Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Умаев, Рамзан Хьусайнан воӀ

РУВИКИ чохь изза фамили йолчу кхечу адамех лаьцна йаззамаш бу Умаев.

Умаев Рамзан Хьуьсайнан воӀ (оьрс. Умаев, Рамзан Хусаинович; 1991 шеран 15 апрель) — россин театран а, кинон а актёр, режиссёр, сценарихо, НР хьакъдолу артист[1].

Биографи

Умаев Рамзан вина 1991 шеран 15 апрелехь.

Цо чекхйаьккхира Нохчийн пачхьалкхан университетан актёрийн дакъа. 2009-чу шарахь, Нохчийн пачхьалкхан драмин Нурадилов Х. цӀарах театрехь дӀабаьхьина «Заманхо» къовсаман жамӀашца, Умаев дӀаийцира нохчийн театран актерийн могӀаршка.

2010 шарахь актёр дӀаийцира Ахмадова Хьаван кегийрхойн театр «Серлон» йукъа[2]. 2012 шеран мартехь цо шен дебютан режиссеран болх гайтира хьажархошна — «Ӏалауддинан боозбуунчаллин лампа» спектакль, цу тӀехь декораци а, музыкин аранжировка а, костюмийн дизайн а йара цуьнан авторан долахь.

2015 шарахь, шина театран цхьаьнакхетарца иза йукъавеина Нохчийн пачхьалкхан драмин Нурадилов Х. цӀарах театран, цигахь болх беш ву хӀинца а.

Театран гӀуллакххоша башха къастийра Умаевн актёран белхаш: «Ӏаьржа стеган» васт денйар трагикомедехь «Марчо схьадан ваханарг», «Турпалхойн зама» Советийн Союзан Турпалхочун Исмаиловн васт, иза лерина йара 9 майна Толаман денна.

2018 шарахь говзаллин кечам бина Москохахь Сценин говзаллин Райкин К. А. лакхара ишкол(оьр.)нохч. (режиссурин факультет, Сорокин Н. В. пхьолгӀа)[3].

2019 шарахь дуьйна Нохчийн театран режиссёр ву, цигахь хӀиттийна спектаклаш: «Ӏаловдинан керла хиламаш»[4], «Хамелеон». Кхин а Умаев Рамзана йаьккхина шиъ йоцаметражан фильм, цигахь сценарихо а, режиссёр а ролехь хилла: «Ламанхочун Сий», «ПаргӀатонан мах».

2020 шарахь йазйина ши инсценировка: «Ненан бӀаьрхиш», «Адин Сурхо», уьш аьттонца хӀиттийна ТӀехьа-Мартанан муниципалан театрехь.

Театран белхаш

  • «Шен цӀа — цӀен цӀа» — Куьйра;
  • «Лаьмнел лекха» — ГӀовда;
  • «Зуда йалор» — Кочкарёв;
  • «Нохчийн махкахь, нохчийн маттахь» — Кибиев Мусбек;
  • «Толамхочун новкъахь» — хӀурд-кемана тӀехь бунтан декъахо;
  • «Бекхам» — Хьасан;
  • «Совдат а, Дауд а» — КъахӀим;
  • «Бож-Ӏели» — Овхьад;
  • «Лийрбоцурш» — Нурадилов Ханпаша;
  • «Къематан де хоьттича» — Докка;
  • «Дахаран урчакх» — Анзор;
  • «Хьуьна йуккьехь ирзу» — Солта;
  • «Буса хилла гӀурт» («Массо хӀума Ӏункара-бертала долу цӀа» А. Портесан) — Хасинто[5];
  • «Буьйсанехь адамаш» — Довда;
  • «Кхин кхузза кхоссар» — капитан Симоне;
  • «Хамелеон» — Выходцев а, Очумелов а;
  • «Реалан Бальзаминов»- Михайло Дмитриевич Бальзаминов;
  • «Денисолт» — таллархо;
  • «Къонахчун дош» — лейтенант Ӏийса, терроризмаца къисам латториг;
  • «Доккха Латта» — кхин махкахо;
  • «Отелло» — Яго.

Фильмографи

  • йуьззинаметражан телефильм «Хьан харжам» НПТРК «Соьлжа-ГӀала», режиссёр а, сценарихо а Карев Владимир, 2014 шо
  • Юшаев Анзоран йуьззинаметражан фильм «Штурм», роль — воккха стаг
  • «Селхана», сценарийн автор Умаев Рамзан, режиссёр Крылаева Лика — Ахьмадан роль, 2023 шо
  • «Обарг», режиссёр Шурховецкий Иван — эпизодашкара роль, 2023 шо[6];
  • «Ешь. Борись. Люби» (режиссёр Акав Акавов) — полицин хьаькаман Арсенан роль, 2024 шо[7];
  • «Чемпион» (режиссёр Андрей Иванов) — коьрта роль Рустам бариста, 2024 шо.

СовгӀаташ

  • Сийлахь цӀе «Нохчийн Республикин сийлахь артист» (2017)[8];
  • 2019 шарахь совгӀат дина Нохчий Республикин оьздангаллин министраллин накха тӀеуллу седанца.
  • НР оьздангаллин министерствон «Лаккхара кхиамаш бахарна» мидал (2021, 2025)[1].

Билгалдахарш

  1. ↑ 1 2 Чеченский государственный драматический театр им. Х. Нурадилова. Рамзан Умаев(бил-боцу.). Чеченский государственный драматический театр им. Х. Нурадилова (2021-2024). ТӀекхочу дата: 2024 шеран 28 март.
  2. ↑ Марьям Магомадова. Удачный кадр(бил-боцу.). газета "Вести Чеченской Республики" (2012 шеран 5 июль). ТӀекхочу дата: 2024 шеран 28 март.
  3. ↑ Кино-Театр.Ру. Умаев Рамзан Хусаинович(бил-боцу.). Кино-Театр.Ру. ТӀекхочу дата: 2024 шеран 28 март.
  4. ↑ Премьера спектакля "Новые приключения Алладина" пройдет в драмтеатре Чечни в феврале - ТАСС, TACC. Дата обращения: 28 мартехь 2024.
  5. ↑ Марьям Магомадова. У Рамзана Умаева есть пять причин любить театр(бил-боцу.). газета "Вести Чеченской Республики". газета "Вести Чеченской Республики" (2019 шеран 1 июнь). ТӀекхочу дата: 2024 шеран 29 март.
  6. ↑ Автономная некоммерческая организация «Институт развития интернета» (ИРИ). Фильм-притча «Абрек» выйдет в День народного единства(бил-боцу.). Автономная некоммерческая организация «Институт развития интернета» (ИРИ) (5 октября 2023). ТӀекхочу дата: 2024 шеран 28 март.
  7. ↑ Ешь! Борись! Люби! фильм (2025). ТӀекхочу дата: 2026 шеран 1 июль.
  8. ↑ Почетное звание «Заслуженный артист Чеченской Республики». ru-nagrady-by.web.app. ТӀекхочу дата: 2026 шеран 24 август.

Категореш