Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Эльдарханов, Ӏаднан СаьӀидан кӀант

Эльдарха́нов Ӏадна́н СаьӀи́дан кӀант (оьрс. Эльдарханов, Аднан Саидович; 1953 шеран 21 ноябрь, Канабек, Алматан область) — российски инженер, техникин Ӏилманийн доктор, Россин экологин академин академик[1]. Россин Федерацин Ӏилманан а, техникин а декъехь долчу совгӀатан лауреат[2][3].

Биографи

Дуьненчу ваьлла 1953-чу шеран лахьанан беттан 21-чу дийнахь Казахски ССР-н Талды-Кургански областан Каратальски кӀоштан Красный Восток (ЦӀен Малхбале) йуьртахь. 1959-чу шарахь дуьйна Бена-Веданан бархӀ шеран ишколехь дешна. 1969-чу шарахь Нохч-ГӀалгӀайн АССР-н Хьалха-Мартан № 7 йолчу йуккъера ишкола чекхйаьккхина[1].

1975-чу шарахь «Мехкадаьттан а, газан а промыслийн машенаш а, гӀирсаш а» говзалла кара а йерзош Соьлжа-ГӀалин мехкадаьттан институтан механикин факультет чекхйаьккхина.

Карьера

1975-1980-чуй шерийн муьрехь Удмуртстки АССР-н Воткинск гӀалахь а, Нохч-ГӀалгӀайн АССР-н гӀаланашкахь а арахецаран предприятешкахь дизелистан гӀоьнчина тӀера коьртачу механикана а, коьртачу энергетикана а тӀекхаччалц белхаш бина.

1980-чу шеран товбецан баттахь дуьйна 1994-чу шеран гӀуран бутт тӀекхаччалц Соьлжа-ГӀалин мехкадаьттан институтехь белхаш бина — НИС-н инженеран а, Ӏилманан лахарчу белхахочун а, аспирантан а, Ӏилманан лакхарчу белхахочун а, ассистентан а, доцентан а даржашкахь.

1985-чу шарахь СССР-н АН-н Ондачу хӀуманан физикин институтехь кандидатан диссертаци чӀагӀйина, 1996-чу шарахь — Киев гӀалахь Украинин НАН-н Металлийн а, лаламийн а физикин-технологин институтехь докторан диссертаци а.

1996-чу шарахь Россин экологин академин (РЭА) декъашхо-корреспондент хаьржина, ткъа 1999-чу шарахь РЭА-н академик а хаьржина[1].

Соьлжа-ГӀалин техникин университетан профессор а хилла иза.

2005-чу шарахь дуьйна — 2025-чу шарахь долчу хьелашца дӀайаккхаран гӀуллакхехь йолчу «Керла коьчалш а, технологеш а» Ӏилманан туьшан генеральни директор[4].

Иза, иштта, Москван областерчу Красногорскехь дӀайазйина йолчу «Исбаьхьаллин галантерей» АО-н генеральни директор а ву. И организаци чу-ара ца боккхучу бахамца доьзна долу гӀуллакхаш лелош йу[5].

Доьзал

Эльдарханов Ӏаднан зуда йалийна ву. Доьзалехь кхо кӀант ву: Руслан, Тимур, Роман. ХӀусамнана — Борисан йоӀ Эльдарханова Ирина, хӀусамден бизнес-накъост[6].

Библиографи

  • Применение физических методов моделирования для изучения влияния вибрации на процессы затвердевания сплавов : диссертация … доктора технических наук : 05.16.02. — Киев, 1996. — 384 с. : ил.[7]
  • Технологии современной металлургии. В. А. Ефимов, А. С. Эльдарханов

Билгалдахарш

  1. ↑ 1 2 3 Эльдарханов Аднан Саидович д. т. н., профессор Академик Российской экологической академии. ragpn.ru. ТӀекхочу дата: 2026 шеран 22 май.
  2. ↑ Чеченская интеллигенция Москвы заявила на пресс-конференции о поддержке Кадырова. ТӀекхочу дата: 2026 шеран 22 май. Архивйина 2017 шеран 13 ноябрехь
  3. ↑ Постановление Правительства Российской Федерации от 27 февраля 2008 г. N 121 г. Москва «О присуждении премий Правительства Российской Федерации 2007 года в области науки и техники». ТӀекхочу дата: 2026 шеран 22 май. Архивйина 2017 шеран 8 августехь
  4. ↑ ООО «НЦНОМиТ». РБК Компании. ТӀекхочу дата: 2026 шеран 22 май.
  5. ↑ АО «Художественная галантерея». РБК Компании. ТӀекхочу дата: 2026 шеран 22 май.
  6. ↑ Выбираем идеальную звёздную пару, kp.ru (2007, 3 апрель). Дата обращения: 22 майхь 2026.
  7. ↑ Эльдарханов, Аднан Саидович. Применение физических методов моделирования для изучения влияния вибрации на процессы затвердевания сплавов : диссертация … доктора технических наук : 05.16.02. — Киев, 1996. — 384 с. : ил. Металлургия черных металлов. ТӀекхочу дата: 2026 шеран 22 май. Архивйина 2017 шеран 13 ноябрехь

Хьажоргаш

Категореш