Хьусайн бен Талалан цӀарах парк

Хуьсайн бин Талалан парк — Соьлжа-ГӀалин паркех цхьаъ йу. Иза йу БойсгӀаран кӀоштан йуккъерачу декъехь, ӀабдуллахӀ II бин Аль-Хьусайнан а, Лисицын а урамашна йуккъехь. Иза нахана йезаш йолчу садаӀаран меттигех цхьаъ йу.

Хьалха хилла Павел Мусоровн парк кхоьллина 1939 шарахь. Цунна цӀе тиллина Соьлжа-ГӀалахь бӀе дийнан тӀеман турпалан пулеметчикан Мусоров Павелан иза велла 20 шо кхочуш. Советийн заманахь Соьлжа-ГӀалин бахархошна дукхайезаш садаӀаран меттиг хилла дӀахӀоьттира иза. Цуьнан йуккъерачу декъехь лаьттара аьхкенан кинотеатран гӀишло (хӀинца йохийна), некъан маша, спортан майда, ткъа Лисицын урамна гергахь, долахь йолчу секторна уллехь, постамент тӀехь Ту-134 кема дара. Мусоров Павелан урамера йерриг а баьццара зонин тӀехула дӀайоьдура шира трамвайн аса, лома хьала а йоьдуш^[1].

Паркан дехьарчу агӀор йара ГӀалин дешаран комитетан а, № 5 йолу йуккъера ишколан а шира гӀишлош, цигахь Сийлахь-Боккха Даймехкан тӀеман шерашкахь Советийн эскаран чевнаш хиллачу салташна лерина тӀеман госпиталь йара. Паркан йуккъера чувола меттиг гойтуш йу 1918—1920 шерашкахь гражданийн тӀеман турпалхойн обелиско. ХӀоллам хӀоттийна 1954. Парк чӀогӀа зенаш дина хьалхара а, ШолгӀа нохчийн тӀемаш долчу хенахь^[2].

2011 шарахь паркан цӀе хийцира Урданан паччахьан (1952 шарера 1999 шаре кхаччалц) Хьусайн бин Талалан сий деш, 2018 шо кхачале иза йерриг а хийцайелира. Керлачу паркан проектан авторш бара Норвегин архитектурин «Snøhetta» бюрон говзанчаш, уьш бара Нью-Йоркехь Таймс-сквер меттахӀотторехь болх бинарш^[3].

Тойина садаӀаран парк дӀайиллина бӀаьста 2018 шарахь 200 шо кхочуш Соьлжа-ГӀалин^[4].

ХӀинца керла серло а, Ӏам а, бӀеннаш дитташ а, коьллаш а, спортан майданаш а йу цунна чохь. Паркехь дӀадийна 600 сов дитт а, тайп-тайпана тайпанийн коьллаш а, архитекторша кхоьллина гӀашлойн маша, баьццара зонин йукъайогӀу йукъара стоьмийн некъаш олу меттигаш, царна лерина гӀашлойн некъашца дитташ дӀадийна — баьллаш, туьркаш, хьечеш, бӀараш. ХӀалха хилла иттаннаш дитташ лардина. Паркан йуккъехь дӀахӀоттийна функционалан а, декоран а серлонаш.

Ӏам лаьтта уггаре а йуккъехь, цунна тӀе йиллина сцена а, амфитеатр йу. Иштта паркан кӀоштахь гучуйевлла цхьа могӀа керла объекташ, къаьсттина, урамийн спортан ловзаран майда, кхача латто чоь, берийн ловзаран майда, тайп-тайпана даздарийн барамаш дӀабахьа ловзаран майда, дуккха а Ӏалашонаш йолу спортан майданаш, скейт-парк, воркаут^[5].

Паркан йерриг майда йу 63,5 эз. квадратан метров, ткъа баьццара зонин майда 39,8 эз. квадратан метр^[6].