Ошаев, Халид Дудаевич
Ошаев, Халид Дудаевич (1897 20 декабрь (1898 шеран 1 январь), Теркан область — 1977 шеран 12 декабрь йа 1977 шеран 3 сентябрь) — советан йаздархо а, драматург а, Ӏилманча а.
Биографи
Халид Ошаев вина 1898-чу шарахь йоккхачу АтагӀан юххехь Шуьйта боьдучу некъан аьтту агӀор хиллачу Воздвиженски слободехь, хьуьнхочун доьзалехь. Берахь дуьйна цунна гуш дерг дуьххьалдӀа Нохчийчоьнан хаза Ӏалам дара. Боккха тидам беш ладоьгӀура цо халкъан иллешка, цуьнан чӀогӀа сакъералора халкъан ширачу хабарех а, дуккха а хӀуманаш гинчу баккхийчу наха шайна дайнарш дуьйцуш дечу къамелех а.
Соьлжа-ГӀалахь реальни училище чекхйаьккхинчул тӀаьхьа цо дешна Петроградехь хьуьнан институтехь.
Революционни къийсам марсабаьллачу хенахь нисвелира Халид. Петрограде, цундела дешар йукъах а дуьтуш, ша винчу махка вухавеара иза. Кхузахь цо граждански тӀамехь дакъалоцу.
Нохчийн литература кхоллалучу хенахь цунна йукъавеанчу Халид Ошаевс доккха дакъалоцу и литература кхиош а, кхоллараллин интеллигенци вовшахтухуш а. Цуьнан йаздархочун некъ дӀаболабелла 20-чу шерашкахь «Дайн Ӏадат» цӀе йолу пьеса йазйарца.
Библиографи
- Ошаев Х. Д. Пламенные годы: исторический роман. — Фонд поддержки чеченской литературы. — 2009. — Т. 3. — 604 с. — (Библиотека чеченской литературы). — ISBN 5918210024.
- Ошаев Х. Д. Слово о полку Чечено-Ингушском: сборник документально-художественных произведений. — Эль-Фа, 2004. — 492 с.
- Ошаев Х. Д. Брест — орешек огненный : Художественно-документальная повесть : [Об участниках обороны Брестской крепости из Чечено-Ингушетии]. — Гр. : Чечечено-Ингушское издательско-полиграфическое объединение «Книга», 1990. — 139,[2] с. : ил.; 20 см. — ISBN 5-7666-0272-3.
- Ошаев Х. Д. Пламенные годы: исторический роман в трех частях. — Чечено-Ингушское книжное издательство, 1988.
- Ошаев Х. Д. Комбриг Тасуй: историко-биографический очерк. — Чечено-Ингушское книжное издательство, 1970. — 35 с.