Ахмадова Аминат Рамзанан йоӀ

1985 шеран гӀуран беттахь 15-чу дийнахь Соьлжа-ГӀалахь йина^[1].

Жима йолуш дуьйна халкъан хелхаршкахь дакъалоцура «Даймохк» ансамблехь Ахмадов Рамзанан куьйгаллица. Европехула гастролешка хилира, Франци а, Ингалс а, Финляндий а, Дани а, Австри а, Норвеги а, Польша а, Туркойчоь а, Германи а, Голланди а пачхьалкхашкахь. 1999-2005 шерашкахь Ахмадова Аминат «Даймохк» ансамблин коьрта солистка йара. Ахмадовас хореографин коьрта сольни партиш кхочушйора: «Йижарий» а, «Суьйлин хелхар» а, «Мартанхойн хелхар» а, «Дошлойн хелхар» а, «Атагӏойн хелхар» а, «Хьозарчий» а, ткъа иштта мукъаме партеш «Лаьмнех ма къаста» а, «Нохчийн йоӏ» а^[1].

Соьлжа-ГӀалин №14 йуккъера ишкол чекхйаьккхира^[1].

2004-чу шарахь Великобритани, Уэльс пачхьалкхашкахь Дуьненан конкурсантийн фестивалехь Гран-при йаьккхина, 2005-чу шарахь Сочин гӀалахь «Хрустальная магнолия — 2005» Халкъашна йуккъера фестивалехь, 2007-чу шарахь Сочин гӀалахь «Союз талантов России — 2007» Халкъашна йуккъера фестивалехь^[1].

«Даймохк» ансамблин йукъахь дакъалецира «Дети мира против террора» акцин (Москох, 2005), «Москва встречает гостей — 2005» Халкъашна йуккъера фестивалехь^[1].

2001-чу шарахь Нохчийн Республикин информатикин а, лоручу техникин а техникуме деша йахара. Техникум чекхйаьккхинчул тӀаьхьа, 2004-чу шарахь заочно отделене деша йахара Нохчийн пачхьалкхан университетан экономикин факультете^[1].

2007-чу шарахь республикера цхьана мероприятехь Ахмадова Аминато патриотически эшар «ХӀей, нохчий!» лекхира. 2008-чу шарахь Соьлжа-ГӀалин театран-концертан залехь «Нохчийн йоI» цӀе йолуш цуьнан цхьана концерт хилира^[2].

Ахмадова Амината йиллина «Фирдавс» йоьрийн хоровой капелла^[3].

2013-чу шарера дуьйна Ахмадова Аминат Нохчийн Республикин Куьйгалхочун гӀонча^[4], ткъа иштта «Нохчо» пачхьалкхан эшаран-халхаран ансамблин исбаьхьаллин куьйгалхо а хаьржина^[5].

2020-чу шарахь дуьйна — «Нохчо» ансамблин директор^[6][7].

• Беной;
• Дуьне;
• Безаман Дехар;
• Лайна халонаш;
• Къонаха;
• Даймохк;
• Хьо везаш;
• Рамзану Кадырову;
• Нохчийчоь;
• Захало;
• Родина;
• Алерой;
• Хуур дац;
• Хьомениг;
• Шовкъе безам;
• Безаман лай;
• Безаман алу;
• Хьогалла;
• Дагавоьхна хьо;
• Теша соьх;
• Сан Нохчийнчоь;
• Со йеза ала;
• Лайна-лайна
• Седане кхийда;
• Со йоцу хан;
• Ирсо човхича;
• Мой Кавказ;
• Чеченская лезгинка;
• Чечня - центр мира;
• Ма хила кхоьлина;
• Вай нохчи кӀант;
• Хьу ду те;
• Сан деган алу;
• Хьунама со йезара йу;
• Цвет любви;
• Зама сих мало;
• Са гат ло (Аймани Айдамировац цхьаьна);
• Белые цветы (Элина Муртазовац цхьаьна).

• Нохчийн Республикин хьакъйолу артистка;
• Нохчийн Республикан музыкин «Национальная Пятёрка» конкурсехь «Шеран эшарча» номинацехь толамхо (2011, 2013)^[8][9];
• Нохчийн Республикан музыкин «Национальная Пятёрка» конкурсехь «Эшаран патриотически тоьлла кхочушдар» номинацехь а, конкурсан коьрта совгӀат — «Национальная Пятёрка Гран-при» а йоккху толамхо (2012)^[10];
• Нохчийн Халкъан артистка;
• ГӀалгӀайн Халкъан артистка^[6];
• Нохчийн Республикин Хьакъдолу говзаллин гӀуллакххо (2020)^[11];
• Россин Федерацин хьакъйолу артистка (2024);
• Кадыровн Орден (2024)^[12];
• Мидал «НР-н Хьалхарчу Президентан Кадыров Ахмат-Хьаьжин иэсан» (2025)^[13].

Да — Ахмадов Рамзан Аюбан воӀ, российн хелхарча а, хореограф а, «Даймохк» ансамбль коьллинарг а, куьйгалхо а. Нохч-ГӀалгӀайн АССР (1987) а, Российн (2009) а халкъан артист, Нохчийн Республикин оьздангаллин министран хьалхара гӀовс. ПАУ «Вайнах» пачхьалкхан академически хелхаран ансамблан директор а, исбаьхьаллин куьйгалхо а (2021 шо)^[1].