Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Шерипов, Майрбек Джемалдан кIант

РУВИКИ чохь изза фамили йолчу кхечу адамех лаьцна йаззамаш бу Шерипов.

Шери́пов Майрбе́к Джема́лдан кӀант (оьрс. Шерипов, Майрбек Джемалдинович; 1905 — 1942 шеран 7 ноябрь) — 1941—1942 шарахь Нохч-ГӀалгӀайчохь антисоветски боламан вовшахтохархо.

Биографи

Майрбек Шерипов жимахволу ваша ву тов-бецан баттахь 1919 шарахь белогвардейцаша вийначу Нохчийн ЦӀен эскаран командиран Шерипов Асланбекан. Жималлехь ВКП(б) декъашхо хилла, юристан болх бина. 1938 шарахь Шерипов Майрбек «антисоветски пропаганда» лелош ву аьлла лаьцна, амма 1939 шарахь дӀахецна. 1941 шарахь Нохч-ГӀалгӀайчоьнан АССР Леспромсоветан куьйгалхо хӀоттийна. Ткъа 1941 шарахь гуьйранна къайллаха тӀеман къийсам болийна.

1942 шеран хьаьттан баттахь Шериповн ка долу Джаватхан Муртазалиевца зӀе таса, иза наха лоруш хиларна, цуьнан аьтто болу Итон-Кхаьллан а, Шуьйтан кӀошташкахь боккха гӀаттам айбан. ГӀаттам дуьххьара Итон-Кхаьллан кӀоштахь Зумсахь болабелира. Йуьртасовет а, колхозан правлени а йохийна, 150 стаг лаьттачу отрядан коьртехь ХӀима йурта а веана, талораш дира. Нохч-ГӀалгӀайн НКВД-ен талорашца къийсам латточу декъан куьйгалхочуьнца Алиев Идрисца бертахь дӀайаьхьна операци йара иза. Цо цхьа де хьалха йуьртара НКВД-ен отряд арайаьккхинера. И операци кхиамца чекхйаьллачул тӀаьхьа йерриг республикера советан Ӏедална резабоцу нах Шериповн отряде дехьабовлура. Иштта кхоллайелла отряд Итон-Кхаьлла йурт йаккха йахара. Цигахь НКВД-ен боккхачу ницкъо дуьхьало а йина, отряд йохийра[1][2].

ГӀаттамаш хилла аьлла шайна дӀахезча, 1942 шеран хьаьттан беттан 25 дийнахь гитлеровцаша Галашкински кӀошта Осман Губе (жӀайхо Осман Сайднуров) куьйгаллехь волуш диверсантийн тоба кхоьссира. И тоба советски спецслужбийн Ӏуналлехь йара. НКВД-ен иза дӀайаккха сацам хиллалц, беа баттахь бен ца лаьттира тоба[1].

Билгалдахарш

  1. ↑ 1 2 Ахмадов Я. З., Хасмагомадов Э. Х. История Чечни в XIX-XX веках. — М.: Пульс, 2005. — С. 820. — 996 с. — 1200 экз. — ISBN 5-93486-046-1.
  2. ↑ О националистических выступлениях в Чечено-Ингушской АССР в годы войны и роли в их организации фашистских спецслужб. Русская линия / Православное информационное агентство. ТӀекхочу дата: 2025 шеран 22 декабрь.

Категореш