Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Абдурахманов, Канти

РУВИКИ чохь изза фамили йолчу кхечу адамех лаьцна йаззамаш бу Абдурахманов.

Канти Абдурахманов (1916, Шела, Нохчийн Республика — 2000 шеран 28 март, Устрада-ГӀала, Нохчийн Республика) — Советийн Эскаран старшина, Сийлахь-Боккха Даймехкан тӀеман декъашхо, Российн Федерацин Турпалхо (1996 шо).

Биографи

Канти Абдурахманов вина 1916 шарахь Шелахь. Жима волуш да а, нана а доцуш висна иза. Цо колхозехь болх бира. 1941 шеран сентябрехь иза шен лаамехь тӀамтӀе вахара. 1942 шеран июнехь цо Ташкентехь лахара артиллерин баьччийн ишкол чекхйаьккхира. Иза эскарехь вара Йуккъера Азин тӀеман округехь. Цигахь иза взводан баьччин гӀонча хилира. 1943 шеран октябь баттахь дуьйна иза Сийлахь-Боккха Даймехкан тӀеман фронтехь ву. Цо дакъа лецира Невель а, Городок а, Витебск а йоккхуш, Белоруссин (1944 шо) а, Балтикайистан (1944 шо) а операцешкахь а, Курляндехь хилла немцойн эскаран тоба хӀаллакйеш а. Цуна масийтта чов йира[1].

1943 шеран декабрехь Витебск йоккхучу хенахь советийн гӀашсалтийн охьадийша дизира немцоша къиза герз даьттар бахьнехь. Абдурахмановс шен накъосташца йоккха топ нийса тӀейерзийна, масийттаза кхоьссина немцойн дот хӀаллакйира. И бахьнехь мостагӀий эшабелира.

1944 шарахь Малхбуза Двинал дехьадовлучу хенахь цо йуха а гайтира шен хьуьнар. Циггахь иза артиллеристех массарелла хьалха малхбузе хийисте дехьа а ваьлла, цо советийн эскар дехьадолуш новкъалла йеш йолу масийтта мостагӀчо герз детта меттиг хӀаллакйира. ТӀом боьдучу хенахь Абдурахмановс хӀаллакйира масийтта немцойн танк[1].

1946 шарахь Абдурахманов эскарера мукъавитира. ТӀаккха цуьна Йуккъера Ази ваха дийзира. 1967 шо кхаччалц иза ГӀиргӀазойчохь Ӏийра. ЦӀа вирзинчул тӀехьа цо шофер а, комбайнер а, «Пищемаш» завода белхало а, геологин талламан буру туху бӀевнан говзанча а болх бира. Пенси ваханчул тӀехьа иза Устрада-ГӀалахь вехаш вара.

Велла 2000 шеран 28 мартехь[1].

СовгӀаташ

1996 шеран 16 майхь Российн Федерацин Президентан Омарца «майралла а, доьналла а, гайтина немцойн-фашистийн тӀемлошца Сийлахь-Боккха Дамехкан тӀом болуш 1941—1945 шерашкахь» мукъа ваьккхина старшина Абдурахманов Кантин йелла Российн Федерацин Турпалхочун (Тупалхочун Дешин Седа № 290). Кхин а совгӀат дира II а, III а тӀегӀанера ГӀарваларан орденца, I тӀегӀанера Даймехкан тӀеман орденца, цхьа могӀа мидалшца[1].

СовгӀаташ

  • «Дашо седа мидал», 2012 шо.
  • Даймехкан тӀеман 1-ра степень йолу орден, 1999 шо.
  • Сийлаллин орден 2-гӀа степень, 2012 шо.
  • Сийлаллин орден 3-гӀа степень[2].

Иэсехь

  • Аргунехь йуккъера ишкол йу Абдурахманов Кантин цӀарах.
  • Цуьнан цӀе йу Кадыровн Ахьмад-Хьаьжин цӀарахчу Сийлаллин мемориалан комплексехь долчу тептар тӀехь йазйина.
  • Цуьнан бюст йу Соьлжа-ГӀалин Турпалхойн аллейхь[3].

Билгалдахарш

  1. ↑ 1 2 3 4 Hero of the Soviet Union medal.png Абдурахманов, Канти. Cайт «Пачхьалкхан турпалхой».
  2. ↑ Канти Абдурахманов: Герой, выстоявший в борьбе с несправедливостью (ru-RU), ЧГТРК ГРОЗНЫЙ. Дата обращения: 5 февралехь 2026.
  3. ↑ Канти Абдурахманов – герой страны, отважный сын отечества | Информационное агентство "Грозный-Информ"(бил-боцу.). web.archive.org. ТӀекхочу дата: 2026 шеран 5 февраль.

Хьажоргаш

Кхин дӀа темана тӀехь

Категореш