Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Билимханов Султанан цӀарах стадион

Билимханов Султанан цӀарах стадион (оьрс. Стадион имени Султана Билимханова) — футболан «Терк» клубан хилла цӀера аре. Стадион лаьтта Соьлжа-ГӀалахь, чухоьа 10 300 стаг. Йина 1946 шарахь, тойина 2007 шарахь (2008 шо кхаччалц «Динамо» цӀе лелийна).

2004 шеран 9 майн теракт

2004-чу шеран май беттан 9-чу дийнан Ӏуьйранна Кадыров Ахьмад а, Нохчийн Республикин массо а лакхарчу куьйгалхой, Къилбаседа Кавказан кӀоштахь контртеррористийн операци дӀайахьаран цхьаьнакхетначу ницкъийн тобанан буьйранча Валерий Баранов(оьр.)нохч., кхин а Российн Герзахойн ницкъийн буьйранчаллин векалш а гулбеллера Толаман де билгалдоккхуш концерт дӀахьош йолчу стадионехь сийлахьчу хьешашна лерина трибуни тӀе.

Президентан шеко йоцуш тешам бара шен гонах; ур-атталла шен кхерамазалла вовшахтоха ФСБ-на гӀо ца дитира цо — республикин куьйгалхочо царех кӀезиг тешара шен тӀемалойхачул. Амма, хиламаша ма-гайттара, президентан кхерамазаллин белхахой цу гӀуллакхна кхачаме бацара. Кхераме лелар а долуш, кийча пулеметаш а йолуш, президентана гонаха кхозуш хилар тоьаш дац тешаме ларар хилийта

 — билгалдоккхура «Ӏедал» журналана интервьюхь (24.05.2004) 2001—2002 шерашкахь Нохчийчоьнан ЧГӀУ хилла волу хьаькмо Пешхоев Сайд-Селима(оьр.)нохч.[1]. Нохчийн чоьхьарчу гӀуллакхийн министро Алханов Руслан, кхолламан сахьтехь Кадыровна уллехь хилла (иза цуьнан кхерамазаллин куьйгалхо вара) чевнаш хилла, дагалоьцу 2011-чу шарахь:

Кадыров Ахьмад вие гӀоьртира масийттаза, иза паргӀата вара, цуо олура, дерриге а Сийлахь-Везачун лаам бу, нагахь санна шена вала йаздина делахь, тӀаккха цхьана а турсаша кӀелхьарвоккхур вац иза, амма нагахь санна иза ваха йаздина велахь, тӀаккха мел дукха виен гӀертарх, иза вехар ву.[2]

Ӏуьйранна 10 сахьт 35 минот йаьлча 2004-чу шеран май беттан 9-чу дийнахь Соьлжа-ГӀалахь теракт хилира — стадионан йуккъерчу трибуни тӀехь бумба эккхийтира. Инарла-полковника В. Барановс дийцарехь, стадион меттахӀотточу хенахь лелха хӀуманаш хьалххе дӀа а йехкина; дезачу дийнахь болх беш йара радиосигналан галморзахаллаш, амма эккхийтар дина телпошца[3]. Официалан хаамашца, ворхӀ стаг кхелхина, 50 сов стагана чевнаш йина[4]. Кадыровна чӀогӀа хала чов йинера, иза кхелхира дарбан цӀийне новкъахь, кхетам чу а ца вогӀуш. Оцу хеннахь кхелхира Нохчийн Республикин Пачхьалкхан кхеташонан председатель волу Хьусейн Исаев(оьр.)нохч..

2006-чу шарахь июнь беттан 15-чу дийнахь нохчийн сепаратистийн «Кавказ-центран» сайто зорбане даьккхира Басаев Шемалан дӀахьедар, тӀелатар шена тӀе а лоцуш. ДӀахьедарца а догӀуш, зуламхошна делла 50 эзар доллар ахча.

Истори

Стадионан цӀе хийцира 2008 шарахь Нохчийн Республикин Парламентан Халкъан Гуламан вице-спикеран Билимханов Султанан сий деш, иза кхелхира 2006 шеран 2 январехь новкъан бохамехь[5]. ТӀом дӀабаьлча дуьххьарлера матч стадионехь хилира 2008 шеран 14 мартехь «Терк» а, «Крыльями Советов» а ловзуш. 2011/2012 шерашкахь Российн футболан чемпионат хилале иза йара ФК «Теркан» коьрта стадион. Карарчу хенахь стадионехь коьрта аре йу «Ахьмад» кегийрхойн тобанна. 2021 шарахь «Спартак» (БуритӀе) стадион меттахӀоттош йолчу хенахь, цигахь ханна левзира «Алания» (БуритӀе).

Билгалдахарш

  1. ↑ Ъ-Власть — «Я докладывал Кадырову, что в его окружение внедряются боевики». ТӀекхочу дата: 2025 шеран 20 ноябрь. Архивйина 2017 шеран 24 апрелехь
  2. ↑ Руслан Алханов: «У А. Кадырова была благородная миссия». Министерство внутренних дел по Чеченской Республике. ТӀекхочу дата: 2025 шеран 21 ноябрь. Архивйина 2011 шеран 3 октябрехь
  3. ↑ Российская газета, 1 августа 2005. Сидевший справа от Кадырова. ТӀекхочу дата: 2025 шеран 15 ноябрь. Архивйина 2015 шеран 5 майхь
  4. ↑ Жизнь и смерть Ахмада Кадырова. Русская народная линия. ТӀекхочу дата: 2025.
  5. ↑ Стадион имени Билимханова. 2ГИС.ru. ТӀекхочу дата: 2025 шеран 20 ноябрь.

Кхин дӀа темана тӀехь

Категореш