Хаджиев Шамсудин Мохьмадан воӀ
Хаджиев Шамсудин Мохьмадан воӀ (1930 шеран 20 август, Чечана, Нохчийн автономин область — 2005 шеран 25 ноябрь, Соьлжа-ГӀала, Нохчийн Республика, Росси) — гӀишлошйархо, йукъараллин гӀуллакххо, Социалистически къинхьегаман Турпалхо. Соьлжа-ГӀалин сийлахь вахархо[1].
Биографи
Махках даьккхинчу шерашкахь Лениногорскехь ваьхна иза, цигахь чекхйаьккхина цо гӀишлошйаран школа. Шен балхаца цӀе йахначу комсомольски-кегийрхойн бригадин бригадир хилира иза. Бригадир хилира уггаре а жимах волу горсоветан декъашхо. 1957-чу шарахь, Нохч-ГӀалгӀайн АССР меттахӀоттийначул тӀаьхьа, 17 гӀишлошйархочух лаьттачу шен бригадаца Даймахка цӀавоьрзу иза[1].
Хаджиевн белхан зеделларг ах бӀешо сов хан йара. Цуьнан бригадо йира гергарчу хьесапехь 40% Соьлжа-ГӀалахь граждански а, промышленни а объекташ. 30 шарахь сов цуьнан бригадо цхьа миллион сов йеакӀов метр хӀусамаш йина[1].
1971-чу шеран 30-чу мартехь цунна йелира социалистически къинхьегаман турпалхо цӀе, ткъа 1978 шарахь цунна йелира «РСФСР Сийлахь гӀишлошйархо» цӀе. 1982-чу шарахь гӀишлошйаран декъехь СССР-н Пачхьалкхан совгӀат делира цунна[2]. 1955-чу шарахь дуьйна иза йух-йуха а депутат хаьржира, итт шарахь Нохч-ГӀалгӀайн АССР Лакхарчу Кхеташонан Президиуман декъашхо вара[1].
1990-гӀа шераш дуьйлалуш пенсе вахара иза. Шен тӀаьххьарчу шерашкахь Москох вехаш вара иза[1].
СовгӀаташ а, цӀераш а
- Социалистийн къинхьегаман турпалхо (1971 шо);
- «Сийлаллин знак» орден (1966 шо);
- Халкъийн доттагӀаллин орден (1968 шо);
- Октябран революцин орден (1971 шо);
- Болгарин къаьмнийн доттагӀаллин мидал (1968 шо);
- «Къинхьегаман ветеран» мидал (1985 шо);
- РСФСР Сийлахь гӀишлошйархо (1978 шо);
- ГӀишлошйарехь СССР пачхьалкхан совгӀат.
Иэс
2008-чу шеран августехь цуьнан цӀе тиллира иза ваьххачу Соьлжа-гӀалин Украинская урамна[1].
Хьажоргаш
- Хаджиевн цӀе тиллира иза ваьххачу Соьлжа-гӀалин Украинская урамна. chechnya.gov.ru (2008 шеран 19 август). ТӀекхочу дата: 2016 шеран 24 ноябрь. Кху чуьра архивйина оригиналан 2016 шеран 26 декабрехь
- Хаджиев Шамсуди бакъдуьнен вахана. chechnya.gov.ru (2005 шеран 26 ноябрь). ТӀекхочу дата: 2016 шеран 26 декабрь. Кху чуьра архивйина оригиналан 2018 шеран 14 декабрехь
- Тимур Каримов. Хаджиев Шамсуди. Пачхьалкхан турпалхой (2005 шеран 26 ноябрь). ТӀекхочу дата: 2018 шеран 11 декабрь. Кху чуьра архивйина оригиналан 2018 шеран 14 декабрехь