Терроризмаца къийсам латтош кхелхинчийн иэсан хӀоллам
Терроризмаца къийсам латтош кхелхинчийн иэсан хӀоллам (оьрс. Мемориал памяти погибших в борьбе с терроризмом) — Соьлжа-ГӀалин юккъехь лаьтта хӀоллам.
Сурт хӀоттор
Ансамбль лаьтта 38 Ӏаьржачу нийса йоцу тайп-тайпанчу кепехь болу тӀулгех. ХӀора тӀулган шарбиначу агӀона тӀехь дашо воркъаца йазйина йу Нохчийчохь контртеррористически операцехь декьал хиллачу милцойн, динан векалийн, администрацин куьйгалхойн цӀераш. Композицин йуккьехь йу 70 тонн йозалла йолу Ӏаьржа монолит. Цунна кӀажехь йаздина: «Дала бакъо толайойла. Кадыров Ахьмад-Хьаьжин дешнаш».
2010 шеран хӀутосург беттан 9 дийнахь схьайиллина мемориал. ТӀаьхьа иза дӀайаьхьира хӀинца лаьттачу метте — Соьлжа-ГӀалин мэрин улле. Цунна гондхьа ду кегдина нохчийн, гӀалгӀайн чартийн тӀулгаш. Уьш лелийнера нохчий, гӀалгӀай цӀерабаьхначул тӀаьхьа Солжа-ГӀалахь гӀишлош а, некъаш деш. 1994 шарахь чарташ дӀахӀиттийра депортацехь кхелхинчарна леринчу дагалецаман меттехь. 2008 шарахь мемориал йухаметтахӀоттош уьш цхьаьнатуьйхира терроризман дохьало йеш декъал хиллачаьрца.
Мемориалан юкъа богӀу Дуьненан хьалхара тӀамехь дакъа лаьцна болу Нохчийн дошлойн полкан эпсарийн, кавалеристийн цӀераш тӀехь йолу пхиъ тӀулг.
Галерей
Билгалдахарш
- В Грозном почтили память погибших в борьбе с терроризмом. grozny.tv. ТӀекхочу дата: 2025 шеран 22 декабрь.
- Мемориал памяти погибших в борьбе с терроризмом. grz.holme.ru. ТӀекхочу дата: 2025 шеран 22 декабрь.
Хьажоргаш
- В центре города Грозного у мемориала памяти погибших в борьбе с международным терроризмом прошла акция, приуроченная ко Дню солидарности в борьбе с терроризмом. ТӀекхочу дата: 2025 шеран 10 декабрь.
- Мемориал памяти погибших в борьбе с международным терроризмом. ТӀекхочу дата: 2025 шеран 10 декабрь.