Агаев, Рустам Ӏарбин воӀ
Ага́ев Руста́м Ӏарбин воӀ (1982 шеран 1 май, Котар-Юрт, Нохч-ГӀалгӀайн Автономин Советийн Социалистийн Республика) — нохчийн паргӀата кепара латархо, 2006 шеран Российн чемпионатан борзанан совгӀатхо, 2004 шеран Анкарара Европин чемпионатан борзанан совгӀатхо (Азербайджанан командехь), Афинера 2004 шеран Олимпийн ловзарийн декъахо, Бакохара 2004 шеран латарехь Дуьненан кедан толамхо, Кхазакхстанехь доттагӀаллин эскарийн IX Спартакиадин толамхо (2003 шо), Российн чемпион а, Дуьненан кедан толамхо а доьхканаш дихкина латарехь.
Биографи
Вина 1982 шеран 1 майхь Котар-Йуртахь. 1999 шарахь чекхйаьккхина йуккъера № 1 ишкол шен дай баьхначу йуьртахь. Лата волавелла 1996 шарахь ДЮСШ-хь ТӀехьа-Мартанан кӀоштахь. Цуьнан дуьххьарлера тренер хилла Джабраилов 1абдурахьманан во1 Шарип.Кхин цхьа шо даьлча оцу секце дӀайазвелла жимаха волу ваша Ӏарби.
2002 шарахь спортан говзанчин кандидат санна иза дӀайазвира эскаран ЦСКА спортан ишколин Центран спортан клубе. Цуьнан керла тренер вара Кикабидзе Шота. Кхо бутт баьлча Агаев спортан говзанчин стандарте кхаьчна. Дукха хан йалале, ХӀинжа-ГӀалахь Алиев Ӏали Зурканаевич а, Минскехь Медведь Александр а дагалоцуш дӀайаьхьначу дуьнена йукъарчу турнирашкахь дакъалоцуш, кхин а дуккха а хазбина конкуренташ йуьстах а бохуш, пьедестал тӀе кхаьчна иза[1]
2003 шарахь доттагӀаллин пачхьалкхийн эскарийн IX Спартакиадехь — ЛПД декъашхойн Казахстан Спартакиадин чемпион хилла[2].
2004 шарахь Российн а, Азербайджанан а федерацешна йуккъахь барт бина Агаев волавелира Азербайджанан гулйина командехь лата. Цунна йуккъахь кхааа дуьнена йукъара къовсамашкахь летира Агаев. 2004 шеран Олимпиадин харжаман турнирехь Афинех цо кхоалгӀа меттиг а йаьккхина, Олимпиадехь дакъа лаца бакъо йаьккхира.
Йуха хиллачу къовсамашкахь — Бакохахь латарех Дуьненан кедехь — толамхо хилла, финалехь иза туьйлира российн гулйина командин декъахочулла Шемаровла 3:2 чот йолуш. Оццу шарахь Туркойчохь хиллачу Европин чемпионатехь, борзанан мидал йаьккхира. Афинера Олимпийн ловзаршкахь пхоьалгӀа меттиг йаьккхири цо.
2006 шарахь паргӀата кепара Российн чемпионатехь борзанан совгӀатхо.
2010 шарахь ша зийра доьхка дихкина латарехь Кавказан лозаршкахь. Зиер аьтту болуш хилира — Агаевс шолгӀа меттиг йаьккхира. ШолгӀачу шарахь толамхо хилира рогӀерачу Кавказан ловзаршкахь, оцу спортехь Российн чемпион хилира. 2012 шарахь толамхо хилира Дуьненан кедехь йозаллин барамехь 100 кг сов йолчу[3].
Сочера 2014 шеран олимпийн цӀеран эстафетехь дакъалаьцна.
2014 шарахь Нохчийн Республикин Олимпийн кхеташонан вице-президент вара.
Доьзал
- Да — Агаев Мусан воӀ 1арби, гӀишлошйаран «Госстрой» фирмин директор;
- Нана — Агаева Даудан йоӀ Роза, цӀийнанана;
- Йижарий Хеда а, Хьава а;
- Ваша Ӏарб,чекхйаьккхина Чеченский государственный университет имени А. А. Кадырова (нох. Ахьмад-Хьаьжин цӀарах йолу Нохчийн пачхьалкхан университет)
Билгалдахарш
- ↑ ABDOULAEV, Movladi Рустам Агаев | WSPORT-SHATOY(бил-боцу.). wsport.su. ТӀекхочу дата: 2025 шеран 19 ноябрь.
- ↑ Rüstəm Ağayev Bio, Stats, and Results (инг.). Olympics at Sports-Reference.com. ТӀекхочу дата: 2025 шеран 19 ноябрь.
- ↑ Р. Агаев: «Я рад, что второй раз мне посчастливится принять участие в Олимпийском движении». ТӀекхочу дата: 2025 шеран 11 октябрь. Архивйина 2014 шеран 1 августехь
Литература
- С-А. М. Аслаханов, Х. Х. Хизриев. Физическая культура и спорт Чечни: истоки и современность. — Москва: «Перо», 2015. — С. 77—78. — 240 с. — ISBN 978-500086-997-0.
Хьажоргаш
- Рустам Агаев — олимпийн статистика сайт тӀехь Sports-Reference.com(ингалс.)
- Рустам Агаев — профиль сайт тӀаьхь International Wrestling Database(ингалс.)
- Рустам Агаев
- Р. Агаев: «Я рад, что второй раз мне посчастливится принять участие в Олимпийском движении»
Кхин дӀа темана тӀехь
 |
|---|
