Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Айдамирова, Зулай Ахьмадан йоӀ

РУВИКИ чохь изза фамили йолчу кхечу адамех лаьцна йаззамаш бу Айдамиров.

Зулай Ахьмадан йоӀ Айдамирова (оьрс. Айдамирова, Зулай Ахмедовна; 1947 шеран 24 март) — ССРС-н а, Россин а актриса, Нохч-ГӀалгӀайн АССР-н халкъан артистка, Нохчийн Республикин халкъан артистка[1].

Биографи

Зулай Айдамирова йина 1947 шеран 24 мартехь. ГӀарйаьллачу эшархочун, Нохч-ГӀалгӀайн АССР-н халкъан артисткин, РСФСР-н хьакъйолу артисткин(оьр.)нохч., Марьям Айдамировн йоӀ йу[2]. 1968 шарахь чекхйаьккхира Соьлжа-ГӀалин музыкальни доьшийла. 1973 шарахь чекхйаьккхира А. В. Луначарский цӀарахчу Москван пачхьалкхан исбаьхьаллин институтан (ГИТИС, хӀинца РАТИ)(оьр.)нохч. актёрийн факультет (нохч-гӀалгӀайн студи)[3].

1973 шарахь дуьйна — Нохчийн драмин Нурадилов Ханпашин цӀарах театран актриса. Зулай Айдамирова йу коьртачу актрисашна йукъахь цхьаъ. Ловзу тайп-тайпанчу жанран спектакльшкахь[1].

Айдамировас коьрта ролаш ловзийна нохчийн драматургехь: «Бож-Ӏела» Йарташ Абдул-Хамид Хамидовн, Доли «БӀешерийн бодашкахь» Идрис Базоркин(оьр.)нохч. Мималт Солцаевн(оьр.)нохч. постановкехь, Марет Саид-Хамзат Нунуевн «Цхьа Дала бен…» драмехь, Зайбулла «Селасат» Халид Ошаевн, Заббарий, Сеттабика Саид Гацаевн(оьр.)нохч. «КӀант-гӀуллакхаш» комедехь, Елизавета Уильям Шекспиран «Ричард» трагедехь, Анжелика Жан-Батист Мольеран(оьр.)нохч. «Мнимый больной(оьр.)нохч.» комедехь. Актриса хилла Руслан Хакишевн «Даймехкан латта» трилогехь мехкарийн хоран куьйгалхо, шен озан хазаллин бахьанца[2].

Чӏогӏа тӏараш деттар кхаьчна Халкъан артистана Айдамирова Зулайна Мирейн ролехь. Цуьнан турпалхо карзахе, жимма карикатурни, экстравагантни, безам лоьхуш къанлуш йолу французхо йу. Цо дакъа а лоцуш йолу Сцена дукха йоккха йац, амма мел эмоцин бос белла цо йерриге а спектакле!

- Блбулян Анна, «Страстной бульвар, 10», № 4-264/2023[4].

Театрехь ролаш

Актуалан спектаклаш:

  • «Лаьмнел лекха» («Выше гор») — меттигера йахархо;
  • «Бож-Ӏела» — Йарташ;
  • «Нохчийн махкахь, нохчийн маттахь» («Даймахкахь, ненан маттахь») — Елена Викторовна;
  • «Ханума» — Кабато;
  • «Земля отцов» — Айза, солистка хора;
  • «Бессмертные» — Надя.

Архиван спектаклаш:

  • «Отелло(оьр.)нохч.» — Бьянка;
  • «Человек из Ламанчи» — Дульсинея;
  • «Песни вайнахов» — Альбика, Сурхон нус;
  • «Ричард III (пьеса)(оьр.)нохч.» — королева Елизавета;
  • «Кровавая свадьба» — тёща Леонардо;
  • «Бунт невесток» — Лутфи;
  • «Соседи» — Себила;
  • «Как похищают красавиц» — лулахо;
  • «Кориолан (бохам)(оьр.)нохч.» — гӀалахо;
  • «Из тьмы веков» — Доккаш;
  • «И дольше века длится день» — йийсархо;
  • «Чёрная коса» — подруга Маьлха Аьзни;
  • «Махкана сов бевла кӀенти» — оьрсийн солдатан нана;
  • «Чудаки» — Заббарий, Сеттабика;
  • «Приключения Буратино» — цхьогал Алиса;
  • «Тётка Чарлея» — Чарлейн йишин йоӀ;
  • «Инспектор ОБХСС» — ювелирторган йохкахо;
  • «Мы, джаз и привидения» — Иоланта;
  • «Сердце сердцу весть подаёт» — лорйиша Зара;
  • «Секретарь ПАРТКОМА» — секретарша;
  • «Мнимый больной» — Анжелика;
  • «Нефтяники» — студентка;
  • «Пир во время чумы» — Мэри;
  • Бременские музыканты(оьр.)нохч. — принцесса;
  • «Цветная кутерьма» — убар.

Фильмографи

СовгӀаташ

  • Нохч-ГӀалгӀайн АССР-н халкъан артистка;
  • Нохчийн Республикин халкъан артистка[1].

Билгалдахарш

  1. ↑ 1 2 3 Зулай Айдамирова. Чеченский государственный драматический театр им. Х.Нурадилова. (2021-2024). ТӀекхочу дата: 2026 шеран 17 июль.
  2. ↑ 1 2 Яркая, индивидуальная… grozniy.bezformata.com (2011 шеран 23 декабрь). ТӀекхочу дата: 2026 шеран 17 июль.
  3. ↑ Зулай Айдамирова. Кино-Театр.Ру (03.07.22). ТӀекхочу дата: 2026 шеран 17 июль.
  4. ↑ Блбулян Анна. Сохранить лучшее / V Фестиваль национальных театров России «Театральная осень» (Саранск)(оьр.) // Страстной бульвар, 10 : журнал. — 2023. — Апрель (№ 4—264).

Хьажоргаш

Категореш