Абумуслимов, Сайд-Хьасан Сайд-Мохьмадан кӀант

1974-1975-чуй шерашкахь дешна Ломоносовн цӀарах йолчу МГУ-н историн факультетан кечамаллин декъехь.

1974-1981-чуй шерашкахь — МГУ-н историн факультетан студент.

1982-1985-чуй шерашкахь дешна МГУ-н экономикин факультетан аспирантурехь (Халкъан йуьртан бахаман историн а, экономикин Ӏаморийн а кафедра). Экономикин Ӏилманийн кандидат.

Нохчийн а, оьрсийн а, немцойн а меттанаш хаьа.

1990-1994-чуй шерашкахь Нохчийн пачхьалкхан университетехь исторех лаьцна лекцеш йешна.

1980-гӀа шераш дуьйлалуш дуьйна Нохч-ГӀалгӀайн АССР-хь шаьш арахецна йолу а, А. Г. Авторхановн а, А. И. Солженицинан «Архипелаг ГУЛАГ» а белхаш баржорехь дакъалаьцна.

1990-чу шеран хӀутосург баттахь шен буха тӀехь «Вайнехан демократин парти» кхоьллина йолу, «Барт» (1989) йукъаралла йиллинчарех цхьаъ^[2]. Парламентан депутат хилла, 1992-чу шеран бекарг беттан 12-чу дийнахь йозуш йоцучу Нохчийн Республикин Конституци тӀеэцаран хьокъехь йолчу кхеташонехь дакъалаьцна. Яндарбиев Зеламха президент волчу заманахь (1996—1997) вице-президентан даржехь вара. 1996-чу шеран хьаьттан баттахь Хасавюьртан барташна кӀел куьг йаздина. Масхадов Аслан президент волчу заманахь дакъалаьцна нохчийн йукъаметтигаш политикин-бакъонан агӀор дӀанисйарна леринчу нохчийн дагадовларшкахь.

ШолгIа нохчийн тIом болабелча Нохчийчоьнан президентан Масхадов Асланан тӀедилларца, цуьнан векалан даржехь Стамбулехь дӀайаьхьначу ОБСЕ-н саммитехь дакъалаца вахана, цул тӀаьхьа Европин мехкашкахь политикин болх беш а Ӏийна^[3].

Цу хенахь дуьйна Хонкарахь а, Азербайджанехь а^[4], Германехь а ваьхна. 1999-чу шеран лахьанан баттахь дуьйна 2005-чу шеран бекарг бутт тӀекхаччалц ЧРИ-н «нохчийн а, кавказан кхидолчу къаьмнашна а дуьхьал российски йоккхачу пачхьалкхан шовинизман» зуламашна таллам барехула волу векал лаьттина.

Кавказан эмират кхолларан дуьхьаларниг. Демократин йозуш йоцу нохчийн пачхьалкх кхолларехьа а, конфедерацин кепехь йозуш йоцу Къилбаседа Кавказ кхолларехьа а ойла йолуш ву^[5][6][7][8].