Ибрагимов, Турпал-Ӏела Вахин воӀ

Шелан кӀоштарчу Гермчиг йуьртахь вина а, кхиъна а ву. 1997-чу шарахь ишкол чекхйаьккхинчул тӀаьхьа, пачхьалкхан йуьртан бахаман лакхара экономист хилира иза. 2001-2006 шерашкахь болх бина Нохчийчоьнан ЧГӀМ(оьр.)нохч.. 2005 шарахь дуьйна цо дешна Пачхьалкхан урхаллин университетехь финансийн а, кредитийн а кафедрехь, цигара иза дехьавелира ХӀинжа-ГӀалин финансийн а, бакъонийн а институт. 2009 шарахь. Нохчийн пачхьалкхан университетан, юридически факультетехь. Ший а дешаран меттиг чекхйаьккхина цо. 2010 шарахь Шелан мэр хӀоьттира, ткъа 2012 шарахь Шелан кӀоштан куьйгалхо вара. Махкара веддачу Кадыровн полкан сержанто дийцира, 2017-чу шеран январь баттахь Ибрагимовс шен лаамехь дакъалаьцна лецна нохчий кхел йоцуш байарехь аьлла.

2018-чу шарахь декабрь беттан 4-чу дийнахь Соьлжа-ГӀалин урамехь "Мерседес" машенна тӀехь лекхачу чехкаллица воьдуш, йоьдучу "Жигули" (машен) тӀекхетта иза. «Жигули» машенахь хилла 22 шо долу а, 3 шо долу зударий а хилла меттигехь елла, ткъа церан машенлелорхо тӀаьхьо дарбан цӀийнехь велла. Йуьхьанца Ӏедало харцдира Ибрагимовс "Мерседес" лелош хилла бохург. Цул тӀаьхьа Кадыровн динан гӀуллакхашкахула хьехамча волчу Шахидов Адама видео зорбане йаьккхира, байинчийн гергарчара Ибрагимовн корматалла хестош, Кадыровга цунна таӀзар ма де, балхара ма ваккхахьара аьлла. Хьалхо Кадыровс некъан низамаш дохорш террорхошца цхьатерра хӀиттийра, ткъа Соьлжа-ГӀала телеканало кест-кеста гойту машенашлелорхоша нахана хьалха къинтӀерадовлар доьхуш видеош, амма бохамаш ца хиллачехь^[1].

2020-чу шеран январь беттан 30-чу дийнахь Ибрагимов администраци веана корта баьшна, шен куьйга кӀел мел болу нах а шолгӀачу дийнахь кортош а баьшна балха схьабахкар тӀедожийна. Цхьаъ бен воцург кхочуш ца динарг оццу дийнахь балхара дӀаваьккхира. 2021 шеран мартехь республикехь куьйгалхой хуьйцуш Ибрагимов дехьаваьккхина Администрацин а, правительствон а куьйгалхочун хьалхара гӀовсан дарже^[2].

АЦШ санкцин испискаш йукъатоьхна. 2022 шеран 16 декабрехь Евробертан санкцин испискин йукъатоьхна Кадыров Рамзанан гергара хиларна^[3]. 2022 шеран 21 декабрехь дуьйна Швейцарин а, Японин а санкцеш кӀела ву.