Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Чимаев Хьамзат Хизаран воӀ

Чима́ев Хьамза́т Хиза́ран воӀ (оьрс. Хамзат Хизарович Чимаев; швед. Khamzat Chimaev; 1994 шеран 1 май, Iелин-Юрт, Нохчийн Республика) — россин а, шведийн а, эмиратийн а, ийначу латарийн кепехь волу латархо ву, йукъарчу а, йукъарчул лахахь йолчу а йозаллин категорешкахь леташ ву иза. Кхоазза паргӀат кепехь латаран чемпион ву.

Чимаев UFC олучу организацех латархо ву йуккъера йозанехь (2025—2026). Титул дӀайаьккхинчул тӀаьхьа (2026 шеран хӀутоссург бутт), иза лоьруш ву йуккъерчу йозаллехь йухаверза.

Биографи

Вина 1994 шеран хӀутоссург беттан 1-чу дийнахь Нохчийн республикин Теркан кӏоштан Ӏелин-Йуртахь. Цигахь дӀайаьхьна цо бералла а, къоналла а, ишкол чекхйаккхина[2]. Къомах — нохчо.

Йалх шо долуш лата(оьр.)нохч. волавелира, тӀаьхьа дуккха республикахь болу къовсаршкахь[3]. Хьамзат 19 шарахь йолуш, иза шен доьзалца цхьаьнна Швецехь дӀавахара. Спортан карьера хьалха Чимаев массийта шарехь птицефабрикехь Линчёпингехь а, буьйсанан клубехь секьюрити санна а болх бина[4].

2025 шеран кхолламан беттан цунна делира ОАЭ паспорт[5]. 2026-чу шарахь дуьйна Чимаев Россин а, ОАЭ-н а вахархо ву; цо шен Швецин вахархо хилар дӀатесира 2023-чу шарахь.

ПаргӀат кепехь латаран карьера

Чимаев Хьамзата шен MMA йуккъехь болу латархочун къинхьегаман некъ болийна любительски латаршна тӀера. 2017-чу шарахь кхаа латаршкахь туьйлира Хьамзат, ткъа 2018-чу шарахь профессионалашна йуккъехь лета волавелира и . Хьалхара ши толам FCR а, IRFA а олучу латаран проумоушенашкахь баьккхира цо, цул тӀаьхьа Brave CF олучу промоушене дехьавелира и, цигахь масех латар хилира цуьнан. Йалх латаршкахь толам баьккхиначул тӀаьхьа, UFC кхайкхира Хьамзат, хӀинца гӀарваьлла латархо ву и[6].

Швеце дӀаваханчул тӀаьхьа, шен ненан Гириханов фамилица къоман маьрша латаран турнирашкахь къовсавелла вара Хьамзат, 2018-гӀа шо кхаччалц, шен ден фамили тӀе йухаверззалц[7]. Кхозза къоман чемпион хилира: 2015—2016 шерашкахь 86 кг категорехь[8][9], ткъа 2018 шарахь 92 кг категорехь[10].

2021-чу шеран лахьан беттан 19-чу дийнахь корматаллин латарехь Bulldog Fight Night 9 цӀе йолчу мероприятешкахь Чимаевс эшийра Джек Херманссон[11].

2026-чу шеран оханан баттахь Чимаевс контракт йира латаран промоушенца Real American Freestyle[12]. Цуьнан дебютан латар хир ду асаран беттан 13-чу дийнахь Сент-Луисехь RAF 10-хь.

ММА-хь карьера

Дуьххьарлера латарш

2017-чу шарахь Хьамзат Чимаев ММА секце вахара, цунна и спорт чӀогӀа хазахийтира. Цуьнца цхьаьна Allstars Gym залехь кечам бан волавелира иза, цигахь Александр Густафссон вовзийтира цунна[13]. 2017—2018-чу шерашкахь Швецин промоушенашкахь кхоъ любительски латар дӀатеттира цо, кхоьх а толам баьккхира, цул тӀаьхьа профессионалшна йукъа ваха сацам бира.

Профессионалан тӀегӀанехь дуьххьарлера толамаш 2018-чу шарахь баьккхира цо IRFA а, Fight Club Rush а лигашкахь. Цул тӀаьхьа Brave CF латаран организацица контракт йира цо. 2018—2019-чу шерашкахь Чимаевс тӀаьхьи-тӀаьхьи кхин а йиъ толам баьккхира, царна йукъахь Икрам Алискеров нокаутца эшавар а дара[14].

UFC

Чимаевс шен UFC дебют йира 2020 шеран мангалан беттан[6]. Мангалан беттан 15-гӀа дийнахь, Джон Филлипсца UFC-хь ESPN 13 телеканалехь, толам баьккхира каравахарца шолгӀачу раундан йуккъехь[15]. Цо шен рогӀера латар дира 10 де даьлча UFC-хь ESPN 14 телеканалехь Рис Маккица, цигахь цо толам баьккхира нокаутца[16].

2020 шеран товбецан беттан 19-чу дийнахь Чимаевн кхоалгӀа UFC латар хилира UFC Fight Night: Ковингтон vs Вудли летачу турнирехь, ткъа Хьамзата цигахь толам баьккхира нокаутца Джеральд Мершартна тӀехь[17]. ГӀуран баттахь цо керла контракт йира промоушенца, тоьллачу хьелашца[18]. Амма COVID-19 тест дика хилар бахьана долуш, Чимаевн аьтто ца баьлла Леон Эдвардсца лата, цул тӀаьхьа иза кхузза тӀаьхьатеттира[19].

ТӀаьхьо гӀалатваьлла Хьамзатна рак йу аьлла диагноз хӀоттийра[20], цундела 2021-чу шеран бекарг беттан 1-чу дийнахь летархо пенсе вахара[21], дукха хан йалале иза йуха а Ӏаморшка веара.

Цуьнан рогӀера дуьхьалонча вара Ли Цзинлян[22]. Церан йуккъера йозаллин латар хилира 2021-чу шеран эсаран беттан 30-чу дийнахь UFC 267 турнирехь, хьалхарчу раундехь Чимаевс дӀакхачорца толам баккхарца чекхделира[23].

2022 шеран оханан беттан 9-чу дийнахь UFC 273 турнирехь Чимаевс сацамца эшийра Гилберт Бёрнс, цунна елира «Буьйсанан латар» бонус[24]. Товбецан беттан 11-чу дийнахь UFC 279 турнирехь Хьамзат латаран йозаллехь Кевин Холландца латарехь толам баьккхира хьалхарчу раундехь дӀакхачорца[25].

2023 шеран товбецан беттан цо шен Швецин гражданалла дӀа а тесна, Ӏаьрбийн Цхьаьнатоьхначу Эмиратийн (ОАЭ)[26] байракх кӀел къовсавала волавелира. Цул тӀаьхьа бутт баьлча спортхочо керла ехачу хенан контракт йира Дана Уайтан организацица[27].

2023-чу шеран эсаран беттан 21-чу дийнахь UFC 294 турнирехь Чимаев дуьхьалвелира Камару Ӏусманца. Йуккъерчу йозаллин латарехь йерриг а пхи раунд дӀайахара, цуьнан жамӀехь сацамца толам баьккхира Хамзата[28].

2024 шеран эсаран беттан 26-гӀа дийнахь Абу-Дабехь UFC 308 турнирехь суьйренан цхьаьна коьртачу мероприятешкахь цо эшийра Уиттакер Роберт хьалхарчу раундехь садукъадарца. Латар хиллачул тӀаьхьа гучуделира Чимаевс Уиттакеран мочхал кагйина хилар[29].

2025 шеран асаран беттахь Хьамзат дуьххьара велира UFC рейтинге тоьллачу латархойн, йозаллин категоре ца хьоьжуш, 15-гӀа меттиг дӀалаьцна[30].

Чимаев Хамзатан а, Уиттакер Робертан а бӀаьргийн дуэль

Чемпионан цӀе а, хьалхара ларъйар а

2025 шеран хьаьттан беттан 16-чу дийнахь UFC 319 турнирехь Чимаев летира Дрикус дю Плессица чемпионан цӀе къовсуш[31]. Латар йерриге а пхеа раундехь дӀадахара. Чимаевс толам баьккхира массо а тегамхойн цхьатерра сацамца, кхин а бонус йаьккина уггар дика латар гайтарна[32]. Толам баьккхинчул тӀаьхьа Нохчийчоьнан куьйгалхочо Кадыров Рамзана дӀахьедира Чимаев промоушенан уггаре а къегина седарчех цхьаъ бу аьлла[33]. Цул тӀаьхьа масех де даьлча, Чимаев Соьлжа-ГӀала кхаьчначул тӀаьхьа, Кадыровс совгӀат дира цунна Maybach машен а луш[34].

2026 шеран хӀутоссург баттахь 9-чу дийнахь UFC 328 турнирехь Чимаевн аьтто ца баьлла шен титул ларъян Шон Стриклендца ловзуш. Латар пхеа раундехь дӀадахара, кхелахоша Стриклендна толам белира декъаделлачу сацамца (48-47, 47-48, 48-47)[35]. Шен титул дӀайаьллачул тӀаьхьа Чимаевс дӀахьедира, ша юккъерчу йозаллин дивизионе йухаверза дагахь ву аьлла.

Титулаш а, кхиамаш а

Ийна кепехь латарш

  • Чемпион UFC йуккъерчу йозаллехь (2025—2026);
  • Бонус UFC «Буьсанан гайтам» (6);
  • Бонус UFC «Буьйсанан гайтам» (1);
  • Бонус Brave CF «Буьйсанан нокаут» (1).

ПаргӀат кепехь латаран

  • 2015 шарахь Швецин къоман паргӀат кепехь латаран чемпионат 86 кг кхаччалц — 1[36];
  • 2016 шарахь Швецин къоман паргӀат кепехь латаран чемпионат 86 кг кхаччалц — 1[37];
  • 2018 шарахь Швецин къоман паргӀат кепехь латаран чемпионат 92 кг кхаччалц — 1[38].

СовгӀаташ

  • 2025 — «Ондалла» къоман спортан совгӀатан лауреат «Шеран спортхо» категорехь[39].

Статистика профессионалан ММА-хь

ЖамӀ Рекорд МостагӀ Хьесап Турнир Терахь Раунд Хан Меттиг Билгалдаккхар
Эшам 15-1 Америкин Цхьаьнатоьхна Штаташ Шон Стрикленд Сацам бина UFC 328 2026 шеран 9 май 5 5:00 Америкин Цхьаьнатоьхна Штаташ Ньюарк Йуккъераваьлла UFC йуккъерчу йозаллин чемпионан цӀе йаьккхина
Толам 15-0 Къилба-Африкин Республика Дрикус дю Плесси Сацам бар UFC 319 2025 шеран 17 август 5 5:00 Америкин Цхьаьнатоьхна Штаташ Чикаго UFC йуккъерчу йозаллин чемпионан цӀе йаьккхина
толам 14-0 Керла Зеланди Роберт Уиттакер UFC 308 2024 шеран 27 октябрь 1 3:34 Ӏаьрбийн Цхьаьнакхетта Эмираташ Абу-Даби, ОАЭ «Буьйсанан гайтам» (5)
толам 13-0 Нигери Камару Усман Дукхахболчу нехан сацам UFC 294 2023 шеран 21 октябрь 3 5:00 Ӏаьрбийн Цхьаьнакхетта Эмираташ Абу-Даби, ОАЭ Йуккъерчу йозалле хьалавелира.
толам 12-0 Америкин Цхьаьнатоьхна Штаташ Кевин Холланд Садукъан тӀеиэцар(Д’Арс) UFC 279 2022 шеран 11 сентябрь 1 2:13 Америкин Цхьаьнатоьхна Штаташ Лас-Вегас, Невада, АЦШ Йуккъара йозалле латар (81,6 кг)
толам 11-0 Бразили Гилберт Бёрнс Цхьана озаца бина сацам UFC 273 2022 шеран 9 апрель 3 5:00 Америкин Цхьаьнатоьхна Штаташ Джексонвилл, АЦШ «Буьйсанан гайтам»
толам 10-0 Цийн Халкъан Республика Ли Цзинлян Технически садукъан тӀеиэцар (тӀехьа) UFC 267 2021 шеран 30 октябрь 1 3:16 Ӏаьрбийн Цхьаьнакхетта Эмираташ Абу-Даби, ОАЭ Йуккъерчу лахара йозалле хьалавелира. «Буьйсанан гайтам» (4)
толам 9-0 Америкин Цхьаьнатоьхна Штаташ Джеральд Миршерт Нокаут (тохар) UFC Fight Night: Ковингтон vs. Вудли 2020 шеран 19 сентябрь 1 0:17 Америкин Цхьаьнатоьхна Штаташ Лас-Вегас, АЦШ Йуккъерчу йозалле хьалавелира.. «Буьйсанан гайтам» (3)
толам 8-0 Къилбаседа Ирланди Рис МакКи Технически нокаут (тохарш) UFC on ESPN: Уиттакер vs. Тилл 2020 шеран 25 июль 1 3:09 Ӏаьрбийн Цхьаьнакхетта Эмираташ Абу-Даби, ӀЦЭ Йуккъерчу лахара йозалле хьалавелира. UFC исторехь (2001 шарахь дуьйна) уггаре сиха рогӀ-роггӀана ши толам баккхаран рекорд хӀоттийра (10 дийнахь).. «Буьйсанан гайтам» (2)
толам 7-0 Уэльс Джон Филлипс Садукъан тӀеиэцар (Д’Арс) UFC on ESPN: Каттар vs. Иге 2020 шеран 16 июль 2 1:12 Ӏаьрбийн Цхьаьнакхетта Эмираташ Абу-Даби, ӀЦЭ Дебют UFC-хь. «Буьйсанан гайтам»
толам 6-0 Къилба-Африкин Республика Мзвандиле Хлонгва Технически садукъан тӀеиэцар (Д’Арс) Brave CF 27 — Abdouraguimov vs. Al-Selawe 2019 шеран 4 октябрь 2 1:15 Ӏаьрбийн Цхьаьнакхетта Эмираташ Абу-Даби, ӀЦЭ Йуккъерчу йозалле хьалавелира
толам 5-0 Росси Икрам Алискеров Нокаут (удар) Brave CF 23 — Pride & Honor 2019 шеран 19 апрель 1 2:26 Урдан Амман, Иордани Йуккъера йозаллан латар (81,6 кг). «Буьйсанан нокаут»
толам 4-0 Америкин Цхьаьнатоьхна Штаташ Сидни Уилер Барта дӀадалар (тохарш) Brave CF 20 — Chimaev vs. Sidney 2018 шеран 22 декабрь 1 0:35 ХӀинди Хайдарабад, ХӀинди
толам 3-0 Австри Марко Кисич Технически нокаут (тохарш) Brave CF 18 — Mineiro vs. Selwady 2018 шеран 16 ноябрь 1 3:12 Бахьрайн Манама, Бахрейн Йуккъерчу лахара йозалле хьалавелира.
толам 2-0 Норвеги Оле Магнор Садукъан тӀеиэцар (тӀехьа) FCR 3 — Fight Club Rush 3 2018 шеран 18 август 1 4:23 Швеци Вестерос, Швеци Йуккъерчу йозалле хьалавелира.
толам 1-0 Норвеги Гард Ольве Саген Технически нокаут (тохарш) IRFA — International Ring Fight Arena 14 2018 шеран 26 май 2 0:05 Швеци Уппсала, Швеци Дебют ММА-хь. Йуккъера латаран йозалла (80 кг)

Статистика дезархочун ММА

ЖамӀ Рекорд МостагӀ Хьесап Турнир Терахь Раунд Хан Меттиг Билгалдаккхар
толам 3-0 Босни а, Герцеговина а Аднан Музич Технически нокаут (тохарш) Nordic Warrior Nordic Warrior 3 2018 шеран 14 июнь 1 0:57 Швеци Нючёпинг, Швеци
толам 2-0 Швеци Даниэль Грбич Садукъан тӀеиэцар (гильотина) Kaisho Battle Kaisho Battle 14 2017 шеран 18 октябрь 2 2:20 Швеци Хельсингборг, Швеци
толам 1-0 Швеци Халед Лааллам Садукъан тӀеиэцар (Д’Арс) Fight Club Rush Fight Club Rush 1 2017 шеран 10 сентябрь 2 2:06 Швеци Вестерос, Швеци

Доьзал

Хьамзатан воккхах волу ваша Артур а[40], йиша а йу[41].

2022-чу шарахь хӀутоссург беттан 21-чу дийнахь Чимаевс зуда йалийра Нохчийчохь[42]. 2023-чу шарахь цу шиннан кӀант хилла[43].

Билгалдахарш

  1. ↑ Боец ММА Хамзат Чимаев сообщил, что теперь представляет клуб «Ахмат». Матч ТВ (2023 шеран 25 сентябрь). ТӀекхочу дата: 2023 шеран 23 октябрь.
  2. ↑ «Хочу дом в Чечне и для мамы — в Швеции». Открытие года в UFC Хамзат Чимаев рассказал про рыбалку и работу охранником. Матч ТВ (2021 шеран 15 январь). ТӀекхочу дата: 2026 шеран 26 май.
  3. ↑ Шрам после падения с лестницы, завершение карьеры из-за рака и наезд на Нурмагомедова: чем известен чемпион UFC Чимаев. RT (2025 шеран 18 август). ТӀекхочу дата: 2026 шеран 26 май.
  4. ↑ Брат Чимаева рассказал, как Хамзат переехал в Швецию. Матч ТВ (2020 шеран 1 октябрь). ТӀекхочу дата: 2026 шеран 26 май.
  5. ↑ Рекордсмен UFC Чимаев получил паспорт гражданина ОАЭ. РБК (2025 шеран 1 февраль). ТӀекхочу дата: 2026 шеран 26 май.
  6. ↑ 1 2 Хамзат Чимаев подписан в UFC. web.archive.org (2020 шеран 9 июль). ТӀекхочу дата: 2026 шеран 27 май.
  7. ↑ Чимаев рассказал, что большую часть жизни у него была другая фамилия. Спорт-Экспресс (2020 шеран 28 декабрь). ТӀекхочу дата: 2026 шеран 26 май.
  8. ↑ Fristils SM 2016 Norrköping (нем.). ringerdb.de. ТӀекхочу дата: 2026 шеран 26 май.
  9. ↑ Fristils SM 2015 Sundsvall (нем.). ringerdb.de. ТӀекхочу дата: 2026 шеран 26 май.
  10. ↑ Fristils SM 2018 Örnsköldsvik (нем.). ringerdb.de. ТӀекхочу дата: 2026 шеран 26 май.
  11. ↑ Чимаев победил Херманссона в борцовской схватке. Спорт-Экспресс (2021 шеран 20 ноябрь). ТӀекхочу дата: 2026 шеран 26 май.
  12. ↑ Хамзат Чимаев подписал контракт с борцовским промоушеном RAF. РБК (2026 шеран 19 апрель). ТӀекхочу дата: 2026 шеран 26 май.
  13. ↑ Чеченского бойца UFC назвали «шведским Хабибом». Чимаев сотворил историю, а теперь хочет «научить манерам Конора». Sport24.ru (2020 шеран 30 июль). ТӀекхочу дата: 2026 шеран 26 май.
  14. ↑ «Этот парень должен быть в UFC». Однако Хамзат нокаутировал его за 2,5 минуты. Championat.com (2022 шеран 13 май). ТӀекхочу дата: 2026 шеран 26 май.
  15. ↑ Чимаев победил Филлипса в дебютном бою в UFC. Championat.com (2020 шеран 16 июль). ТӀекхочу дата: 2026 шеран 26 май.
  16. ↑ Чимаев нокаутировал МакКи и установил рекорд UFC. РИА Новости Спорт (2020 шеран 26 июль). ТӀекхочу дата: 2026 шеран 26 май.
  17. ↑ Боец UFC Чимаев жестко нокаутировал Мершарта за несколько секунд. РИА Новости Спорт (2020 шеран 20 сентябрь). ТӀекхочу дата: 2026 шеран 26 май.
  18. ↑ Чимаев подписал новый контракт с UFC. ТАСС (2020 шеран 24 декабрь). ТӀекхочу дата: 2026 шеран 26 май.
  19. ↑ «Что будет с мамой, если я умру?» Чимаев рассказал о битве с COVID-19. Championat.com (2021 шеран 21 апрель). ТӀекхочу дата: 2026 шеран 26 май.
  20. ↑ Рекордсмен UFC Чимаев рассказал, как ему ошибочно диагностировали рак. РБК Спорт (2023 шеран 21 октябрь). ТӀекхочу дата: 2026 шеран 26 май.
  21. ↑ Боец UFC Хамзат Чимаев объявил о завершении карьеры. ТАСС (2021 шеран 2 март). ТӀекхочу дата: 2026 шеран 26 май.
  22. ↑ Новый Хабиб анонсировал дату ближайшего боя в UFC и имя соперника. Lenta.ru (2021 шеран 23 август). ТӀекхочу дата: 2026 шеран 26 май.
  23. ↑ Чимаев назвал себя главной звездой UFC после победы над Ли Цзинляном. РБК Спорт (2021 шеран 30 октябрь). ТӀекхочу дата: 2026 шеран 26 май.
  24. ↑ «Теперь я счастлив. 50 «кусков», детка!» — Чимаев после победы над Бернсом в UFC. Матч ТВ (2022 шеран 10 апрель). ТӀекхочу дата: 2026 шеран 26 май.
  25. ↑ Чеченский рекордсмен Чимаев выиграл 12-й бой в UFC. РБК Спорт (2022 шеран 11 сентябрь). ТӀекхочу дата: 2026 шеран 26 май.
  26. ↑ «Чимаев больше не гражданин Швеции». Хамзат будет драться в UFC под другим флагом. Спорт-Экспресс (2023 шеран 23 сентябрь). ТӀекхочу дата: 2026 шеран 26 май.
  27. ↑ Рекордсмен Чимаев подписал новый долгосрочный контракт с UFC. РБК (2023 шеран 20 октябрь). ТӀекхочу дата: 2026 шеран 26 май.
  28. ↑ Хамзат Чимаев победил экс-чемпиона UFC в претендентском поединке. РИА Новости Спорт (2023 шеран 21 октябрь). ТӀекхочу дата: 2026 шеран 26 май.
  29. ↑ Чимаев покалечил противника в UFC: появилось фото сломанной челюсти Уиттакера после боя. Sport24 (2024 шеран 27 октябрь). ТӀекхочу дата: 2026 шеран 26 май.
  30. ↑ Чимаев дебютировал в рейтинге лучших бойцов UFC. РБК (2025 шеран 24 июнь). ТӀекхочу дата: 2026 шеран 26 май.
  31. ↑ UFC анонсировал чемпионский бой Хамзата Чимаева. РИА Новости Спорт (2025 шеран 14 май). ТӀекхочу дата: 2026 шеран 26 май.
  32. ↑ Чимаев завоевал чемпионский титул UFC в среднем весе. TACC (2025 шеран 17 август). ТӀекхочу дата: 2026 шеран 26 май.
  33. ↑ Кадыров назвал Чимаева одной из ярчайших звезд UFC. РБК (2025 шеран 17 август). ТӀекхочу дата: 2026 шеран 26 май.
  34. ↑ Кадыров встретил чемпиона UFC в аэропорту Грозного и подарил ему Maybach. РБК (2025 шеран 20 август). ТӀекхочу дата: 2026 шеран 26 май.
  35. ↑ «Cпорное судейство». В чем причины поражения Чимаева в бою за титул UFC — РБК. www.rbc.ru (2026 шеран 10 май). ТӀекхочу дата: 2026 шеран 26 май.
  36. ↑ Fristils SM 2015 Sundsvall, 03.-2015-07-04 (нем.). www.liga-db.de. ТӀекхочу дата: 2026 шеран 26 май.
  37. ↑ Fristils SM 2016 Norrköping, 09.-2016-07-10 (нем.). www.liga-db.de. ТӀекхочу дата: 2026 шеран 26 май.
  38. ↑ Метка: Швеци - WSPORT-SHATOY (сунд.). wsport.su. ТӀекхочу дата: 2026 шеран 26 май.
  39. ↑ Хамзат Чимаев стал «Спортсменом года» Чеченской Республики. Грозный-Информ (2025 шеран 22 декабрь). ТӀекхочу дата: 2026 шеран 26 май.
  40. ↑ «Со Швецией ничего не связывает». Интервью брата Хамзата Чимаева перед UFC 294. Матч ТВ (2023 шеран 19 октябрь). ТӀекхочу дата: 2026 шеран 26 май.
  41. ↑ «У меня российские корни, мы любим Россию». Спор, кого же представляет Чимаев. Sports.ru (2025 шеран 18 октябрь). ТӀекхочу дата: 2026 шеран 26 май.
  42. ↑ Кадыров рассказал о свадьбе Чимаева. Lenta.ru (2022 шеран 23 май). ТӀекхочу дата: 2026 шеран 26 май.
  43. ↑ Чимаев рассказал о проблемах полуторагодовалого сына со здоровьем: «Ему сделают операцию, но всё будет хорошо». Sports.ru (2024 шеран 24 октябрь). ТӀекхочу дата: 2026 шеран 26 май.

Хьажоргаш

Кхин дӀа темана тӀехь

Категореш