Невран кӀоштахь Росгвардин тӀемлойн декъана тӀелатар

Ницкъаллин структурийн официалан версица, тӀемлойчӀогӀа дохк хиларх пайда оьцуш^[2] цхьанне тидам боцуш тӀебаьхкира тӀемлойн декъанна, гуонна тӀехула бевлла. Герзех уьрсаш бен ца хилла. Уьш ларгӀата тӀе а баьхкина КПП-н, йиллинчу наьӀрехула чубахара, хӀунда аьлча ха дечу хенахь иза дӀа ца къевлинера. ТӀелеттачара наб йечу шина дежурнин урс хьаькхира, церан автоматаш а, резинин хьокхарчий а схьа эцна. Декъан керта бевлла, тӀемлой тӀеӀиттабелла гӀаролна. Дуьхь-духьала герзаш диттина.

Верриг а 8 стаг вара тӀеман декъана тӀелатар деш. Цул тӀаьхьа патрульхошца хиллачу герзаш деттарехь вийна 6 тӀемало. Кхин а ши тӀемало вара тӀелатар дечу хенахь тӀеман декъан арахь, «гӀаролехь лаьтташ», иштта аьтто баьлла нах байар дӀадоладелча кӀелхьаравала. КӀелхьара ваьллачу шиннах цхьаъ дукха хан йалале йийсаре лаьцна. Веллачу шина стеган декъий тӀехь карийна лелхаран хӀуманийн муляжаш^[3].

«Керла газето(оьр.)нохч.» шеконе диллина Оьрсийчоьнан къоман гвардин декъана тӀелатар динарш баларх лаьцна официалан дийцар. Газето бинчу жамӀашца, тӀемалой тӀелатар йухатухуш ца белла, мелхо а, йийсаре а лаьцна, байъина. «Массо а беллачеран лергашна уллехь тоьпаш чукхетта чевнаш йара», — аьлла ду церан артиклехь. «Керла газето» иштта чӀагӀдо, тӀемалойн декъашна тӀе харц лелхаран доьхканаш дихкина хилла бохуш.

Пачхьалкхан Думин депутат хиллачу Махмутов Анварна а, Къоман гвардин Къилбаседа Кавказан кӀоштан буьйранчин когаметтана Долонин Николайна а хетарехь, тӀемалойн Ӏалашо хила мега герз схьадаккхар. Вийначу 6 тӀемалочух лаххара а 4 меттигера вахархо ву. Къоман гвардин вийначу 6 эскархочунна юкъахь бара ДегӀастара а, ГӀебартойн-Балкхаройчоьнан а, Къилбаседа ХӀирийчоьнан а махкахой. Болчу хаамца, байинарш бу лакхара сержанташ Ермолаев Анатолий а, Алиев Амин а, лахара сержанташ Гурат Дмитрий а, Кучукбаев Илдус а, ефрейтор Акбиев Заурбек а, салти Рамазанов Арсен а.