Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Байсултанов Одес Хасин воӀ

Одес Хасин воӀ Байсултанов (оьрс. Одес Хасаевич Байсултанов; 1965 шеран 17 январь, Гуьмсан кӏошт, Нохч-ГӀалгӀайн Автономин Советийн Социалистийн Республика) — россин пачхьалкхан гӀуллакххо. Россин Федерацин спортан министран хьалхара гӀовс (2024 шарахь дуьйна). Россин Федерацин жигара пачхьалкхан хьехамча, 1-ра классан а, экономикан доктор а (2006)[1].

Биографи

Вина 1965 шеран кхолламан беттан 17-чу дийнахь Белоречье йуртахь (хӀинца Иласхан-Йурт) Гуьмсен кӀоштахь, Нохч-ГӀалгайн АССР. Цигахь лакхара ишкол а чекхйаьккхина цо[2].

1994 шарахь чекхйаьккхина Нохч-ГӀалгӀайн пачхьалкхан Л. Н. Толстойн цӀарах университетан физикин-математикин факультет. 2005 шарахь чекхйаьккхира Нохчийн пачхьалкхан университет «Пачхьалкхан а, муниципалан а урхалла» говзаллица. 2011 шарахь чекхйаьккхира Финансийн а, бакъонан а институт (ХӀинжа-ГӀала).

Карьера

1989 шеран бекарг беттан 1990 шеран хӀутоссург батте кхаччалц — Соьлжа-ГӀалин «Мичуринец» кооперативан лакхара экспедитор[3].

1990 шеран хӀутоссург беттан 1992 шеран товбецан батте кхаччалц — жима предприятин «ӀАМАн» йохкаран декъан хьаькам.

1992 шеран эсаран беттан дуьйна 20 шарахь болх бина Нохчийн Республикин Правительствехь. Нохчийн Республикин Йуьртабахаман министраллин механизацин а, электрификацин а декъан коьрта говзанча, Нохчийн Республикин Президентан а, Правительствон а аппаратан материал-техника латторан декъан хьалхара а, коьрта а говзанча, Пачхьалкхан Урхаллин «Нохчийн Республикин Правительствон гӀишлонан урхалла» куьйгалхочун даржашкахь хилла.

2004 шеран асаран беттан 2006 шеран бекарг батте кхаччалц — Нохчийн Республикин Президентан а, Правительствон а гӀуллакхийн урхалча — Нохчийн Республикин министр.

2006—2012 шерашкахь — Нохчийн Республикин председателан хьалхара заместитель, цул тӀаьхьа Правительствон председатель.

2012—2014 шерашкахь — Россин Федерацин Президентан Къилбаседа Кавказан федеральни гонехь йолчу йуьззина бакъо йолчу векалан гӀовс.

2014—2016 шерашкахь — Россин Федерацин Къилбаседа-Кавказан гӀуллакхийн министран гӀовс.

2016—2020 шерашкахь — Россин Федерацин Къилбаседа-Кавказан гӀуллакхийн министран хьалхара гӀовс.

2020—2024 шерашкахь — Россин Федерацин спортан министран гӀовс[4].

2024 шарахь дуьйна — Россин Федерацин спортан министран хьалхара гӀовс[1].

СовгӀаташ

  • Кадыров Ахьмадан цӀарах орден;
  • ПиластӀинан Пачхьалкхан Президентан Махьмуд Ӏаббасан мидал;
  • Российн Федерацин Президентан Баркаллин кехат;
  • Нохчийн Республикин Куьйгалхочун Баркаллин кехат;
  • Нохчийн Республикин сийлаллин гражданин;
  • «Нохчийн Республикин дуьхьа хьуьнарш гайтарна» мидал (2006);
  • ДоттагӀаллин орден(оьр.)нохч. (2007)[5];
  • Орден «ДегӀастан Республикана хьалха дика гӀуллакхаш дарна орден»;
  • ГӀебарта-Балкхаройн Республикан сийлахь экономист;
  • Сийлаллин Орден (2023 шо)[3];
  • Нохчийн Республикан хьалхарчу Президентан, Ахмат-Хьаьжин Кадыровн иэсан» мидал (2024 шеран чиллин бутт 17-гӀа де)[6].

Доьзал

Зуда йалийна ву, ворхӀ беран да ву: пхиа йоьӀан а, шиа кӀентан а.

Билгалдахарш

  1. ↑ 1 2 Байсултанов Одес Хасаевич. www.minsport.gov.ru. ТӀекхочу дата: 2026 шеран 8 июнь.
  2. ↑ Байсултанов Одес Хасаевич, Коммерсантъ (2021, 25 март). Дата обращения: 8 июнехь 2026.
  3. ↑ 1 2 Одес Байсултанов. www.roscongress.ru. ТӀекхочу дата: 2026 шеран 8 июнь.
  4. ↑ Мишустин назначил нового замминистра спорта. www.news.rambler.ru/ (2020 шеран 11 февраль). ТӀекхочу дата: 2026 шеран 8 июнь.
  5. ↑ О награждении орденом Дружбы О.Х. Байсултанова. www.pravo.gov.ru. ТӀекхочу дата: 2026 шеран 8 июнь.
  6. ↑ Одес Байсултанов награжден медалью памяти Ахмата-Хаджи Кадырова. www.chechnya.gov.ru (2024 шеран 17 февраль). ТӀекхочу дата: 2026 шеран 28 август.

Категореш