Муравьёв, Артур Алексеевич
Муравьёв Арту́р Алексе́евич (1965 шеран 5 февраль, Клин, Москохан область) — Россин пачхьалкхан гӀуллакххо а, Россин Федерацин Президентан Федерацин Кхеташонехь волу векал (2013-чу шеран эсаран беттан 29-чу дуьйна[1], йуха 2024-чу шарахь хӀоттийна[2]). Россин Федерацин бакъ волу пачхьалкхан 1-ра классан хьехамча, юридически Ӏилманийн доктор, РФ-н сийлахь юрист.
Биографи
Вина 1965-чу шеран чиллин беттан 5-чу дийнахь Москохан областан Клин гӀалахь[3]. 1983-чу шарера 1985-чу шаре кхаччалц Советан Эскархь (Германехь йолу Советан эскарийн тоба) гӀуллакх дина[4]. 1987-чу шарахь Калинински пачхьалкхан университетан юридически факультет чекхйаьккхина[3]. Юридически Ӏилманийн докторан Ӏилманан дарж ду цуьнан[3].
Карьера
Къинхьегаман гӀуллакх 1987-чу шарахь стажёр волуш долийна, тӀаккха Москохан облацин адвокатийн коллегехь адвокат болх бина[3].
1993—1996-чуй шерашкахь Пачхьалкхан Думан I-ра гуламан депутат вара, Долаллин, приватизацин, бахаман гӀуллакхан комитетан йукъавогӀуш[3]. 1996—1998-чуй шерашкахь тайп-тайпана фондашкахь болх бина, 1998—1999-чуй шерашкахь РФ-н Пачхьалкхан тӀаьхьалонан комитетан председательан хьалхарчу заместителан дарж дӀалецира[3]. 2001—2013-чуй шерашкахь Россин Президентан Администрацехь болх бина.
2001-чу шарера 2013-чу шаре кхаччалц цхьанаэшшара дӀалоцу даржаш: Чоьхьарчу политикин Коьртачу урхаллин (2001—2002) а, Пачхьалкхан-бакъонан Урхаллин (2002—2012) а, Гражданийн а, организацийн а дехаршца болх барехула йолчу Урхаллин (2012—2013) а хьаькаман заместитель.
2013-чу шеран эсаран (октябрь) беттан 29-чу дийнахь Россин Президентан Федерацин Кхеташонехь (Совете Федерации) векал хӀоттийна. Президентан 2024-чу шеран хьаьткан (май) беттан 14-чу дийнан указца йуха а хӀоттийна оцу дарже. 2001-чу шарера 2013-чу шаре кхаччалц цхьанаэшшара дӀалоцу даржаш: Чоьхьарчу политикин Коьртачу урхаллин (2001—2002) а, Пачхьалкхан-бакъонан Урхаллин (2002—2012) а, Гражданийн а, организацийн а дехаршца болх барехула йолчу Урхаллин (2012—2013) а хьаькаман заместитель[3].
2013-чу шеран эсаран беттан 29-чу дийнахь Россин Федерацин Президентан Федерацин Кхеташонехь векал хӀоттийна[3].
2024-чу шеран хӀутосург беттан 14-чу дийнан Президентан указца оцу дарже йуха а хӀоттийна[2].
СовгӀаташ а, классан чинаш а
- Классан чин: Россин Федерацин бакъ долу пачхьалкхан 1-hf классан хьехамча (2013);
- Сийлахь цӀе: Россин Федерацин сийлахь юрист;
- «Даймехкана дина хьуьнаршна» орден: III даржан;
- «Даймехкана дина хьуьнаршна» орден: IV даржан;
- Александр Невскийн орден;
- ДоттагӀаллин орден;
- «Казанан эзаршеран иэсан» мидал[3];
- Россин Федерацин бакъ волу пачхьалкхан 1 классан хьехамча (2013 шеран 10 декабрехь)[5].
Билгалдахарш
- ↑ Полномочным представителем Президента в Совете Федерации назначен Артур Муравьёв(оьр.), Президент России. Дата обращения: 30 сентябрехь 2026.
- ↑ 1 2 Указ № 362 о назначении Муравьева А.А. Президент России (2024 шеран 14 май). ТӀекхочу дата: 2026 шеран 30 сентябрь.
- ↑ 1 2 3 4 5 6 7 8 9 Биография Муравьёва Артура Алексеевича. Президент России. Администрация Президента Российской Федерации. ТӀекхочу дата: 2026 шеран 30 сентябрь.
- ↑ Муравьев Артур Алексеевич. Rus.team. ТӀекхочу дата: 2026 шеран 30 сентябрь.
- ↑ Указ Президента Российской Федерации N899 «О присвоении классных чинов государственной гражданской службы Российской Федерации федеральным государственным гражданским служащим Администрации Президента Российской Федерации» // Официальный интернет-портал правовой информации. ТӀекхочу дата: 2026 шеран 30 сентябрь.
