Оьрсийн меттан версиБашха проекташ
Нисде хатӀМотт хийца
РУВИКИ-Х ЛАЬЦНА

Хайдаров, Майрбек Эльбекан воӀ


Хайдаров Майрбек Эльбекан воӀ (1990, Соьлжа-ГӀала) — российски иллиалархо, Нохчийн Республикин хьакъволу артист, Нохчийн Республикин халкъан артист[1].

Биографи

Хайдаров Майрбек дуьнен чу ваьлла 1990-чу шарахь Соьлжа-ГӀалахь. Бераллехь дуьйна мукъамашца а, вокалаца а ойла йолуш хилла. 1994-чу шарахь дуьйна БухӀан-Юьртарчу Химикийн культурин цӀийнехь хелхар Ӏамош хилла. 2007-чу шарахь Соьлжа-ГӀалин №2 йолу гимнази чекхйаьккхина.

2012-чу шарахь Соьлжа-ГӀалахь Нохчийн пачхьалкхан хьехархойн институтан искусствийн факультетан вокалан отделени чекхйаьккхина М.Хайдаровс.

2005-чу шарахь Москвахь хиллачу Йерригроссин «Бераллин дуьне» берийн а, кегийрхойн а фестивалан «Къоман хореографи» декъехь Гран-При йаьккхина иллиалархочо[2].

2006-чу шарахь оперин эшарлакхархочо, СССР-н халкъан артисткас, «Даймехкан дуьхьа хьуьнарш гайтарна» Орденан Йуьззинчу Кавалера Вишневская Галинас Москва стажировке кхайкхина[1]. «Александра» фильм йоккхуш респубике йеанчу режиссеран Сокуров Александран тобанца цхьаьна йара иза, оцу фильмехь коьрта роль ловзош а йара[3]. Вишневская Галинас, Хайдаров Майрбекан а, Нохчийн Республикин хьакъйолчу артисткин Исаева Ӏайнаан а вокале ла а доьгӀна, пайде хьелаш хӀиттош Москва кхайкхира уьш[4].

2007-чу шарахь Россин Федерацин дешаран министерствос «Россин похӀме бераш» Сийлаллин грамотица а, ахчанан совгӀатца а билгалбаьккхина иллиалархочун къинхьегам[1].

2009-чу шарахь республикин «Къона седарчий – 2» къоначу эшарлакхархойн къовсамехь толам баьккхина[1].

2009-чу шарахь дуьйна «Шеран илли», «Къоман пхиъ» музыкин совгӀатан дакъалацархо ву[1].

2009-чу шарахь Соьлжа-ГӀалин мэрин культурин департаментан «Столица» ансамбле солист схьаэцна[1].

2011-чу шарахь Ӏ. Шахбулатовн цӀарах йолчу Нохчийн пачхьалкхан филармонин солист-вокалист ву[1].

2018-чу шарахь Нохчийн Республикин культурин денойн гурашкахь, нохчийн артисташца цхьаьна, Санкт-Петербургерчу «Мюзик-Холл» театрехь дӀайаьхьначу концертехь дакъалаьцна[5].

Хайдаров Майрбекан кхоллараллин лаккхара мах хадийна республикин куьйгалло, артистан дуккха а Сийлаллин грамоташ а, Нохчийн Республикин Мехк-Ден а, ведомствийн а, организацийн а Баркаллин кехаташ а, тайп-тайпанчу къовсамийн дипломаш а ду[1].

Радиостанцешкахь хезаш долу, нохчийн а, оьрсийн а меттанашкахь иллеш ду цуьнан. Хайдаров Майрбек жигара дакъалоцуш ву гастролашкахь а, тайп-тайпанчу тӀегӀанан фестивалашкахь а, концерташкахь а, регионна мехала долчу цхьаьнакхетаршкахь а[1].

Кхиамаш а, совгIаташ а

  • 2011-чу а, 2012-чу а шерашкахь «Шеран иллиалархо» цӀе а, республикин «Къоман пхиъ» совгӀат а даьккхина[6][2];
  • 2012 — Нохчийн Республикин хьакъволу артист[7];
  • 2019 — Нохчийн Республикин халкъан артист[8].

Билгалдахарш

  1. ↑ 1 2 3 4 5 6 7 8 9 Хайдаров Майрбек Эльбекович. Официальный сайт «Чеченской государственной Филармонии им. А. Шахбулатова» (2023-2024). ТӀекхочу дата: 2024 шеран 7 апрель.
  2. ↑ 1 2 Хайдаров Майрбек. irse-de.ru. ТӀекхочу дата: 2024 шеран 8 апрель.
  3. ↑ Муртазалиева Асият. Айна Исаева. Ее благословила Вишневская. ИА «Чеченинфо» (2014 шеран 2 декабрь). ТӀекхочу дата: 2024 шеран 6 апрель.
  4. ↑ Муртазалиева Асият. Айна Исаева . Ее благословила Вишневская. Чеченинфо (2014 шеран 2 декабрь). ТӀекхочу дата: 2024 шеран 8 апрель.
  5. ↑ В Санкт-Петербурге прошли Дни культуры Чеченской Республики. «Чеченская Республика Сегодня» (07 ноября 2018). ТӀекхочу дата: 2024 шеран 8 апрель.
  6. ↑ В Грозном подвели итоги республиканского музыкального конкурса «Национальная пятерка-2012». «Чеченская Республика Сегодня» (29 декабря 2012). ТӀекхочу дата: 2024 шеран 8 апрель.
  7. ↑ Линда Солтагираева. Майрбек Хайдаров о творческом пути. Журнал «Наша новая школа. Россия» (2019 шеран 31 июль). ТӀекхочу дата: 2024 шеран 8 апрель.
  8. ↑ Айна Гетагазова удостоена звания Народный артист ЧР. «Чеченская Республика Сегодня» (12 декабря 2019). ТӀекхочу дата: 2024 шеран 7 апрель.

Хьажоргаш

Категореш