Соьлжа-ГӀалара М. В. Ломоносовн цӀарах МПУ филиал

Проект кхочш йан йолийна 2017 шарахь. Иза инвестицин проект 26 гектар латтаца а, бархӀ корпус йолу кампусца а. Царех кхоъ дешаран йу, уьш лерина йу 3,5 эзар доьшучунна. Хьехархошна а, студенташна а йина общежитин ши корпус 130 меттиг болуш хӀоранна а^[1].

Филиал кхолларан сацамна куьг йаздина МПУ-н ректоро Садовничий Виктора(оьр.)нохч. 2022 шеран октябрехь. Филиал лаьтта Ахьмадан кӀоштахь Л. И. Яшинан урамехь.

Филиалан директор хӀоттийна пачхьалкхан думин депутат хилла Селимханов Мохьмад. Дешаран программин куьйгалхо — физика-математикин Ӏилманийн кандидат Воронцов Александр^[2], дешаран декъан хьаькам — биологин Ӏилманийн кандидат Ердяков Алексей^[3].

Филиал дӀайиллира 2023 шеран 17 ноябрехь Соьлжа-ГӀалахь^[4].

Бакалавриатан(оьр.)нохч. программица болх беш йу кечаман лахара агӀонаш (хьалхара дешархой дӀаэцна 2023 шарахь):

• прикладни математика а, информатика а;
• юриспруденци;
• менеджмент.

2024 шарахь дуьйна долийна специалитетан программин студенташ дӀаэца (дешаран хан — 6 шо):

• фундаментан а, прикладни а биологи (агӀо — биотехнологи);
• фармаци.^[1]

Филиалехь хьоьхуш бу Москохан университетан хьехархой.

Карарчу хенахь Соьлжа-ГӀалара МПУ филиалан лахара объекташ йу:

• кхоъ дешаран корпус;
• 260 стагна студенташна а, хьехархошна а общежити;
• актови зал 300 меттиган;
• столови;
• спортан йукъ хин майданца, футболан майданца, волейболан, баскетболан, теннисан майданашца^[5].