Шамханов, Идрис
Идри́с Шамха́нов (1994 шеран 5 март, Курчалой-ГӀала, Нохчийн Республика) — россин боксёр а, Российн чемпионатан совгӀатхо а, Российн спортан говзанча а. Цо чекхйаьккхина Нохчийн пачхьалкахн университет.
Биографи
Иза вина 1994 шеран бекарг беттахь 5-чу дийнахь Курчалойн йуртахь (хӀинца Курчалойн гӀала).
Нохчийн пачхьалкхан университет чекхйаьккхина волу иза къовсавеллера лахара йозаллин категорехь (81 кийла кхаччалц). Тайп-тайпанчу хенахь цуьнан тренерш бара Магомадов Ханпаша а, Кадыров Беслан а, Какаев Л. а. Кегийрхойн Европин чемпионатехь шозза толам баьккхира (2008 а, 2010 а шерашкахь). 2009-чу шарахь кегийрхойн дуьненан чемпионатехь толам баьккхира цо. 2014-чу шарахь Россин чемпионатехь баккхийчарна йукъахь бронза йаьккхира цо. 2015-чу шарахь Россин цӀарах Европин чемпионатехь дакъалаьцна цо, цигахь мидалш йаьхначарна йукъахь меттиг йаккха аьтто ца баьлла цуьнан.
2015 шо чекхдаьлча цо шен карьера дӀайаьхьира профессионалан боксехь, «Ахмат» клубехь къовсалуш. 2019-чу а, 2020-чу а шерашкахь Соьлжа-ГӀалахь а, Москохь а дӀайаьхьначу «Время легенд» турнирашкахь дакъалаьцна цо[1].
Спортан кхиамаш
- Кегирхойн йукъахь шозза Европин чемпион (2008, 2010) —
; - 2009 шарахь кегирхойн йукъахь дуьненан чемпион — ;
- 2014 шарахь Российн чемпионат —
.
Билгалдахарш
- ↑ В спорт-холле «Колизей» стартовал вечер профессионального бокса «Время Легенд-5», ЧГТРК Грозный. Дата обращения: 16 июлехь 2026.
Хьажоргаш
- Мовлади Абдулаев. Идрис Шамханов. web.archive.org (2010 шеран 11 июнь). ТӀекхочу дата: 2026 шеран 23 июль.