Айсханов, Султан Катин воӀ
Айсха́нов Султа́н Ката́евич (1944 шеран 15 июль, Мерке, Меркен кӀошт, Жамбилан область, ГӀиргӀазойн ССР, СССР) — нохчийн Ӏилманча, хирург, Комплексни Ӏилманийн а, талламийн а институтан медицинан а, биологин а талламийн отделан куьйгалхо, Нохчийн пачхьалкхан университетан медицински факультетан кафедран куьйгалхо, «Социальная защита и милосердие» фондан куьйгалхо, Нохчийн Республикин Ӏилманийн академин вице-президент.
Биографи
Вина нохчий арабаьхначу 1944 шеран 15 июлехь Кхазакхийн ССР Джамбулан областан Мерке йуьртахь. 1960 шарахь дешин мидалца чекхйаьккхира ишкол Соьлжа-ГӀалахь.
- 1966 шарахь — тӀехдика чекхйаьккхина Къилбаседа ХӀирийчоьнан пачхьалкхан медицинан институт;
- 1970 шарахь – оццу институтехь абдоминальни хирургин клиникин ординатура чекхъйаьккхина;
- 1973 — Пирогован йукъараллехь, Петарбухехь, цо шен диссертаци лардира «Операци йинчул тӀаьхьа пхенашца йолу чолхенаш а, меженийн цхьадолчу ира хирургин цамгаршна дарба даран башхаллаш»;
- 1974 — хирурган лакхара категори кхаьчна;
- 1975-1989 – Соьлжа-ГӀалин дарбанцӀийнахь практически хирург болх бира сихачу гӀоьнан машенехь;
- 1989 — докторан диссертаци чӀагӀдина;
- 1992 — Нохчийн Республикин Ӏилманийн Академи вовшахтохаран кхеташоне йукъадаьккхина;
- 1996 шарахь дуьйна таханлерчу дийне кхаччалц — Чехин Ӏилманийн Академин вице-президент;
- 1989-чу шарахь дуьйна таханлерчу дийне кхаччалц — Социалан Ӏалашдаран а, сагӀадоьхучу а фондан председатель;
- 1991-чу шарахь дуьйна таханлерчу дийне кхаччалц — Соьлжа-ГӀаларчу орцан больницин бух тӀехь Нохчийн пачхьалкхан университетан медицинин факультетан хирургин кафедрин куьйгалхо;
Операцеш дӀайахьаран керла кепаш йукъайаьхна. Цо аьтто бира баккхийчу а, баккхийчу а нехан операцин тӀаьхьара пхенашца йолу чолхенаш хаъал лахъйаран а, даларш лахдаран а. 1989-чу шарахь Ленинградехь, профессоран А. Н. Грановн куьйгаллица, цо чӀагӀйира шен докторан диссертаци.[1].
Республикерчу Ӏилманчашца а, говзанчашца а цхьаьна арахоьцу цо «Экстремалан хьелаш медицинехь. Сихха гӀо даран гӀуллакхаш». 2002 шарахь цо зорбане баьккхира пхи Ӏилманан болх кийрара хирургин а, экстремалан медицинин а агӀора[1].
Экстремалан медицинин лабораторехь, соавторийн тобанца, цо кхуллу керла медицинин гӀирс (чамда-вилспет, гемостатикин браслет, окклюзионни доьхка, обтуратор нийса кийранан). 2005-чу шарахь цо дакъалецира Йерригроссин «Старт 2005» къовсамехь «Разработка и серийное производство оборудования для экстремальной медицины на территории Чеченской Республики» инновацин проектца. Цуьнан проект могашалла Ӏалашйаран декъехь тоьллачех йу аьлла билгалйаьккхина[1].
2004-чу шарахь Нохчийн Республикан куьйгалхочун дарже шен кандидатура хьалха хӀоттийра цо, амма, харжамаш хиларе сатуьйсуш, йухавелира иза[2].
Билгалдахарш
- ↑ 1 2 3 Айсханов Султан Катаевич. ТӀекхочу дата: 2014 шеран 11 август. Кху чуьра архивйина оригиналан 2014 шеран 12 августехь
- ↑ Чечня: Султан Айсханов вышел из предвыборной гонки. ТӀекхочу дата: 2014 шеран 11 август. Архивйина 2014 шеран 17 августехь
