Чамров, Фёдор Павлович

Дуьненчу ваьлла 1892-чу шеран асаран беттан 5-чу дийнахь Тверски губернин Корчевски уездан Яковлево йуьртахь белхалочун доьзалехь.

Граждански тӀеман дакъалацархо. 1919-чу шарахь ЙКП(б) йукъа вахана.

1922-1925-чуй шерашкахь цкъа хьалха лакхара инспектор а, тӀаккха ахчанан-чоьтан бюрон куьйгалхо а волуш белхаш бина. 1926-чу шарахь «Грознефть» трестан урхалла дечун заместитель хӀоттийна.

1927-1928-чуй шерашкахь Соьлжа-ГӀала — Туапсе мехкадаьттан зӀе тосуш куьйгаллехь хиллачарех цхьаъ хилла. 1929-чу шарахь Парижехь французски агӀонца геофизикин белхаш баран хьокъехь болу барт бина цо, оццу шарахь США командировке а вахана. 1931-1933-чуй шерашкахь Чамров Фёдор «Грознефть» трестехь куьйгалла деш хилла. Цуьнца цхьаьна 1932-чу шарахь Соьлжа-ГӀалин мехкадаьттан институтан ректор а хилла. 1931-чу шарахь Ленинан орден йелла — пхеашеран план деа шарахь кхочушйарна.

1933-чу шарахь мехкадаьтта даккхар лахделла, тӀаккха йезачу помышленностан наркомана Орджоникедзе Сергос буьйр дарца оццу шеран товбецан баттахь Чамроев даржера дӀаваьккхина. Оццу шарахь парти йукъара а дӀаваьккхина, делахь а, кеста йуха метта а хӀоттийна, СССР-н йезачу промышленностан халкъан комиссариатан Главнефтан хьаькаман заместителан дарже а хӀоттийна.

1934-чу шеран оханан баттахь «Кевир-Хуриан» советски-ирански мехкадаьттан йукъараллин директор-дӀасадекъархо хӀоттийна.

1937-чу шеран эсаран беттан 10-чу дийнахь троцкизмехь бехке а веш схьалаьцна. Оццу шеран лахьанан беттан 28-чу дийнахь РСФСР-н зуламан кодексан 58-7-чу а, 58-8-чу а, 58-9-чу, 58-11-чу а статьяшца бехкевеш кхиэл кхайкхийна СССР-н Лаккхарчу кхиэлан ТӀеман коллегис, оццу дийнахь тоьпаш а тоьхна^[1].

1956-чу шарахь реабилитаци йина.

• Чамров Ф. П., Хачатуров В. А. Американские методы производства высоковязких смазочных масел. «Нефтяное хозяйство». 1930, январь^[2].