Мальсагов, Ахмед Татарханович
Ахме́д Татарха́нович Мальса́гов (1912, Аьлти-Йуьртан административан гуо[d], Теркан область — 1942 шеран 7 январь, Варваровка, Луганская Народная Республика[d]) — советски кеманхо, Сийлахь-Боккха Даймехкан тӀеман хенахь — бомбардировщикийн звенон командир, майор. Российн Федерацин Турпал (6.07.1995, веллачул тӀаьхьа).
Биографи
Вина 1912 шарахь Альтиево юртахь (тахана — Несаран кӀошт). ГӀалгӀа.
1937 шарахь цо Сталинградан тӀеман авиацин школа тӀехдика чекхйаьккхина кеманхо-бомбардировщик хилира. ТӀом болабелча иза Ворошиловградан областехь вара. Оцу хенахь иза кеманийн звенон командир вара.
- 1941 шеран 22, 24, 29 июлехь цо шен кеманца немцойн 10 танк а, пехотан 2 рота а хӀаллакйира.
- 1941 шеран 5 августехь Первомайскан уллехь цо хӀаллайира 7 мостагӀийн танк.
- 1941 шеран 6 августехь цо хӀаллакйира немцойн пехотан взвод.
- 1941 шеран 18 а, 19 а августехь 8 бегӀийла тӀемавалар дира. И бахьнехь цунна фронтан буьйранчас баркалла кхайкхира.
- 1941 шеран 20-22 августехь цо хӀаллкйира 10 танк а, пехотан рота а, шиъ зенитка.
Советан Союзан Турпалхочун цӀе йала шозза рекомендаци йира цунна. 1995-чу шеран 6-чу июлехь Россин Президентан Указаца Мальсагов Ахмед Татарханович веллачул тӀаьхьа йелира Россин Турпалхочун дашо седа.
СовгӀаташ
- ЦӀен байракхан орден (1942);
- Россин Федерацин Турпал (6.07.1995, веллачул тӀаьхьа).
ХӀаллакъхилар
Иза вийнера 1942 шеран 14 январехь[1][2][3][4][5]. ДӀавоьллина Украинин Ворошиловградски областин Кременски кӀоштан Варваровка юртан уллехь. Цунна Советски Союзан Турпал цӀе йала йеза аьлла цуьнан хьакимаш шозза кехаташ кечдинера, амма цера гӀуллакх ца хилира.1995 шеран 6 июлехь Мальсагован йелира Российн Федерацин Турпалан цӀе.
Доьзалла
Цуьнан жима ваша капитан Магомет Татарханович вара танкийн батальонан командир. 1942 шарахь цунна чолхе чевнаш йинчултӀехь иза госпитале дӀахьажийра. Кхоьчу ЦӀен эскаран эпсаршца цхьана цунна немцош тоьпаш туьйхира.
Билгалдахарш
- ↑ Глава Ингушетии передал на хранение родственникам Ахмеда Мальсагова Звезду Героя России. Ingushetia.ru. ТӀекхочу дата: 2026 шеран 19 июнь.
- ↑ Мальсагов Ахмед Татарханович. УФК по Республике Ингушетия. ТӀекхочу дата: 2026 шеран 19 июнь.
- ↑ Мальсагов Ахмед Татарханович. Hisnet.ru. ТӀекхочу дата: 2026 шеран 19 июнь.
- ↑ В некоторых публикациях указывается дата гибели Мальсагова 24 января 1942 года. Эта ошибка возникла в связи с тем, что 24 января Мальсагов и его экипаж были похоронены.
- ↑ Мальсагов Ахмед Татарханович. Allaces.ru. ТӀекхочу дата: 2026 шеран 19 июнь.
Хьажоргаш
Антон Бочаров. Мальсагов, Ахмед Татарханович. Cайт «Пачхьалкхан турпалхой». ТӀекхочу дата: 2020 шеран 19 июнь.- Биография А. Т. Мальсагова на сайте УФК по Республики Ингушетия Архивйина 2020-06-22 — Wayback Machine.
Кхин дӀа темана тӀехь
 |
|---|
