хьаькаман омра. |
 |
«Нохчийн Республикин Прокуратура. Билгалваларна» некха тӀе уллу билгалонца |
2010 шо |
совгӀат луш ду белхан декхарш масалца кхочушдинчу а, дуккха а хенахь тӀехдика гӀуллакхдинчу а прокурорашна а, талламхошна а, прокуратурин хьукматийн белхахошна а, федеральни пачхьалкхан граждански гӀуллакххошна а, иштта, прокуратурин органийн а, хьукматийн пенсионерашна а. |
Нохчийн Республикин Прокуратурин чоьхьара омра. |
.png) |
«Республикин промышленность меттахӀотторехь хьуьнарш гайтарна» билгало |
* |
«Республикин промышленность меттахӀотторехь хьуьнарш гайтарна» билгало Нохчийн Республикин промышленностан министерствон ведомствон совгӀат ду. Билгалонца совгӀат луш ду Республикин промышленность меттахӀотторна йукъа йоккха хазна йиллинчу нахана: дуккха шерашкахь къахьегарна а, производственни Ӏалашонаш дика кхочушйарна а, производственни объекташ болх бан йолайалийтарна а, кхузаманан технологеш кечйарна а, йукъа йалорна а. |
Нохчийн Республикин промышленностан министран омра. |
 |
«Нохчийчоьнан Мехк-Ден Кадыров Рамзанан Кубкан турниран толамхо» мидал |
октябрь |
Нохчийн Республикин олимпийски комитетан «Нохчийчоьнан Мехк-Ден Кадыров Рамзанан Кубкан турниран толамхо» мидалца совгӀат луш Нохчийчоьнан Мехк-Ден Кадыров Рамзанан Кубкан паргӀатчу кепара латарехула йолчу дуьненайукъарчу турниран тайп-тайпанчу дакъошкахь толамаш баьхначу дакъалацархошна. Мидал кхаа тайпана арахоьцуш йу: дашо, дато, борзанан, Ӏ-ра а, ӀӀ-гӀа а, ӀӀӀ-гӀа а меттигаш йахарна. Нохчийчоьнан Мехк-Ден Кадыров Рамзанан Кубкан паргӀатчу кепара латарехула йолу дуьненайукъара турнир 2009-чу шарахь дуьйна, хӀора а шарахь эсаран баттахь дӀахьош а, Нохчийн Республикин Мехк-Да Кадыров Рамзан винчу денна лерина а йу. |
СовгӀаташ даларна хьокъехь[28]. |
Соьлжа-ГӀалин совгӀаташ
СовгӀатан сурт |
СовгӀатан цӀе |
Йукъадаьккхина терахь |
СовгӀат даран къепе |
Хьост |
|---|---|---|---|---|
 .png){kind=small} |
«Соьлжа-ГӀалин сийлахь гражданин» цӀе |
1967 шо, |
«Соьлжа-ГӀалин сийлахь гражданин» цӀе соьлжагӀалхоша къобалдечу пачхьалкхан а, къинхьегаман а, политикин а, йукъараллин а, Ӏилманан а, кхоллараллин а гӀуллакхехь Нохчийчоьнан пачхье а, цуьнан халкъан бахам а, социальни-культурин а, синан а дакъа а кхиорна йукъа йоккха хазна йиллина болчу гӀалин бахархойн пусар даран лакхара билгало йу. ЦӀе шина шарахь цхьана стагана бен а луш йац, иштта, гӀалин цхьана вахархочунна шолгӀа луш а йац. |
Соьлжа-ГӀалин Думин 2018-чу шеран "Соьлжа-Галин сийлахьчу гражданинан хьокъехь «Къепе тӀечӀагӀйаран хьокъехь» сацам[29] |
.png) _%D0%BB%D0%B5%D0%BD%D1%82%D0%B0.png){kind=small} |
«Толаман парадан декъашхочунна» мидал |
май |
мидалца совгӀаташ луш хилла 2018-чу шеран хӀутосург беттан 9-чу дийнахь Толаман денна лерина Соьлжа-ГӀалахь дӀайаьхьначу тӀеман парадана кечамаш барехь а, иза дӀайахьарехь а жигара дакъалаьцначу Нохчийн Республикин бахархошна а, бӀаьхошна а, къаьстинчу хьелашкахь, кхиболчу гражданашна а. Мидалца совгӀат дар дӀахьош хилла муниципальни «Соьлжа-ГӀала гӀала» гӀалин гуонан куьйгалхочун а, Соьлжа-ГӀалин Думин председателан а сацамца. СовгӀат даздаран хьолехь куьйгалхочо ша йан векал винчу стага луш ду. СовгӀат диначарна мидалца цхьаьна, тӀехь фамили а, цӀе а, ден цӀе а, мидалан сурт а, омра дина терахь а долуш тоьшалла ло. |
Соьлжа-ГӀалин «2018-чу шеран хӀутосург беттан Толаман парадан декъашхочунна» мидалан хьокъехь къепе. _%D1%80%D0%B5%D0%B2%D0%B5%D1%80%D1%81.png) |
Билгалдахарш
- ↑ Указ Главы Чеченской Республики от 30 декабря 2020 года № 246 «О мерах по совершенствованию наградной системы Чеченской Республики». docs.cntd.ru. ТӀекхочу дата: 2025 шеран 26 ноябрь.
- ↑ Указ Президента Чеченской Республики от 29 ноября 2004 года № 341 «Об утверждении Положения о наградах Чеченской Республики». docs.cntd.r. ТӀекхочу дата: 2025 шеран 26 ноябрь. Архивйина 2018 шеран 25 ноябрехь
- ↑ Указ Главы Чеченской республики от 24 ноября 2015 года № 212 «Об ордене Кадырова». docs.cntd.ru. ТӀекхочу дата: 2025 шеран 26 ноябрь.
- ↑ Указ Главы Чеченской Республики от 31 октября 2022 года № 214 «Об установлении звания Героя Чеченской Республики и учреждении знака особого отличия — медали «Герой Чеченской Республики». chechnya.gov.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2020-чу шеран гӀуран беттан 30-чу дийнахьлерчу № 246 йолчу (2022-чу шеран товбецан беттан 5-чу дийнахь бинчу хийцамашца) «Нохчийн Республикин совгӀатан система карлайаккхаран хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2020-чу шеран гӀуран беттан 30-чу дийнахьлерчу № 246 йолчу (2022-чу шеран товбецан беттан 5-чу дийнахь бинчу хийцамашца) «Нохчийн Республикин совгӀатан система карлайаккхаран хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2004-чу шеран лахьанан беттан 29-чу дийнахьлерчу № 341 йолчу «Нохчийн Республикин совгӀаташ тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Нохчийн Республикин Мехк-Ден 2014-чу шеран бекарг беттан 17-чу дийнахьлерчу № 34 йолчу «Нохчийн Республикин хьалхарчу Президентан Кадыров Ахьмад-Хьаьжин цӀарах долу культурин а, искусствон а декъехь ахчанан совгӀат тӀечӀагӀдаран къепенан хьокъехь» долу Указ. docs.cntd.ru. ТӀекхочу дата: 2025 шеран 26 ноябрь.
- ↑ Указ Главы Чеченской Республики от 2 октября 2012 года № 167 «Об учреждении юбилейной медали „60-лет Ахмат-Хаджи Кадырову, первому Президенту Чеченской Республики“». docs.cntd.ru. ТӀекхочу дата: 2025 шеран 26 ноябрь.
- ↑ Указ Главы Чеченской Республики от 25 мая 2022 года № 88 «О внесении изменений в Указ...» docs.cntd.ru. ТӀекхочу дата: 2025 шеран 26 ноябрь.
- ↑ Положение об ордене Парламента Чеченской Республики «Даймехкан Турпалхо» (утв. постановлением ПЧР от 1 марта 2018 года № 342-4с). parlamentchr.ru. ТӀекхочу дата: 2025 шеран 26 ноябрь.
- ↑ № 343-4с Об учреждении ордена Парламента Чеченской Республики «Даймехкан Сий». parlamentchr.ru. ТӀекхочу дата: 2025 шеран 26 ноябрь.
- ↑ Положение об ордене Парламента Чеченской Республики «За развитие парламентаризма в Чеченской Республике» (утв. постановлением ПЧР от 5 ноября 2008 года № 11-2с). parlamentchr.ru. ТӀекхочу дата: 2025 шеран 26 ноябрь.
- ↑ Положение о Почётной грамоте Парламента Чеченской Республики. parlamentchr.ru. ТӀекхочу дата: 2025 шеран 26 ноябрь.
- ↑ Положение о наградах Уполномоченного по правам человека в Чеченской Республике. web.archive.org. ТӀекхочу дата: 2025 шеран 26 ноябрь.
- ↑ В ЧР вручили ордена за заслуги в развитии чеченского языка и литературы. ch.addnt.ru. ТӀекхочу дата: 2025 шеран 26 ноябрь.
- ↑ Положение о медали «За защиту прав человека» Уполномоченного по правам человека в Чеченской Республике от 27 августа 2007 года. chechenombudsman.ru. ТӀекхочу дата: 2025 шеран 26 ноябрь.
- ↑ Добровольцы Чеченской Республики будут награждены медалями. san-san.ru. ТӀекхочу дата: 2025 шеран 27 ноябрь.
- ↑ Руслан Алханов вручил медали МВД по Чеченской Республике «За отличие в службе» лучшим сотрудникам милиции. grozny-inform.ru. ТӀекхочу дата: 2025 шеран 26 ноябрь.
- ↑ Руслан Алханов вручил медали МВД по Чеченской Республике «За отличие в службе» лучшим сотрудникам милиции. grozny-inform.ru. ТӀекхочу дата: 2025 шеран 26 ноябрь.
- ↑ Девять медалей от Рамзана Кадырова. osetiasportivnaya.ru. ТӀекхочу дата: 2025 шеран 26 ноябрь.
- ↑ Соьлжа-ГӀалин Думин 2018-чу шеран «Соьлжа-Галин сийлахьчу гражданинан хьокъехь «Къепе тӀечӀагӀйаран хьокъехь» сацам. grozgorduma.ru. ТӀекхочу дата: 2025 шеран 26 ноябрь.
